E'ita'ita 12:3 - Loina Tabu Auwauna NT

³ Wate 'ebweu 'ebe nuwaowana galewaya 'iapwesa, nate yobai bweyabweyalina ta sinabwana, ta bulubulunao 'adi yau sebeni be kunanao 'adi yau sanau, ta bulubulunao 'ediya peyaula esaesa simiyami.

E'ita'ita 12:3 Σταυροειδείς Αναφορές

E'ita'ita 12:1

'Enega galewaya 'ebe nuwaowana sinabwana 'iapwesa, nate waine 'ebweuna ta 'ana 'oama sinala nadigega, ga nawalae 'ena 'itootoolo, ta debana 'ana iyala kwadima tuwelo sisaesae.

E'ita'ita 12:13

Gote 'ena yobai nina bweyabweyalina 'inuwa sabwalena 'aene ni'atu bale'uya siula mwa'utena, 'enega 'ipa'ina waine nina, tauna gwama me'olotona 'ienatunena.

E'ita'ita 12:17

'Enega yobai nina 'igamwasowala 'ai'aila waine nina 'ena, ga 'itauya ga waine nina 'ina susuyao 'ilosaiyedi, taudi nate Yaubada 'ina ona 'ana toematamatanao ta Yesu 'ana tosimanao. 'Enega yobai nina bweyabweyalina kaukauya 'itoolo baula.

E'ita'ita 12:4

Ta yuyunega kwadima yaudi 'iunudi ga 'iuledi bale'uya. 'Eguma kwadima maibo'adi taweyalidi 'etoi sena 'ediya, 'ebweu sena 'ena 'iunu egumwalidi ta 'eluwa sena 'ediya situpwa. Ta yobai nina bweyabweyalina waine matanaya 'itootoolo, be 'abo 'ienatuna, gwama nina 'i'a'ani.

E'ita'ita 12:7

'Enega galewaya saiya 'iapwesa. Saiya nina Maikeli ma ina aniloseyao be yobai nina bweyabweyalina ma ina aniloseyao ma'ediyao silosalosaiya.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 13:1

'Enega yadunedune ga 'ebweu wate yobai tauna olega 'itu'ema, kunanao 'adi yau sanau, ta bulubulunao 'adi yau sebeni, ta kunanao nidi maibo'adi ma 'adi peyaula esaesa, ta wate bulubulunao 'ediya esana to'umalina si'etoladidi.

E'ita'ita 13:2

Ta yobai nina ya'itena 'ana 'ita 'atuwa sipu, ta sinabwana, ta 'aenao 'adi 'ita 'atuwa beya 'aedi, ta 'awana 'atuwa laiyoni 'awadi. Ta gimi yobai nina bweyabweyalina 'ina waiwai yobai nina olega 'i'ebwa'ena, ta wate 'ina 'ebemi esaesa be 'ina loina sinabwana 'i'ebwa'ena.

E'ita'ita 13:4

Ta wate tomota yauyaudi gimi yobai 'enaya sibwagobwago, manuna ni'atu loina 'i'ebwa'ena yobai nina olega 'ena. Ta wate yobai nina olega 'ena sibwagobwago, ga sigwae, “Nigeya 'ebweu yaita 'ina waiwai yobai gete nadigega, be 'enega 'ena 'ida losaiya.”

E'ita'ita 15:1

'Enega 'ebweu wate 'ebe nuwaowana sinabwana galewaya ya'itena, nate anilose sebeni, ma idi edeedede to'umalidi 'adi yau sebeni. Ta mwau nidi sebeni nate Yaubada 'ina gamwasowala 'ana 'ebe losalowa.

E'ita'ita 16:13

Ta yaluyaluwa bi'i 'etoi, 'adi 'ita 'atuwa kwekwe, ya'itedi siapweapwesama yobai nina bweyabweyalina 'awanega, be wate yobai nina olega ta wate 'ina palopita kabokabo nina 'awadiyega.

E'ita'ita 17:12

“Ta kuna nidi sanau 'u'itediya, nate kini 'adi yau sanau, taudi nigeya sie'ae'ale be siloina, ta ma'etamo sida loina tuta kukupana namo 'enaya, yobai nina ma'ediya.

E'ita'ita 17:16

Ta kuna sanau be yobai nina 'u'itedi taudi ma'etamo tosogala sietalauwale, be 'ina gwegweyao maibo'adi si'ewadi be kakaena 'ida miyami, be wate esiyona si'a'ani, ta lulunao kaiweyega sigabu.

E'ita'ita 17:7

Ta 'enega anilose 'ieonegu, 'igwae, “Geya'abo nuwayo 'iowaowana. Yada li'ami 'emuya to'ase waine nina ta yobai nina 'igelunaya, tauna bulubuluna sebeni be kunanao sanau, 'adi mwalatoi.

E'ita'ita 19:12

Ta matana 'adi 'ita 'atuwa kaiwe sabesabeluluna, ta debanaya 'ana peyaula esaesao yaudi simiyami. Ta wate 'ana esana si'etoladina nigeya sawesawenaya be yaita 'imwalatoni. Taunamo tuga 'imwalamwalatoni.

E'ita'ita 20:2

ga 'igiyaina yobai nina bweyabweyalina, tauna gimimwata ta Taumudumudulele nina, nate Seitani, ga 'iyonina be 'ana laba tausani yakwala sigugumwala.