E'ita'ita 14:7 - Loina Tabu Auwauna NT

⁷ Ta anilose nina 'enana sinabwanega 'igwae, “Yaubada 'ena wada 'amayaba be wada lotuputupu, manuna 'ina tuta bwa'omatana ni'atu 'iapwesama, 'enega tauna galewa be bale'u be ola ta wate bwasi daudaudi 'adi tomweluluwa matanaya wa'aetulasa be wabwagobwago.”

E'ita'ita 14:7 Σταυροειδείς Αναφορές

Madiu 25:13

“'Enega 'ilobwenemi be walomata'i'ita, manuna 'asiyata nina, nai tuta nina yailailama nigeya wamwalamwalatoni.

Luke 17:18

Mwa'adega nigeya siilailama be Yaubada 'ena silokalokagutoki? Ta 'oyo to'u'umala nigeya Yudia 'enega, ta 'umai sabi lokagutoki.

Guinuwa 14:15

“Gosemao, geya'abo 'abo'ama 'emaya watalitaliya. 'Abo'ama tomota tuga nadigega 'omi, ga tetela bobo'ana gete 'ame'ena 'emiya, be 'aene 'imi 'ebe emisa besobeso wada guitoyasedi be wada sanaila Yaubada mayawasina 'ena, tauna galewa be bale'u be bwagabwaga be wate yage maibo'adi soladiya 'adi tomweluluwa.

1 Pita 4:7

Ta ni'atu be yage maibo'ana sigugumwala. 'Enega wa'ita'i'isimi be geya'abo walo'ame'ame, ta esi tuta yauyauna wada sidasida Yaubada 'ena.

E'ita'ita 11:13

Tuta nina gote 'enaya mwani'ini'i sinabwana 'iapwesa, ga 'asa nina sinabwana 'ana weyala sanau 'ediyega 'ebweu sena 'iligeina, ga tomota 'adi yau sebeni tausani simwawasa mwani'ini'i nina 'enega. Ta tomota nidi taudi situpwa simatauta 'ai'aila, 'enega Yaubada nina galewaya situpuna 'ina waiwai manuna.

E'ita'ita 11:18

Taudi nigeya me Yudia sigamwasowala 'ai'aila, ta esi 'imu bwa'omatana 'ana tuta 'iapwesama be tomwawasao sitoolo be 'uloinedi, ta 'imu palopitao 'adi e'isa 'uda 'ebwa'edi, be 'imu tomota maibo'adi 'adi e'isa 'u'ebwa'edi, taudi sinasinabwadi be gidagidalidi 'ediya, manuna taudi sana 'amu to'amayabao. Ta esi bale'u 'ana togieto'umaliyao 'oyo 'uda gieto'umaliyedi.”

E'ita'ita 15:4

“'Inapwana ye, tomota maibo'adi sida 'amayabeyo ta sida 'awa eseeseyo, manuna tebweuyo 'esaseyo, 'enega me bale'u maibo'adi sida mai be matamuya sibwagobwago, manuna tomota maibo'adi 'imu loinao palupaludi ni'atu si'itedi.”

E'ita'ita 16:9

Ga ni'atu yaiyai nina sinabwana tomota 'i'alasidi, 'enega Yaubada si'awa to'umaliyena, manuna tauna 'ina loinega ga mwau nidi siapwesama. Ta tuwa tuga, nigeya sinuwanuwa 'ebuni be 'aene Yaubada sida tupu.

E'ita'ita 18:10

Ta ma idi matauta 'ina 'elouya manuna, 'enega 'edasolaya sitoolo ta sigwae, “Oioi, oioi, 'asa sinabwana ta waiwaina Babiloni ni'atu 'ana loina 'iloba maninina.”

E'ita'ita 18:17

ga tuta gidalina namo 'ena ga 'ina esaesa nidi ni'atu sisawala.” Ta wate taudi toniwaga, be 'idi to'adau maibo'adi, be bwagabwaga 'ana topaisewao yauyaudi, 'edasolega sida toolo,

E'ita'ita 18:19

'Enega taudi debadi sida kwausidi be sidedoi sinabwana, sigwae, “Oioi, oioi, 'asa gote sinabwana 'enega to'adauyao 'idi esaesa silobediya, ta tuta kukupana namo 'enaya esaesa maibo'ana ni'atu 'isawala.

E'ita'ita 19:5

'Enega 'ebemi esaesa nina 'enega 'ebweu 'enana 'imai ga 'igwae, “'Omi Yaubada 'ina toguinuwao be 'ana to'amayabao, gidalimi be sinabwami, wada lotuputupu 'enaya.”

E'ita'ita 4:11

“'Oyo 'ima 'Inapwana ta 'ima Yaubada, 'ilobwenema be 'atupuyo ta 'a'amayabeyo, manuna 'oyo 'imu waiwaiyega yage yauyauna 'umweluluidi. Tauyo 'imu nuwenuwega 'umweluluidi, ga batuwa mayawasidi.”

E'ita'ita 4:9

Tomiya ataya nina 'ina 'ebemi esaesa 'enaya 'imiyatowa, ta tuta yauyauna yobai nidi getedi siwaliwali tuputupu ta si'awa'awa esaesa, ta wate silokalokagutoki 'enaya.

E'ita'ita 8:10

'Enega anilose 'etonina 'ina yoguli 'imu'ena, ta kwadima sinabwana 'i'ala'alata 'ana 'ita 'atuwa gudala galewega 'ibe'uma, ta bale'u nina 'ana weyala 'etoi ga 'ebweuna weyala nina 'ena kwadima 'ibe'u ga bwasinao sidalele.