E'ita'ita 1:16 - Loina Tabu Auwauna NT

¹⁶ ta wate kwadima sebeni 'atainega 'igilagasidi, ta wate 'awanega sisisaiya mamata sena luwaluwana 'iapweapwesa, ta maninina 'atuwa sinala 'ina sae 'asuoleoleya.

E'ita'ita 1:16 Σταυροειδείς Αναφορές

Madiu 17:2

Tuta nina 'idi miya 'oyaya Yesu maninina si'itena tuyayalina 'atuwa sinala 'ana 'ita, ta 'ana 'oama 'iwakeke 'atuwa maedana 'isaesae.

Guinuwa 26:13

Ta Kini 'uda 'ita, 'asiyata nina yatautauya Damasiko, 'asuoleoleya ga galewega maedana sinabwa wawasae 'isaema, ta nigeya nadigega sinala maedanina, ga ya'itena magosegwao 'isae sakowasiyema.

Epeso 6:17

Wate 'ami 'etoseyana wa'ewa 'aene debami 'adi abodaboda, be Yaluyaluwa Tabuna 'ina sisisaiya wa'ewa, nate Yaubada 'ina ona.

Ibeliu 4:12

Ona'ai'aila, Yaubada 'ina ona mayawasina ta waiwaina 'atuwa sisisaiya 'ina mamatana sena luwaluwana, ta sawesawenaya 'ibadida be sola'ai'ailidaya nuwanuwa be bubuna kwaikwaiyidi simiyami.

E'ita'ita 1:20

“Gete kwadima nidi sebeni 'ataiguya 'u'itediya, be wate mayale nidi sebeni 'u'itediya, 'adi mwalatoi kwaikwaiyidi 'emuya, 'enega 'emuya yada li'amidi. Kwadima nidi sebeni nate aniloseyao sebeni, ekalesiyao nidi sebeni manudi, ta mayale nidi sebeni nate taudi ekalesiyao nidi sebeni.”

E'ita'ita 10:1

'Enega wate 'ebweu anilose waiwaina galewega 'iebuebusima ya'itena, ta pwanega 'ie'oama, ta ulele debana 'itoolo sakowasiyena, ta maninina 'ana 'ita 'atuwa sinala, ta wate 'aena sinamanamala 'atuwa kaiwe sabelulu.

E'ita'ita 12:1

'Enega galewaya 'ebe nuwaowana sinabwana 'iapwesa, nate waine 'ebweuna ta 'ana 'oama sinala nadigega, ga nawalae 'ena 'itootoolo, ta debana 'ana iyala kwadima tuwelo sisaesae.

E'ita'ita 19:15

Ta 'idi toanugana nina 'awanega sisisaiya mamatana 'iapweapwesa, tauna 'etamo sisisaiya nina 'enega sena yauyaudi 'iewaiwai sinedi be 'ediya 'ida loina pa'ala, be wate oine 'ebeida 'ena 'ida idadi, nate Yaubada Toewaiwai sana 'ina gamwasowala sinabwana.

E'ita'ita 19:21

Ta sisisaiya osi nina 'ana togelu 'awanega 'iapweapwesa, 'enega yobai nina be 'ina palopita kabokabo 'idi tolosaiyao 'iloemwawasidi. 'Enega manuwa yaudi simai ga kokowadi si'enidi, ga gamwadi 'ipawa.

E'ita'ita 2:1

Anilose nina totapwaloloyao Epeso 'ena 'i'ita'ita'i'isidi 'ina leta 'uda 'etoladi me Epeso nidi manudi, be 'uda gwae: Ale gete 'imai tauna kwadima nidi sebeni nima 'atainega 'igiyaidi, ta mayale goula sebeni nidi gamwagamwanidiya 'itautauya 'enega. Tauna gete 'ina simana 'emiya, 'igwae:

E'ita'ita 2:12

Anilose nina totapwaloloyao Peligamo 'ena 'i'ita'ita'i'isidi 'ina leta 'uda 'etoladi me Peligamo nidi manudi, be 'uda gwae: Ale gete 'imai tauna ma ina sisisaiya mamata sena luwaluwana 'enega. Tauna gete 'ina simana 'emiya, 'igwae:

E'ita'ita 2:16

'Enega gete tuga bubuna to'umalidi nidi 'ediyega wada nuwa'ebuni. Ta 'abo nigeya, tuta gidalina 'ena yawawai be yada losaiyemi, sisisaiya nina 'awaguyega 'iapweapwesa 'enega.

E'ita'ita 3:1

Anilose nina totapwaloloyao Salidisa 'ena 'i'ita'ita'i'isidi 'ina leta 'uda 'etoladi Me Salidisa nidi manudi be 'uda gwae: Ale gete 'imai tai nina 'enega, tauna tai nina Yaubada Yaluyaluwana sebeni be wate kwadima sebeni 'ena simiyami. Tauna gete 'ina simana 'emiya, 'igwae, “'Imi guinuwao ni'atu yamwalamwalatonidi, ta wate tetelimi yanononaya 'aene mayawasimi wamiyami, ta nigeya sa'i, manuna yaluyaluwami ni'atu simwawasa.