2 Timoti 2:13 - Loina Tabu Auwauna NT

¹³ 'Eguma nigeya 'ida emisamo Keliso 'enaya, tauna 'ina onaupaupa nigeya sawesawenaya 'iesa'u gelasedi, manuna tauna adelina ma 'ana emisa.”

2 Timoti 2:13 Σταυροειδείς Αναφορές

Madiu 24:35

Ma'etamo galewa ta bale'u sisasawala, ta 'igu onao geya'abo sa'i sisawasawala.

Loma 3:3

Ta mwa'adega, 'abo 'aidi ni'atu Yaubada siguitoyasena, wanuwena 'aene Yaubada wate 'ida guitoyaseda aga?

Loma 9:6

Yaubada 'ina ona getedi geya'abo manudi tanuwanuwa 'aene ona 'eetete, ta esi ona getedi 'adi 'ai'aila siapwesa taudi me Isileli 'ai'aila 'ediya, taudi Yaubada 'ina bodao esiesinuwadimo, ta esi nigeya me Isileli maibo'adi 'ediya.

1 Kolinita 1:9

Ona'ai'aila Yaubada ma 'ana emisa sinabwana, manuna 'ibwauyemi ga natuna, tauna 'ida 'Inapwana Yesu Keliso, ma'emi waegosigosiyana.

1 Tesalonaika 5:24

Manuna Yaubada tauna 'iesinuwemi, tauna ma 'ana emisa, ga to'ase ni'atu 'ieoneda 'ida guinuwe.

2 Tesalonaika 3:3

Ta esi 'Inapwana nina ma 'ana emisa sawesawenaya be 'igiepa'alimi, ta 'i'ita'i'isimi be 'aene geya'abo Seitani 'igitogitoomi.

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

Ibeliu 6:18

'Enega yage waiwaidi 'eluwa simiya ataya, nate Yaubada 'ina onaupaupa ta 'ina sawa tamatamana, 'enega tamwalamwalatoni 'aene Yaubada nigeya 'ebweu tuta 'ida kabo. Manuna 'abo'ada ni'atu Yaubada 'ena tadena ga 'i'etoseyeda, 'enega ta'atepatu be tada nuwayai 'aene 'ina onaupaupa 'edaya geya'abo 'iligeligeidi.