E'ita'ita 11:15 - Loina Tabu Auwauna NT

¹⁵ 'Enega anilose esebenina 'ina yoguli 'imu'ena, ta galewega 'enadi sinabwana 'enega sigwaegwae, “To'etoseyana nina maTamana Yaubada ni'atu sietoloina bale'u 'ina 'ebeloinao maibo'adi 'ediya, ta geya'abo 'idi loina nina 'igumwagumwala.”

E'ita'ita 11:15 Σταυροειδείς Αναφορές

Madiu 24:31

Ta wate yoguli sida mu'e be 'igu aniloseyao yaetunedi be 'igu boda esiesinuwadi siegogonedima bale'u maibo'ana ta yagila maibo'adi 'idi sena 'ediyega.

Madiu 6:13

Ta geya'abo 'utootooma, ta esi tauna toto'umalina nina 'enega 'uda 'etoseyema.”

Luke 1:33

be 'enega Yekobe 'ina bodao 'iloinedi, ta 'ina loina nina geya'abo 'igumwagumwala.”

Luke 15:10

Nadigega wate 'abo 'ebweu toto'umalina 'inuwa'ebuni, 'iabe Yaubada 'ina aniloseyao manuna sigwausowala sinabwana.”

Luke 15:6

be 'enega gosenao 'ibwau egogonedi be 'ieonadi, 'igwae, ‘Sipi nina loseloseyena ni'atu yalobena, 'enega manuna tada egwausowala.’

Guinuwa 4:26

'Enega me bale'u 'idi kiniyao be toloinao sideli egogonama ga sigibubuna sabi losaiya 'Inapwana be 'ina Keliso 'ediya.’

Ibeliu 1:8

Ta esi natunana manuna 'igwae, “'Oyo Yaubada ma imu loina palupaluna 'uda loina ataya.

E'ita'ita 10:7

manuna 'abo anilose esebenina 'ina yoguli 'imu'ei, Yaubada 'ina nuwena kwaikwaiyidi maibo'adi 'ida losalonidi, to'ase nadigega 'ina topaisewao taudi palopitao lowa 'ediya 'isimanena.”

E'ita'ita 12:10

Ta muliyega galewega 'enana sinabwana yanonona, 'igwae, “Gete tuga Yaubada 'ina waiwaiyega 'ida loineda, be 'i'etoseyeda. Ta wate 'ada To'etoseyana nina 'ida etoloina 'edaya. Manuna tasidao 'adi toe'ewa, tauna lowa boiboiya be 'asiyataya Yaubada matanaya 'itootoolo ta 'ie'ewadi, ni'atu tauna galewega siula apwesena.

E'ita'ita 15:4

“'Inapwana ye, tomota maibo'adi sida 'amayabeyo ta sida 'awa eseeseyo, manuna tebweuyo 'esaseyo, 'enega me bale'u maibo'adi sida mai be matamuya sibwagobwago, manuna tomota maibo'adi 'imu loinao palupaludi ni'atu si'itedi.”

E'ita'ita 16:17

Ta anilose esebenina wate 'ina keiga 'i'ewena ga mwatui daita etanaya 'isiwena, ga 'ebemi esaesa Anuwa Tabu solanega 'ebweu 'enana sinabwana 'iapwesa, 'igwae, “Ni'atu.”

E'ita'ita 17:14

Be 'enega Lami 'enaya sida losaiya, ta Lami nina 'ida ewaiwai sinedi, manuna tauna 'inapwanao 'idi 'inapwana, ta kiniyao 'idi kini, ta wate taudi 'ina esinuwega 'ibwauyedima, taudi 'ana tomuliya 'ai'ailao ma'enao.”

E'ita'ita 19:1

Ga muliyega galala sinabwana galewega yanonona 'atuwa pwalu sinabwana 'enadi, sigwaegwae, “Yaubada tada tupui, tauna To'etoseyana ta Toesaesa ta Toewaiwai sana.

E'ita'ita 19:6

Ta wate yanonona 'atuwa boda sinabwana 'enadi, ta wate 'atuwa bwasi daudauna 'enana, ta wate 'atuwa wepalala 'enana, sigwaegwae, “Yaubada wada tupui, manuna tauna 'ida 'Inapwana Toewaiwai sana, ga ni'atu 'ietoloina.

E'ita'ita 20:4

Ta wate 'aina 'ebemi esaesa ya'itedi, ga 'ediya taudi Yaubada loina 'i'ebwa'ediya simiyatowa. Ta wate tomota nidi 'otodi si'upwedi, manuna taudi Yesu 'ana tosimanao ta Yaubada 'ina ona 'ana tosimanao, yaluyaluwadi ya'itedi, taudi nigeya yobai nina be 'ina tokwalui 'ediya sida bwagobwago, ta nigeya wate 'ana we'iwe'iyaya debadiya be nimadiya sisa'usa'udi. Taudi getedi mwawasega ni'atu sitoolo, ta Keliso ma'edi siloiloina yakwala tausani 'ediya,

E'ita'ita 8:12

'Enega anilose eatana 'ina yoguli 'imu'ena ga sinala senana 'ebweu 'iguguyoi ta sena 'eluwa bobo'adi, ta wate nawalae senana 'ebweu 'iguguyoi ta sena 'eluwa bobo'adi, ta wate kwadimao 'abo taweyalidi sena 'etoi 'ediya, 'ebweu sena 'ana kwadimao siguguyoi, ta sena 'eluwa 'ediya simaemaedana. 'Enega 'asiyata maibo'ana 'ana weyalao 'etoi, 'ebweu tuta guguyoi, ta 'eluwa bobo'adi. Nadigega wate boiboi, 'ebweu tuta guguyoi, ta 'eluwa bobo'adi.

E'ita'ita 9:1

'Enega anilose enimana 'ina yoguli 'imu'ena, ga 'ebweu kwadima ya'itena ni'atu galewega 'ibe'uma bale'uya, ta kwadima nina gaula sinabwana 'ana 'ebe gigege 'i'ewena,

E'ita'ita 9:13

'Enega anilose esikisina 'ina yoguli 'imu'ena, ga 'ebweu 'enana yanonona 'imai 'ebe taliya kunanao ata 'ediyega, 'ebe taliya goula nina Yaubada matanaya 'itootoolo.