Biblia Todo Logo
Διαδικτυακή Βίβλος

- Διαφημίσεις -




2 Tesalonaika 3:4 - Loina Tabu Auwauna NT

4 'Enega 'Inapwana 'aemisena 'aene 'ima e'ita 'emiya waematamatanedi,

Δείτε το κεφάλαιο αντίγραφο




2 Tesalonaika 3:4
18 Σταυροειδείς Αναφορές  

Ta loina maibo'ana ni'atu ya'ebwa'emi wae'itadi be taudi wate sida muliyedi. Ona'ai'aila, 'abo'agu ma'emiya yada miyami tuta yauyauna, batuwa ga 'ana laba bale'u 'ana 'ebe losalowa 'enaya.”


Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita.


'Enega 'abo'agu namo 'igu paisewa manudi gete tuga yasimasimanedi 'emiya, ta nigeya wate mali tomota 'idi paisewa manudi. Ta yasimana palupalu 'emiya 'igu loguguyao sena apwesaya 'ediya sinonodi, ga simuliyedi, manuna Yesu Keliso 'ina waiwai 'eguya 'imiyami,


Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.


Ta wate 'abo yaita 'inuwena 'aene tauna Yaubada Yaluyaluwana 'enaya ga 'ina mwalatoi 'i'ebwa'ena, nugana 'ida gimimwalatoni 'aene 'igu ona leta gete 'enaya yaetunenawa, nate Yaubada 'ina loina 'emiya.


manuna lodaba nigeya yage sinabwana, ta yage sinabwana esiya Yaubada 'ina loinao 'adi ematamatana.


Ta 'imi leta nina ya'etoladinawa 'igu 'elouya ma igu nuwamwau be ma igu dedoi be 'enega tuta 'abo yayausimi wada giegwausowaligu, ta geya'abo yanuwanuwa mwau, ta esi maibo'ami yaemisemi ta yanuwayaina 'aene 'abo'agu 'igu gwausowalega 'omi wate wada gwausowala. 'Enega 'imi leta nina ya'etoladinawa, nigeya 'aene yagienuwa mwauyemi, ta esi 'igu oboboma sinabwa wawasae 'emiya wada mwalamwalatoni.


Gete manuna 'imi leta ya'etoladinawa be 'aene yatoomi, nai loina maibo'ana waematamatanedi, nai nigeya.


Tasida wate 'ebweu ma'edi 'aetunenawa, tauna 'amwalatonina 'aene toemisa 'ai'aila 'ina guinuwa yauna 'ediyega, ta gete tuga 'omi 'imi bubuna bobo'ana ni'atu 'inonona ga 'iemisena, 'enega nuwanuwana sinabwana 'iayausimi sabi lememi wate.


'Abo'agu 'Inapwana yaemisena be 'igienuwa sabwalenimi, be 'igu loina namo wada muliye, ta 'abo yaita tauna 'ami togieloniu, 'ana e'isa Yaubada 'enega ma'etamo 'iloba.


Wate ma igu emisa 'aene Yaubada 'ina guinuwa bobo'adi ni'atu 'emiya 'ie'alena be tauna 'ida losaloni, ma'etamo Yesu Keliso 'ina 'asiyata sinabwana 'enaya.


Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,


Nadigega wate tomota maibo'adi sena Masidonia solanaya waobobomedi. 'Enega 'ada lo'aetuetunemi be 'imi oboboma nina 'ena wada ewaiwai,


'Enega gosedao nidi 'ada emataluwedi, ta 'ida 'Inapwana Yesu Keliso 'ana esanega 'aloinedi, be 'idi paisewa taudimo sida guinuwedi, ta sida miyabaula be 'enega 'adi masula sida loba.


Gosemao, 'aemataluwemi wate, 'ida 'Inapwana Yesu Keliso 'ana esanega, be 'eguma 'aina tasidao loogwautoyasidi, geya'abo wa'ita'ita naodi, manuna gwautoyasa 'ina 'eda 'abo'ama nigeya 'ae'ie'itami, ta gwaunuwa 'ina 'eda esi.


'Igu nuwanuwa gete ni'atu ya'etoladinawa, ma igu emisa be 'aene 'igu ona nidi 'uda nonodi be 'uda muliyedi, ta wate 'uda giesinabwa.


Ακολουθησε μας:

Διαφημίσεις


Διαφημίσεις