E'ita'ita 11:9 - Loina Tabu Auwauna NT

⁹ Tomota yauyaudi sida mai bodao be susuyao be 'enanao be 'ebeloinao 'ediyega, be 'enega kokowa nidi sida 'ita'itadi 'asiyata 'etoi ta tupwana 'ediya. Ta kokowao nidi 'adi sa'u'ali'ali si'etobodena.

E'ita'ita 11:9 Σταυροειδείς Αναφορές

Madiu 7:2

Manuna to yage 'ediyega tomota wa'awa to'umaliyedi 'iabe 'ediyega Yaubada 'i'awa to'umaliyemi, ta wate mwa'adega wabubuna'esa tomota 'ediya Yaubada nadigega 'ida bubuna 'emiya.

E'ita'ita 10:11

Ta wate 'eguya 'igwae, “'Ilobwenena be 'oyo Yaubada 'ina onao bodao be 'ebeloinao be 'enanao be kiniyao manudi 'uda simana limanedi.”

E'ita'ita 11:11

Ta 'asiyata 'etoi be tupwana sigumwala, ga Yaubada yawasina 'ediya 'i'ebwaya, ga sitoolo, 'enega tomota yaudi si'itedi, ta simatauta sinabwana.

E'ita'ita 13:7

Ta wate tagwala 'ilobena be 'aene Yaubada 'ina tomotaiyao 'ida losaiyedi be 'ida ewaiwai, ta wate ma ina loina bodao maibo'adi 'ediya, be susuyao be 'enanao maibo'adi 'ediya, be 'ebeloina maibo'adi 'ediya.

E'ita'ita 17:15

'Enega anilose 'eguya wate 'iona, “Bwasi nidi ni'atu 'u'itediya, ta 'ediya waine tosogala nina 'imiyatowa, 'adi mwalatoiyao nate bodao be pwaluyao be susuyao be 'enanao.

E'ita'ita 5:8

'Enega ni'atu pwepwai nina 'i'ewena, ga yobai nidi be wate 'inapwanao nidi lami nina 'enaya sibe'u sanamwa'uta ga 'ena sibwagobwago, ta 'ebweuna 'ebweuna 'ediya ma idi 'ebe gwanegwane siguiguinuwa, ta wate ma idi gaeba goula ta bobo'adi, ga gala'u maina bobo'ana gaeba nidi soladiya sigabuna, ta 'ana mwalatoi nate Yaubada 'ina tomotaiyao 'idi sidasida situ'etu'e 'enaya.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.