2 Timoti 3:12 - Loina Tabu Auwauna NT

¹² Ona'ai'aila, 'eguma 'abo'ada Yesu Keliso taemise, ta tatagwaleda 'ina 'eda bobo'ana 'enaya, ma'etamo miyamwau tomota 'ediyega taloba.

2 Timoti 3:12 Σταυροειδείς Αναφορές

Madiu 16:24

Muliyega Yesu 'ina tononoyao 'ieonedi, 'igwae, “Yaita 'eguma nuwanuwana be 'imuliyegu, 'ilobwenena be tauna 'ina nuwanuwa 'ida guitoyase, be tauna 'ana kelose 'i'aali, be 'enega 'imwamwawasa, nate nadigega 'agu muliya nina 'ana 'eda.

Madiu 23:34

'Enega palopitao be tomwalatoiyao be loina 'ana toe'itao yaetunediwa be 'enega 'aidi wada loemwawasidi, nai kelose 'ediya wada tutu epa'iyedi, be 'aidi 'imi anuwa tapwalolo 'ediya balaeyega wada unudi, be 'asa 'ebweuna 'ebweuna 'ediyega wada pa'idi.

Maki 10:30

'ami e'isa gete tuga wada loba nadigega analedi anuwao, tasimiyao, nuumiyao, sinamiyao, natumiyao be 'imi bwa'ao, ta wate ma'etamo galewaya yawasimi ataya waloba.

Yoni 16:2

Manuna ma'etamo anuwa tapwaloloega sipa'imi, ta wate ma'etamo tuta 'imeemai be 'abo yaita 'ida loemwawasimi, tauna 'inuwanuwa 'aene gete Yaubada 'ina 'ebe gwausowala.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Yoni 17:14

Ta tomota nidi 'imu ona ni'atu ya'ebwa'edi, ta esi me bale'u sietalauwaledi, manuna taudi nigeya me bale'u 'idi boda 'ena simiyami, tuga nadigega 'abo'agu wate nigeya 'idi boda 'ena yamiyami.

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

1 Kolinita 15:19

Ta wate 'abo'ada Keliso 'ana toemisao nuwa'ole'oleda sa'i, 'abo Keliso 'ina lema 'edaya tuta gete bale'uya namo manuna, ta nigeya tuta 'imeema 'ida mwawasa mulinaya manuna.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

2 Kolinita 4:9

'Ama mwau tomota si'ebwa'ema, ta Keliso sa'i 'etamo ma'emai 'amiyami. Wate siunuunuma ta esi nigeya siloeloemwawasima.

1 Timoti 2:2

Ta kiniyao be toloinao manudi wate wasidasida, be 'aene 'idi loina palupaluna 'enega tada miya bobo'ana, ma ida bubuna bobo'ana, ta ma ida 'amayaba.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

1 Timoti 6:3

Ta 'eguma yaita 'ina e'ita dumadumana, nai 'ida 'Inapwana Yesu Keliso 'ina ona palupaludi nigeya 'ida muliyedi, ta e'ita nidi bubuna bobo'ana manuna 'iguitoyasedi,

Taito 1:1

Natugu Taito, 'imu leta gete 'eguyega. 'Abo'agu Yaubada 'ina toguinuwa ta Yesu Keliso 'ana tosimana, 'igu guinuwa nina 'i'ebwa'egu be taudi Yaubada 'ana esiesinuwao yagiepa'alidi, be siemisa 'ai'aila, ta nuwadi 'isabwalena, be 'enega mwalatoi 'ai'ailega sida bubuna palupalu.

Taito 2:12

ta 'ie'iteda be 'aene bubuna besobeso ta nuwanuwa to'umalidi tada guitoyasedi, ta esi tada miya bubuna bobo'adi ta palupaludi 'ediyega.

1 Pita 3:14

Ta geya'abo tomota wamatamatautedi nai wanuwanuwa mwau 'ediya, ta esi wada gwausowala, 'abo yage bobo'ana waguiguinuwe be sigie'elouyaemi,

2 Pita 3:11

Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

E'ita'ita 12:4

Ta yuyunega kwadima yaudi 'iunudi ga 'iuledi bale'uya. 'Eguma kwadima maibo'adi taweyalidi 'etoi sena 'ediya, 'ebweu sena 'ena 'iunu egumwalidi ta 'eluwa sena 'ediya situpwa. Ta yobai nina bweyabweyalina waine matanaya 'itootoolo, be 'abo 'ienatuna, gwama nina 'i'a'ani.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.