E'ita'ita 14:13 - Loina Tabu Auwauna NT

¹³ 'Enega galewega 'enana yanonona 'igwae, “Gete 'u'etoladi 'aene taudi 'ida 'Inapwana 'ana toemisao, 'abo ma'etamo simwamwawasa, sida gwausowala tuga.” Ta Yaluyaluwa Tabuna wate 'igwae, “Ona'ai'aila, sida gwausowala, manuna sida eyawai'ata 'idi gwaunuwa 'enega, be 'ana e'isa sida loba.”

E'ita'ita 14:13 Σταυροειδείς Αναφορές

Madiu 3:17

Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Luke 16:25

“Ta Ebelaamo 'ieonena, 'igwae, ‘Natugu, 'uda mwalatoni 'aene lowa yawasiyo maibo'ana gwausowala daisinamo, ta esi Lasalo nigeya 'ebweu 'ebe gwausowala 'ilobaloba. 'Enega gete tuga tauna ma ina gwausowala, ta 'oyo 'u'elo'elouya.

Luke 16:9

'Enega Yesu wate 'ieonedi, “Bale'u esaesanao to'umalidi, ta 'abo esaesa nidi 'ediyega gosemiyao waobobomedi ma'etamo taudi siaesotami 'ebemiya ataya 'enaya, tuta nina esaesa nidi sigugumwala.

Loma 14:8

'Ida 'Inapwana tauna yawasida maibo'ana be 'ida mwawasa 'adi toloina.

1 Kolinita 15:18

Ta nai wate 'ana mwalatoi 'aene gosedao nidi taudi lowa Keliso siemisena ga ni'atu simwawasa, gete tuga taudi mwa'o nai simiyami?

1 Kolinita 15:20

Ta 'ana palupaluna esiya nate Keliso mwawasega 'igimitoolo limana, ga muliyega tokwaiyao maibo'adi.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

2 Kolinita 5:8

'Enega ta'atepatu, ta nuwanuwada bwalada tapilisinedi be 'Inapwana 'ina senaya taapwesa.

Pilipai 2:17

Wate 'eguma 'iabe 'agu talauwalao siloemwawasigu, 'atuwa nadigega sitaliyaegu, yada gwausowala tuga, be 'omi wate wada gwausowala. 'Omi lowa wataliya Yaubada matanaya, tuta nina Yesu waemisena; ta 'igu mwawasa 'imi taliyao 'ida loeposeyanedi.

1 Tesalonaika 4:14

Ta 'abo'ada Yesu taemisena 'aene mwawasega 'itoolo limana, ga nadigega wate taemisa 'aene gosedao nidi ni'atu sikwaiya Yaubada 'ida ila limanedima, Yesu ma'enao.

1 Tesalonaika 4:16

Manuna 'Inapwana nina ma'enana sinabwana 'ida apwesa, ta aniloseyao 'adi toanugana wate 'ida bwau, ta wate yoguli simu'e sinabwana, be 'enega 'Inapwana galewega 'imwa'utama, be tokwaiya nidi lowa Keliso 'ana toemisao sida gimitoolo,

1 Tesalonaika 5:10

'Enega Keliso nina manuda 'imwawasa, be nai mayawasida nai mwawamwawasida, ta 'eguma 'iilama 'ida 'au'ewada be ma'edai tada miyaataya.

1 Timoti 5:24

'Aina tomota 'idi to'umalinao miyamiya apwesadi manudi 'adi loina sida loba. Ta 'aidi 'idi to'umalinao miyamiya kwaikwaiyidi, ta ma'etamo be sida loapwesedi.

1 Timoti 5:25

Nadigega wate guinuwa bobo'ana 'aidi miyamiya apwesadi, ta 'aidi ma'etamo be sida loapwesedi, manuna nigeya sawesawenaya simiya kwaiya.

E'ita'ita 1:11

“Yage nidi ma'etamo 'u'itadi manudi 'uda 'etoladidi, be 'enega buki nina 'uda etune Ekalesiyao sebeni 'ediya, nate Epeso be Simulina be Peligamo be Tayataila be Salidisa be Piladelipia be Laodisia wate 'enaya.”

E'ita'ita 10:4

Wepalala nidi 'enadi yanonodi ga ni'atu be ya'etoladidi, ta galewega 'enana yanonona 'eguya 'igwae, “Wepalala 'enadi site sebeni 'unonodiya 'uda kwaiyedi, ta geya'abo 'u'eto'etoladidi.”

E'ita'ita 11:15

'Enega anilose esebenina 'ina yoguli 'imu'ena, ta galewega 'enadi sinabwana 'enega sigwaegwae, “To'etoseyana nina maTamana Yaubada ni'atu sietoloina bale'u 'ina 'ebeloinao maibo'adi 'ediya, ta geya'abo 'idi loina nina 'igumwagumwala.”

E'ita'ita 11:19

'Enega Yaubada 'ina Anuwa Tabu galewaya 'igigegena, ga Dedewaga Tabu, Anuwa Tabu solanaya, ya'itena, ga Dedewaga nina solanaya 'ina onaupaupa 'ana buki 'imiyami. 'Enega namala, be 'enanao, be wepalala 'ina dudu, be mwani'ini'i, be 'usana pulipulidi ta pa'alidi, siapwesama.

E'ita'ita 16:17

Ta anilose esebenina wate 'ina keiga 'i'ewena ga mwatui daita etanaya 'isiwena, ga 'ebemi esaesa Anuwa Tabu solanega 'ebweu 'enana sinabwana 'iapwesa, 'igwae, “Ni'atu.”

E'ita'ita 19:9

'Enega anilose nina 'eguya 'igwae, “Ona gete 'uda 'etoladi 'aene ‘Yaisigedi 'omi Yaubada 'ibwauyemi Lami nina 'ina ai sagalina 'enaya, wada gwausowala.’ ” Ta wate anilose nina 'iona limana, ta 'igwae, “Gete Yaubada 'ina ona 'ai'aila.”

E'ita'ita 2:1

Anilose nina totapwaloloyao Epeso 'ena 'i'ita'ita'i'isidi 'ina leta 'uda 'etoladi me Epeso nidi manudi, be 'uda gwae: Ale gete 'imai tauna kwadima nidi sebeni nima 'atainega 'igiyaidi, ta mayale goula sebeni nidi gamwagamwanidiya 'itautauya 'enega. Tauna gete 'ina simana 'emiya, 'igwae:

E'ita'ita 2:7

“'Enega 'abo yaita 'omi matenana 'ida nono Yaluyaluwa Tabuna 'ina ona toekalesiyao 'ediya. “Ta 'abo 'omi yaita 'iewaiwai, 'enaya yawasida 'ana kaiwe uwana yatagwale be 'ida 'ani, kaiwe nina 'itootoolo Yaubada 'ina bagulaya.”

E'ita'ita 20:6

Ta taudi togimitoolo 'esasedi, 'enega ma idi gwausowala, ga mwawasa 'eluwena geya'abo silobaloba, ta taudi sa'i Yaubada be Keliso 'idi totaliyao, be Keliso ma'edi sida etoloina yakwala tausani 'ediya.

E'ita'ita 21:5

'Enega 'ebemi esaesa 'ana tomiya nina 'igwae, “Yage yaudi yada gieauwaudi”, ga wate 'igwae, “Ona getedi 'u'etoladidi, manuna ona 'ai'aila ta palupaluna.”

E'ita'ita 22:17

'Enega Yaluyaluwa Tabuna ta toai mewainena sigwae, “Wamai.” Be yaisigedi 'omi ona gete wanononaya, 'omi wate wada gwae, “Wamai.” Ta taudi tona'adi 'iyapasa sida mai, be 'enega yaisigedi taudi nuwanuwadi, yawasi bwasina sida 'ewadaisi be sinunuma. Nigeya 'ana maisamo.

E'ita'ita 6:11

'Enega yaluyaluwa nidi 'adi 'oamao wakewakekedi 'i'ebwa'edi, ga 'ieonedi be tuta gidalina namo sida eyawai'ata, 'ana laba 'aidi wate gosediyao me bale'u sida loemwawasidi, nadigega tuga lowa taudi siloemwawasidi Yaubada 'ina guinuwa manuna, be 'enega 'abo 'adi sawasawa ni'atu sawesawenaya, 'enega Yaubada me bale'u nidi 'ida loinedi.