E'ita'ita 15:6 - Loina Tabu Auwauna NT

⁶ Ga Anuwa Tabu nina 'enega anilose sebeni siapwesama ta 'elouyao sebeni nimadiya. Anilose nidi 'adi 'oamao wakewakekedi ta 'esasedi, ta 'adi diyapwata goula lumalumadiya simiyami.

E'ita'ita 15:6 Σταυροειδείς Αναφορές

Luke 24:4

'Enega 'ali'ali nina 'enaya ma idi enuwanaluwa simiyami ta sidunedune, ga tuta gidalina 'enaya tai 'eluwa ma 'adi 'oama wakewakekedi ta maemaedanidi siapwesa, ga selabediya sitoolo.

E'ita'ita 1:13

Ta gamwagamwanidiya 'ebweu tai ya'itena, 'ana 'ita 'atuwa tomota, 'ana 'oama 'aalanega ga 'aenaya, ta lumalumana 'ana diyapwata goula,

E'ita'ita 14:15

Ta 'ebweu wate anilose Anuwa Tabuyega 'iapwesama, ta wate 'ibwautu'e 'Inapwana nina pwana debanaya ma ina naipi 'enaya, 'igwae, “'Imu naipiyega 'uda sesoi, manuna bale'uya tuta sesoi ni'atu 'iapwesa, ta ni'atu masula 'imatuwa.”

E'ita'ita 14:17

Ta 'ebweu wate anilose Anuwa Tabu galewaya 'enega 'iapwesama, tauna wate naipi mamatana nimanaya.

E'ita'ita 15:1

'Enega 'ebweu wate 'ebe nuwaowana sinabwana galewaya ya'itena, nate anilose sebeni, ma idi edeedede to'umalidi 'adi yau sebeni. Ta mwau nidi sebeni nate Yaubada 'ina gamwasowala 'ana 'ebe losalowa.

E'ita'ita 19:8

ta waine nina ni'atu 'ana 'oama wakewakekena ta 'esasena Yaubada 'i'ebwa'ena.” Ta 'oama nina 'ana mwalatoi nate Yaubada 'ina tomotaiyao 'idi bubuna palupaluna.