2 Timoti 3:17 - Loina Tabu Auwauna NT

¹⁷ Yaubada 'ina guinuwao manudi. Manuna Buki Tabu 'ina onao 'ediyega Yaubada 'igibubuda, be sawesawedaya 'ina guinuwao yaudi bobo'adi taguinuwedi.

2 Timoti 3:17 Σταυροειδείς Αναφορές

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

2 Kolinita 9:8

Ta Yaubada nina sawesawenaya be oboboma maibo'ana 'ida 'etosiwa 'emiya, be tuta yauyauna yage maibo'ana sawesawemiya ma 'ana tupwa sinabwana 'ebwayadaita manudi.

Epeso 2:10

Ta esi Yaubada taunamo 'ina guinuwa 'atedaya 'igibubuda Yesu Keliso 'enega, be 'aene guinuwa bobo'adi Yaubada lowaenei 'iesinuwedi manuda tada guinuwedi.

1 Timoti 6:11

Timoti ye, 'oyo Yaubada 'ina toguinuwa, 'enega gete bubuna nina 'enega 'u'ita'i'isiyo, ta bubuna palupaluna 'umuliye, yage nidi nadigega 'eda'eda bobo'ana be emisa be oboboma be 'alama'i'ita be bubuna oo nuwana,

2 Timoti 2:21

Ta 'enega nadigega 'abo yaita 'ina bubuna to'umalina 'ediyega tauna 'igie'esasa lima, tauna 'ida egaeba bobo'ana, be 'ina 'inapwana 'ida aseye 'ina guinuwa bobo'adi manudi.

Taito 1:16

Taudi siona 'aene Yaubada simwalamwalatoni, ta 'idi guinuwao 'ediyega Yaubada sieyaseyaseyena, manuna taudi toto'umalidi ta loina sinala 'aledi, ta guinuwa bobo'ana nigeya 'ebweu wate 'ilobwelobwenedi.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Taito 3:1

Wate 'uemataluwedi be 'aene 'asa 'ana toloinao 'idi loina 'ediya sida tagwaledi, be siematamatanedi, be guinuwa bobo'adi sida guinuwedi.

Ibeliu 10:24

'Ilobweneda wate be tauda tada elemalema be tada eobooboboma 'ai'aila be wate paisewa bobo'adi tada guinuwedi.

Ibeliu 13:21

Ga Yaubada yage yauyauna bobo'adi 'i'ebwa'emi, be 'ediyega 'ina nuwena wada muliya 'ai'aili, be 'enega Yesu Keliso 'ina guinuwega Yaubada 'ida giebobo'anemi to'ase nadigega 'ina nuwanuwa, be manumi 'ida gwausowala. 'Enega Keliso nina tada tupu atae. Eimeni.