3 Yoni 1:4 - Loina Tabu Auwauna NT

⁴ Gete 'igu 'ebe gwausowala sinabwana, 'abo natugwao yanonodi 'aene 'eda palupaluna 'enega sitautauya.

3 Yoni 1:4 Σταυροειδείς Αναφορές

2 Kolinita 6:13

'Enega natugwao, 'ilobwenena be 'atemiyega wada obobomegu.

Galetia 2:14

'Enega 'abo'agu yamwalatonina 'aene Keliso tetelina palupaluna geya'abo simulimuliya 'ai'aili, ta maibo'adi matadiya Pita yaenaidena, yagwae, “Gosiyagu, 'oyo goma Yudiayo, ta 'aina tuta me Yudia 'ida bubuna wapilipilisine be mali sena bubunidi 'uetoetotowanedi, 'enega mwa'adega be taudi mali sena nina tomotenidi 'ugie sanaila 'esedima be Yudia bubunina simuliye?”

Galetia 4:19

Natugwao, manumi 'ategu 'iuyauya tuta maibo'ana, 'imi sanaila manuna, be 'ana laba Keliso 'emiya 'iapwesa limana, be 'atemiya 'ida miyami, be 'enega 'agu lotoona 'ida bobo'ana limana.

1 Tesalonaika 2:11

Manuna maibo'ami 'a'ita'i'isimi, 'atuwa nadigega tai natunao 'i'ita'i'ita 'esedi,

1 Timoti 1:2

'Oyo lowa Keliso 'uemisena 'enega ya'awa natuna 'ai'ailemu. Tamada Yaubada be 'ida 'Inapwana Yesu Keliso sida obobomeyo, be wate sida 'atenuwa 'ole'oleyeyo, be 'enega ma imu gwausowala 'uda miya bobo'ana.

Pilimoni 1:10

'Enega yasideyo natugu Onesimo manuna, tauna 'ima miya deli 'enaya ya'awa natunena 'ina emisa Keliso 'enaya manuna.

1 Yoni 2:1

Ye natugwao, 'imi leta gete ya'etoladinawa be 'enega geya'abo waguiguinuwa gesi. Ta 'eguma taloegesi, Yesu Keliso tauna topalupaluna 'isisida manuda, Tamana 'enaya,

2 Yoni 1:4

Lowa 'aidi natumwao ya'itedi 'eda palupaluna simulimuliye, nadigega 'ada loina Tamada 'enega, 'enega yagwausowala sinabwana.