E'ita'ita 11:17 - Loina Tabu Auwauna NT

¹⁷ “'Ima 'Inapwana Yaubada Toewaiwai sayo, 'oyo 'umiyami batuwa, be tuta lowa 'ediya 'umiyami, 'alokagutoki 'emuya, manuna 'imu waiwai sinabwana 'ugieapwesena, 'enega 'ue'ale be 'uda loina.

E'ita'ita 11:17 Σταυροειδείς Αναφορές

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Luke 10:21

Gote tuta nina 'enaya Yaluyaluwa Tabuna Yesu 'igiegwausowalena ga 'igwae, “Kagutoki Tamagu, 'oyo galewa be bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega ta esi gogama gidalidi 'ediya 'ue'itaena. Ona'ai'aila Tamagu, 'imu nuwanuwa gete bobo'ana.”

Yoni 11:41

'Enega gulewa nina si'ewa yaulena ga Yesu 'i'itatu'e ga 'igwae, “Tamagu, kagutoki sinabwana, manuna tuta gete 'enaya 'unonogu.

2 Kolinita 2:14

'Enega Yaubada 'ena yalokagutoki, manuna Keliso 'ina waiwaiyega tuta yauna 'igiegie waiwaiyema be 'ima guinuwao 'ediya Keliso 'ana mwalatoi sena maibo'ana 'ediya 'i'elelewana 'atuwa senina maina bobo'ana wawasae 'i'elelewana be tomota simuimui,

2 Kolinita 9:15

Ona'ai'aila, Yaubada 'ena tada lokagutoki 'ina oboboma sinabwa wawasae manuna.

1 Timoti 1:12

Ta wate 'ida 'Inapwana Yesu Keliso 'igiewaiwaiyegu 'igu paisewa gete manuna, 'enega 'ena yalokagutoki, manuna 'iemisegu, ga paisewa nina 'i'ebwa'egu.

E'ita'ita 1:4

'Abo'agu Yoni 'imi leta ya'etoladinawa ekalesiyao 'ami yau sebeni Esia solanaya. Oboboma be nuwasiwalowa 'emiya, Yaubada 'enega, be yaluyaluwa sebeni 'ediyega, ta Yesu Keliso 'enega. Tauna Yaubada nina lowaenei ga batuwa ta tuta simeemai 'ediya 'imiyami, ta yaluyaluwa nidi sebeni taudi Yaubada 'ina 'ebemi esaesa matanaya simiyami.

E'ita'ita 1:8

'Ida 'Inapwana 'igwae, “'Abo'agu 'ebe e'ale be 'ebe losalowa.” Tauna Yaubada nina Toewaiwai sana, ta lowaenei ga batuwa ta tuta simeemai 'ediya 'imiyami.

E'ita'ita 11:15

'Enega anilose esebenina 'ina yoguli 'imu'ena, ta galewega 'enadi sinabwana 'enega sigwaegwae, “To'etoseyana nina maTamana Yaubada ni'atu sietoloina bale'u 'ina 'ebeloinao maibo'adi 'ediya, ta geya'abo 'idi loina nina 'igumwagumwala.”

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.

E'ita'ita 16:14

Yaluyaluwa 'etoi nidi nate Taumudumudulele na 'ali'eiyao, taudi 'ebe nuwaowanao siguinuwedi, ga taudi getedi sitauya ga kiniyao bale'u maibo'ana 'enaya, 'aene 'idi bodao sida egogonedima be taudimo 'ediya sida losaiya, nate Yaubada Toewaiwai sana 'ina 'asiyata 'ebe losalowa 'enaya.

E'ita'ita 16:5

'Enega anilose nina tauna bwasi 'ana toloina 'enana yanonona, 'igwae, “Yaubada ye, 'oyo tuta lowa ta tuta gete 'ediya 'umiyamiya, ta wate palupaluyo ta 'esaseyo. 'Imu loina gete palupalu wawasae, manuna tomota nidi to'umalidi,

E'ita'ita 16:7

Ta 'enana 'ebweuna wate yanonona 'ebe taliya 'enega, 'igwae, “'Inapwana ye, 'oyo Yaubada Toewaiwai sayo, 'imu loina gete bobo'adi ta palupaludi.”

E'ita'ita 18:8

'Enega 'asiyata 'ebweu 'ena mwau nidi getedi 'enaya sida apwesa, nate le'oasa be dedoi be botana, be wate kaiwe sabelulu 'ida 'alasi. Manuna 'Inapwana tauna Yaubada Toewaiwai sana waine nina 'ana e'isa 'ida 'ebwa'e.”

E'ita'ita 19:11

Ta galewa ya'itena 'i'egegena, ta 'enaya osi wakewakekena, ta 'ana togelu nina sieesena Togwaunuwa palupaluna. Ga 'ina loina palupaluna 'enega 'ibwa'omatana, ta wate 'ilosalosaiya.

E'ita'ita 19:6

Ta wate yanonona 'atuwa boda sinabwana 'enadi, ta wate 'atuwa bwasi daudauna 'enana, ta wate 'atuwa wepalala 'enana, sigwaegwae, “Yaubada wada tupui, manuna tauna 'ida 'Inapwana Toewaiwai sana, ga ni'atu 'ietoloina.