2 Timoti 3:2 - Loina Tabu Auwauna NT

² Manuna tuta nina 'enaya tomota taudimo manudi sinuwanuwa, be esaesa 'ana yala 'iloemaedi, ta sinuwatu'e be gagasa 'aledi be wate eliya 'aledi. Wate sinadiyao be tamadiyao 'enadi geya'abo siematamatanedi, ta mali tomota 'idi guinuwa bobo'adi manudi nigeya sida lokagutoki.

2 Timoti 3:2 Σταυροειδείς Αναφορές

Madiu 15:6

Tubumiyao 'idi loina gete 'enega Yaubada 'ina loina waeyage besobesoena.

Luke 12:15

Ta wate 'ina ona nina 'itubwena ga boda maibo'adi 'ediya 'igwae, “Wada 'ita'i'isimi be geya'abo esaesa nuwami 'i'ewa'ewa, manuna nigeya sawesawenaya be esaesa 'enega yawasimi bobo'ana waloba.”

Luke 16:14

Tuta nina Palisiyao ona nina sinonona ga Yesu situyeyena, manuna taudi mani nuwanuwadi sinabwana.

Luke 6:35

Ta 'omi esi 'ilobwenemi be 'ami talauwalao wada yaledi be wada obobomedi be wada 'ebwaya 'ediya, ta geya'abo e'isa manuna wayamwayamwa. Ta ma'etamo 'ami e'isa sinabwana wada loba, be 'enega 'omi Toloetana sana natunao. Manuna tauna toto'umalidi ta wate tooopa'alao 'iobobomedi.

Guinuwa 5:36

Wada nuwa'i'isi tuta lowa Tudasi 'iapwesa 'aene tauna mali toanugana 'ebweu, ta tomota 'adi yau nadigega powa analedi silugu 'ina boda 'ena, ta esi gabemani Tudasi nina siloemwawasina, ga 'ana tomuliyao si'elelewana, ta 'idi boda 'igumwala.

Loma 11:18

Ta esi oboboma nina 'emiya geya'abo manuna wanuwanuwatu'e, manuna nali nigeya sawesawenaya be 'ale 'iloine, ta esi 'ale 'ilobwenena be nali 'iloinedi.

2 Kolinita 5:15

Ta 'ina mwawasa maibo'ada manuda 'alena 'aene ma'etamo mayawasida, nigeya tauda 'ida guinuwao sabi guinuwedi, ta esi Keliso manuna, tauna manuda 'imwawasa ga wate 'itoolo limana.

Pilipai 2:21

ta 'agu tolemao yaudi taudimo manudi sinuwanuwa, ta nigeya Yesu Keliso 'ina guinuwa manuna sida nuwanuwa.

Kolose 3:5

'Enega bale'u bubuninao 'emiya wada loemwawasidi, nate loelata be guinuwa baibailidi be yalakwaiyao be eesaesa, nate mali 'ebe emisa 'adi bwagobwago.

2 Tesalonaika 2:4

Yaubada 'ana saiya ta wate 'ebe emisa maibo'adi 'adi saiya, 'enega tauna 'ida gitu'eye be Yaubada 'ina Anuwa Tabu 'enaya 'ida miyatowa, be 'ida etoloina 'atuwa Yaubada.

1 Timoti 1:20

Tobe'u nidi 'ebweu 'ana esana Aimenio, ta 'ebweuna wate 'ana esana Alekisana. Siteluwa nidi ni'atu Seitani 'ena ya'ebwayaedi be 'iemata sabuyedi, be nuwadi 'ida sabwalena 'aene geya'abo 'ida 'Inapwana 'ana esana si'awa'awa to'umaliye.

1 Timoti 1:9

Manuna loina nidi Yaubada nigeya 'isa'usa'udi topalupaludi manudi, ta esi tole'oa loina be tooopa'ala manudi, taudi nigeya Yaubada sida 'amayabena, be toto'umalidi, baibailidi, to'awasewa, taudi sinadiyao be tamadiyao be mali tomota 'adi toloemwawasao,

1 Timoti 3:3

ta geya'abo bwasi waiwai 'inumanuma kabaleya, be wate geya'abo 'igamwagamwasowala, ta esi 'ina bubuna ma'anuwaena, ta nigeya 'ida egewagewana, ta geya'abo esaesa 'ena 'ina yala 'isa'usa'u.

1 Timoti 6:10

Manuna esaesa 'ana yala to'umalina maibo'ana 'aledi, ta wate esaesa 'ana 'ebesa waiwai 'enega 'aina gosedao tapwalolo 'ai'aila sipilisinena, ta 'ebe nuwamwau yaudi silobedi.

1 Timoti 6:4

tauna 'ina nuwatu'e 'enega 'iemwagemwage 'ai'aila, ta egewagewana nuwanuwana. Taudi nadigega e'ipi'ipi 'aledi, be gamwasowala 'aledi, be eliya ta etalauwala 'aledi.

2 Timoti 3:4

towasegigi, be to'umalina 'ena siewaiwai, be onalaga 'aledi, be Yaubada geya'abo sioboobobome, ta esi taudimo 'idi gwausowala manuna sinuwanuwa.

Yemesa 2:8

Ta 'ida 'Inapwana 'ina loina sinabwana Buki Tabu 'ena 'igwae, “Gosemwao 'uda obobomedi nadigega tauyo 'amu oboboma.” Loina getei 'abo 'umuliya 'ai'aili, gete bubuna bobo'ana.

Yemesa 4:16

Ta gete tuga ma imi gagasa waonalaga, ta wada nuwa'i'isi 'aene onalaga yage to'umalina.

Yemesa 4:6

Ta esi Yaubada 'ina lema 'edaya sinabwa wawasae, manuna Buki Tabu 'ena 'isimana, 'igwae, “Yaubada togagasa 'ediya 'i'etoboda, ta esi tonuwamwa'uta 'ediya 'itagwala be 'ida lemedi.”

1 Pita 5:5

'Enega 'omi wate tubu lagalagao 'inapwanao wada 'amayabedi, be maibo'ami wada nuwamwa'uta be 'ebweuna 'ebweuna 'emiya wada elemalema. Nadigega tuga Buki Tabu 'isimana, 'igwae, “Yaubada tonuwatu'e 'i'etobodedi, ta esi tonuwamwa'uta 'iobobomedi.”

2 Pita 2:10

Ona'ai'aila, 'eguma toto'umalidi Yaubada 'ina loina siguitoyasei, be 'idi yalakwaiyao baibailidi simulimuliyedi, 'adi e'isa to'umali 'ai'ailina 'i'ebwa'edi. Toto'umalina nidi wate gagasa 'aledi, ta nigeya 'idi 'amayabamo me galewa to'esasedi 'ediya, ta esi si'awa'awa to'umaliyedi.

2 Pita 2:12

Ona'ai'aila toto'umalina nidi 'atuwa yobai. Yobai 'adi lotoona namo simulimuliyedi, ta nigeya sida nuwanuwa palupalu, 'enega tomota yobai nidi sigiyaidi be siunudi. Toto'umalidi wate mwalatoi 'ai'aila nigeya sida mwalatonina ta esi si'awa'awa to'umaliye, 'enega taudi wate sida esilae, yobai nadigega,

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.

Yude 1:16

Tomota nidi lomugi 'aledi ta wate 'awa to'umali 'aledi, ta taudi 'adi lotoona 'enega sitautauya, be 'enega onatu'e 'aledi, 'enega 'abo gosediyao 'ediya siona oboboma, nate gwegwe manuna.

E'ita'ita 13:1

'Enega yadunedune ga 'ebweu wate yobai tauna olega 'itu'ema, kunanao 'adi yau sanau, ta bulubulunao 'adi yau sebeni, ta kunanao nidi maibo'adi ma 'adi peyaula esaesa, ta wate bulubulunao 'ediya esana to'umalina si'etoladidi.

E'ita'ita 16:11

Ta Yaubada galewaya si'awa to'umaliyena, bonu nidi uyauyadi manudi, ta nigeya sa'i sida nuwa'ebuni 'idi guinuwa to'umalidi 'ediyega.

E'ita'ita 16:21

Ta wate 'usana sinabwadi ta pulipulidi, nadigega gulewa sinabwadi galewega sisagusaguma tomota 'ediya. 'Enega tomota nidi Yaubada si'awa to'umaliyena 'usana nina to'umali wawasae manuna.

E'ita'ita 16:9

Ga ni'atu yaiyai nina sinabwana tomota 'i'alasidi, 'enega Yaubada si'awa to'umaliyena, manuna tauna 'ina loinega ga mwau nidi siapwesama. Ta tuwa tuga, nigeya sinuwanuwa 'ebuni be 'aene Yaubada sida tupu.