E'ita'ita 12:1 - Loina Tabu Auwauna NT

¹ 'Enega galewaya 'ebe nuwaowana sinabwana 'iapwesa, nate waine 'ebweuna ta 'ana 'oama sinala nadigega, ga nawalae 'ena 'itootoolo, ta debana 'ana iyala kwadima tuwelo sisaesae.

E'ita'ita 12:1 Σταυροειδείς Αναφορές

Madiu 12:38

'Enega loina 'ana toe'itao be 'aina Palisiyao Yesu sieonena, sigwae, “Toe'ita, nuwanuwama be we'iwe'iyaya 'ebweuna 'uguinuwe be 'a'ita.”

Madiu 24:30

'Abo'agu Tomota Natuna, be tuta gote 'ena 'igu we'iwe'iyaya galewaya 'iapwesama, ta boda maibo'adi bale'uya si'itagu pwana debanega ma igu waiwai ta ma igu esaesa sinabwana yameema, be sida doonaona.

Maki 13:25

be kwadimao galewega sibebe'u, be yage yauyaudi galewaya simiyami 'idi waiwai sida neneta.

Luke 21:11

“Ta tuta nina 'enaya mwani'ini'i sena yaudi 'ediya, be botana sinabwadi, be wate 'elouya sinabwadi, ta wate 'iabe 'ebe nuwaowana ta 'ebe matauta galewega siapwesama.

Luke 21:25

“Ta wate muliyega 'ebe nuwaowana siapwesama sinala be nawalae be kwadima 'ediyega, be tomiya bale'u maibo'adi 'idi matautega sitatai manuna lisu weiyawanidi sidudu tu'ema,

Yoni 3:29

Yesu tauna tuga nadigega toai me'olotona ta 'abo'agu gosiyana, 'enega tetelina yanonona ga ma igu gwausowala sinabwana. Nadigega tuga toai me'olotona mwanena 'ilobai, 'enega 'eguma toai 'enana 'ebweu gosiyana 'inonoi, gosiyana manuna 'ida gwausowala.

Guinuwa 2:19

Be 'igu guinuwao 'ebe nuwaowana yada e'itaedi galewaya tomota 'ediya, be wate edeedede bada bale'uya, nadigega lala be kaiwe sabelulu be bwawa,

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

Loma 3:22

'aene Yaubada maibo'ada 'ida 'awa palupaluyeda Yesu Keliso 'ana emisa 'enega, be geya'abo 'ebweu wate weyala 'ida miyami 'abo'ada me Yudia be taudi nigeya me Yudia gamwagamwanidaya.

2 Kolinita 11:2

Manuna 'omi nuwanuwagu, nadigega Yaubada nuwanuwana 'abo'ada, 'enega ni'atu yasawa eyaiyemi Keliso 'enaya, be 'omi 'atuwa gomagweine 'ebweu nadigega 'ina bubuna bobo'ana maibo'ana tai ma'iyana sida ai.

Galetia 3:27

Manuna yaisigedi 'omi wabapitaiso Yesu Keliso 'ana esanega ni'atu Keliso nina ma'emi wamiyami.

Galetia 4:26

Ta 'abo'ada nigeya yoniyonida, ta 'ida sena Yelusalema galewaya, 'atuwa sinada 'ienatuneda Yaubada 'ina onaupaupa 'enega.

Galetia 6:14

Ta 'abo'agu esi geya'abo yaonaona tu'e. Nate namo 'ida 'Inapwana Yesu Keliso 'ana kelose manuna yada onalaga, manuna Keliso 'ana kelose 'enega bubuna bale'u 'iloemwawasina ga 'ina loina 'eguya 'igumwala, ta wate taudi bubuna bale'u 'ana tomuliyao siguitoyasegu 'atuwa tomwawasa 'abo'agu.

Epeso 5:32

Ona gete 'atuwa onasemalimali kwaikwaiyina, ta 'ana mwalatoi Keliso be toekalesiyao manuda.

E'ita'ita 1:20

“Gete kwadima nidi sebeni 'ataiguya 'u'itediya, be wate mayale nidi sebeni 'u'itediya, 'adi mwalatoi kwaikwaiyidi 'emuya, 'enega 'emuya yada li'amidi. Kwadima nidi sebeni nate aniloseyao sebeni, ekalesiyao nidi sebeni manudi, ta mayale nidi sebeni nate taudi ekalesiyao nidi sebeni.”

E'ita'ita 11:19

'Enega Yaubada 'ina Anuwa Tabu galewaya 'igigegena, ga Dedewaga Tabu, Anuwa Tabu solanaya, ya'itena, ga Dedewaga nina solanaya 'ina onaupaupa 'ana buki 'imiyami. 'Enega namala, be 'enanao, be wepalala 'ina dudu, be mwani'ini'i, be 'usana pulipulidi ta pa'alidi, siapwesama.

E'ita'ita 12:3

Wate 'ebweu 'ebe nuwaowana galewaya 'iapwesa, nate yobai bweyabweyalina ta sinabwana, ta bulubulunao 'adi yau sebeni be kunanao 'adi yau sanau, ta bulubulunao 'ediya peyaula esaesa simiyami.

E'ita'ita 15:1

'Enega 'ebweu wate 'ebe nuwaowana sinabwana galewaya ya'itena, nate anilose sebeni, ma idi edeedede to'umalidi 'adi yau sebeni. Ta mwau nidi sebeni nate Yaubada 'ina gamwasowala 'ana 'ebe losalowa.

E'ita'ita 21:14

'Asa nina sinabwana si'abina 'autui 'ebweu bobo'ana 'enaya, nate gulewa tuwelo pa'alidi debadiya, ga gulewa nidi 'ediya Lami 'ana tosimanao tuwelo 'adi esanao si'etoladidi.

E'ita'ita 21:23

Sinala be nawalae nigeya sida sae 'asa nina 'enaya, manuna Yaubada 'ina esaesaega 'ituyayalina maibo'ana, ta wate Lami 'iemayale 'asa nina 'enaya.