E'ita'ita 17:16 - Loina Tabu Auwauna NT

¹⁶ Ta kuna sanau be yobai nina 'u'itedi taudi ma'etamo tosogala sietalauwale, be 'ina gwegweyao maibo'adi si'ewadi be kakaena 'ida miyami, be wate esiyona si'a'ani, ta lulunao kaiweyega sigabu.

E'ita'ita 17:16 Σταυροειδείς Αναφορές

E'ita'ita 12:3

Wate 'ebweu 'ebe nuwaowana galewaya 'iapwesa, nate yobai bweyabweyalina ta sinabwana, ta bulubulunao 'adi yau sebeni be kunanao 'adi yau sanau, ta bulubulunao 'ediya peyaula esaesa simiyami.

E'ita'ita 16:12

'Enega anilose esikisina 'ina keiga 'i'ewena ga bwasi sinabwana 'ana esana Yupeletisi 'ena 'isiwena, ga bwasi nina maibo'ana 'iyapasa, be 'enega 'aina kiniyao bolimana 'enega sida abalama.

E'ita'ita 17:10

ta nima 'ediyega ni'atu sibe'u, ga 'ebweuna 'etamo 'iloiloina, ta 'ebweuna ma'etamo 'ida apwesa be 'ina tuta kukupana namo 'ida miyami.

E'ita'ita 18:19

'Enega taudi debadi sida kwausidi be sidedoi sinabwana, sigwae, “Oioi, oioi, 'asa gote sinabwana 'enega to'adauyao 'idi esaesa silobediya, ta tuta kukupana namo 'enaya esaesa maibo'ana ni'atu 'isawala.

E'ita'ita 18:8

'Enega 'asiyata 'ebweu 'ena mwau nidi getedi 'enaya sida apwesa, nate le'oasa be dedoi be botana, be wate kaiwe sabelulu 'ida 'alasi. Manuna 'Inapwana tauna Yaubada Toewaiwai sana waine nina 'ana e'isa 'ida 'ebwa'e.”

E'ita'ita 19:18

be 'enega wa'a'a 'inapwanao esiyodi, be saiya 'adi toanuganao esiyodi, be tolosaiyao esiyodi, ta wate osiyao be 'adi togeluyao esiyodi, be wate tomota yauyaudi esiyodi, taudi 'inapwanao be 'idi toguinuwao wate, sinabwadi be gidalidi.”