E'ita'ita 17:4 - Loina Tabu Auwauna NT

⁴ Ta waine nina 'ana 'oama 'ina bweyabweyala 'atuwa toesaesao 'adi 'oama, ta 'ana iyaiyalao goula be gulewa esaesadi be pakuyao, ta nimanaya keiga goula 'igiyaina, ni'atu 'iloemaena bubuna to'umalina 'enega, loelata manuna.

E'ita'ita 17:4 Σταυροειδείς Αναφορές

E'ita'ita 14:8

Ta anilose 'eluwena 'imuliyena ga 'ibwau, 'igwae, “'Asa sinabwana Babiloni ni'atu 'ibe'u saba. 'Asa nina 'ina bubunega boda yauyaudi 'ienumedi, bubuna nina nate bwala 'ana yala bubuna to'umalina manuna.”

E'ita'ita 18:12

'Idi gwegwe nidi nate nadigega goula, be siliba, be gulewa esaesa, be paku, be 'oama wakewakekedi, be 'oama esaesa yomwayomwalidi, be kaiwe maimaidi, be dona sinabwadi, be kaiwe bobo'adi nadigega gai, be kopa kainumu, be gulewa wakewakekedi,

E'ita'ita 18:16

sigwae, “Oioi, oioi, 'asa gote sinabwana lowa 'ieiyala kaleko esaesa, be 'oama wakewakekedi be bweyabweyalidi, be goula, be gulewa esaesa, be paku 'ediyega,

E'ita'ita 19:2

Ta 'ina loina maibo'ana palupaluna ta bobo'ana, manuna tosogala diidiga nina 'ina sogalega bale'u maibo'ana 'igie to'umaliyenaya, ni'atu 'ana e'isa 'ilobena. Ta wate 'asa nina 'ena Yaubada 'ina tomotaiyao siloemwawasidi, 'enega 'igieto'umaliyena.”

E'ita'ita 21:21

Ta 'asa nina 'ana 'awao tuwelo nidi paku sinabwadi tuwelo 'ediyega siguinuwedi, ga 'awa 'ebweuna paku 'ebweuna 'enega siguinuwena. Ta 'asa nina 'ana 'eda maibo'ana goula daisinamo, 'inamanamala 'atuwa gelasi.

E'ita'ita 9:21

Ta wate tomotai nidi getedi nigeya sinuwanuwa'ebuni loemwawasa be nabwasuwa be loelata be 'ipwala 'ediyega, ta sa'i debadi 'ipa'ala.