E'ita'ita 11:8 - Loina Tabu Auwauna NT

⁸ Ta kokowadi sida 'eno besobeso 'asa sinabwana solanaya. 'Asa nina lowa 'ida 'Inapwana 'ena sigiekeloseyena, ta 'asa nina 'ana kunuwadawada sieesena Sodoma, nai Itipita.

E'ita'ita 11:8 Σταυροειδείς Αναφορές

Madiu 10:15

Ona'ai'aila, ma'etamo bwa'omatana 'ana tuta 'enaya, taudi 'asa nidi siguitoyasemi loina sinabwa wawasae siloba, ta nigeya nadigega me Sodoma be me Gomola 'adi loina.

Guinuwa 9:4

ga 'ibe'u bale'uya, ta 'ebweu 'enana 'inonona, 'igwaegwae, “Saulo, Saulo, to'ase manuna 'uetalauwalegu?”

Ibeliu 13:12

'Enega Yesu wate 'asa 'ana 'awa 'etaulunaya 'elouya 'ilobena be 'aene lalanega 'igie'esaseda.

Ibeliu 6:6

ta 'abo muliyega sibebe'u, nigeya sawesawenaya be tagie nuwa'ebui limadi, manuna taudi 'idi bubunega Yaubada Natuna ni'atu sigiekelose limena, ta 'ana esana 'ie'ebe tuyeya.

2 Pita 2:6

Ta wate 'asa nidi to'umalidi Sodoma be Gomola 'igabudi ga siekalikau, be 'enega 'aene maibo'ada tada mwalatoni, be geya'abo tabuubuna to'umalina nadigega taudi.

Yude 1:7

Taudi 'idi bubuna nadigega 'aidi 'asa lowaenei, nate Sodoma be Gomola be 'aidi 'asa selabediya, manuna loelata 'ana nuwa'ewa sinabwana 'enega siguiguinuwa besobeso ta wate tai be tai ma'ediyao siloeloelata, 'enega Yaubada 'igabudi 'awe'ala'alata ataya 'enaya; ta e'ita nina gete maibo'ada manuda.

E'ita'ita 11:13

Tuta nina gote 'enaya mwani'ini'i sinabwana 'iapwesa, ga 'asa nina sinabwana 'ana weyala sanau 'ediyega 'ebweu sena 'iligeina, ga tomota 'adi yau sebeni tausani simwawasa mwani'ini'i nina 'enega. Ta tomota nidi taudi situpwa simatauta 'ai'aila, 'enega Yaubada nina galewaya situpuna 'ina waiwai manuna.

E'ita'ita 11:9

Tomota yauyaudi sida mai bodao be susuyao be 'enanao be 'ebeloinao 'ediyega, be 'enega kokowa nidi sida 'ita'itadi 'asiyata 'etoi ta tupwana 'ediya. Ta kokowao nidi 'adi sa'u'ali'ali si'etobodena.

E'ita'ita 14:20

Ta oine nidi maibo'adi 'iidedi, 'ebeida 'enaya, nate 'asa sinabwana 'etaulunaya, ga lala 'idaudau 'ebeida nina solanega, 'atuwa muluwa 'ana dudula tu analedi kilomita nadigega, ta 'ina ni'u 'ana tu'e nadigega bale'uyega be osi tootoolona 'otona 'enaya.

E'ita'ita 14:8

Ta anilose 'eluwena 'imuliyena ga 'ibwau, 'igwae, “'Asa sinabwana Babiloni ni'atu 'ibe'u saba. 'Asa nina 'ina bubunega boda yauyaudi 'ienumedi, bubuna nina nate bwala 'ana yala bubuna to'umalina manuna.”

E'ita'ita 16:19

'Enega 'asa sinabwana nina 'ieweyalina, ga 'ana weyalao 'etoi siapwesa. Ga sena maibo'ana 'ediya mwani'ini'i nina 'idi 'asao 'igieto'umaliyedi, ta 'asa sinabwana 'ana esana Babiloni 'ina to'umalina Yaubada 'inuwa'i'isina, ga 'ina keiga 'enega oine 'ienumena, ta oine nina nate 'ina gamwasowala sinabwana oinena.

E'ita'ita 17:1

'Enega anilose nidi sebeni ma idi keiga sebeni Yaubada 'i'ebwa'ediya, 'ebweuna 'ediyega 'imai ga 'ieonegu, 'igwae, “'Umai be yada e'itayo Yaubada 'ina bwa'omatana tosogala 'ai'aila mewainena 'enaya, ta tosogala nina 'ana mwalatoi nate 'asa sinabwana bwasi yauyaudi tupitupidiya si'abina.

E'ita'ita 17:18

“Ta waine nina 'u'itena, tauna 'asa sinabwana, ta 'iloiloina bale'u 'ana kiniyao maibo'adi 'ediya.”

E'ita'ita 17:5

Ta debanaya 'ana esana si'etoladina, 'ana kunuwadawada, 'igwae, “Babiloni sinabwana, nate tosogalao be toloelata gadiluluyao sinadiya.”

E'ita'ita 18:10

Ta ma idi matauta 'ina 'elouya manuna, 'enega 'edasolaya sitoolo ta sigwae, “Oioi, oioi, 'asa sinabwana ta waiwaina Babiloni ni'atu 'ana loina 'iloba maninina.”

E'ita'ita 18:18

ta 'asa nina 'asuna sida 'ita be sida bwau, “Lowa nigeya 'ebweu 'asa 'ana 'ita nadigega 'asa gete sinabwana, ta gete tuga mwa'adega?”

E'ita'ita 18:2

ga 'enana sinabwanega 'ibwau, “'Asa sinabwana nina Babiloni ni'atu 'ibe'u saba, ga tonitonibwa'a ta yaluyaluwa bi'iyao ta wate manuwa to'umalidi be gadiluludi sie'asaena.

E'ita'ita 18:21

'Enega 'ebweu anilose toewaiwai gulewa sinabwa wawasae 'igilagasina ga olaya 'iula mwa'utena, 'igwae, “'Asa nina sinabwana Babiloni 'ibebe'u gulewa gete nadigega, be geya'abo wate 'itenamo.

E'ita'ita 18:24

“Ta wate lowa tomota yaudi nadigega palopitao be Yaubada 'ina tomotaiyao, siloemwawasidi 'asa nina 'enaya.”