2 Tesalonaika 3:2 - Loina Tabu Auwauna NT

² Ta wada sida wate be toto'umalidi 'ediyega Yaubada 'ida 'etoseyema, manuna 'Inapwana 'ana toeyaseyaseyao yaudi.

2 Tesalonaika 3:2 Σταυροειδείς Αναφορές

Madiu 17:17

'Enega Yesu 'ieonedi, “'Omi sana mwa'adega? Ga debami pa'ala yaita! Nai nigeya waemiemisegu, aga? Ni'atu 'imi debapa'ala 'enega yalo'ame'ame. Baga, gwama nina wame'e 'eguya be ya'ita.”

Madiu 23:23

“'Omi loina 'ana toe'itao be Palisiyao nuwa'ole'olemi sa'i, manuna 'omi tokabo. Ona'ai'aila 'imi 'ebwayadaita bobo'ana, manuna 'imi 'ebwayadaitao nidi 'imi yage maibo'adi 'ediyega, gwegwe sinabwadi ta wate yage gidalidi nadigega mali pai be mali pai 'ediyega, ta esi loina 'etoi sinabwadi wanuwa pupuledi, nate bubuna palupaluna be nuwa'ole'ole be emisa. 'Ilobwenemi be yage gete sinabwadi wada guinuwedi, ta wate geya'abo yage gidalidi wanuwanuwa pupuledi.

Luke 18:8

ta 'ina lema nina palupaluna tuga 'ida guinuwe 'ediya. “Ta mwa'adega 'omi wanuwena 'abo tuta nina 'abo'agu Tomota Natuna yailama bale'u gete 'ena, 'eisa tomota ma idi emisa yalobadi sitoolo pa'ala?”

Guinuwa 13:45

Ta sa'i me Yudia, boda sinabwana si'itena, 'enega sie'ipi'ipi, ga Paulo 'ina loguguya 'ena sionaila, ta si'awa to'umaliyena.

Guinuwa 13:50

Ta sa'i me Yudia Paulo be Banaba sietalauwaledi, ga silomugiyedi iine 'alawatao taudi totapwalolo 'ediya, be wate 'asa 'ana 'inapwanao 'ediya, 'enega taudi wate sietalauwala Paulo be Banaba 'ediya, ga sipa'idi, ta sena nina sipilisinena.

Guinuwa 14:2

Ta sa'i 'aidi me Yudia e'ita nina nigeya siemisena, ta sisinalina ga si'awa to'umaliyena, ga sitauya taudi nigeya me Yudia 'ediya ga silomugi Paulo be Banaba manudi, 'enega taudi wate Paulo be Banaba sietalauwaledi.

Guinuwa 17:5

Ta me Yudia sa'i Paulo be Sailasa sie'ipi'ipiyedi ga si'awa to'umaliyedi, ga 'aina toadadana besobeso to'umalidi siloinedi ga pwalu sinabwana siegogonedima ta nuwanuwadi be silosaiyedi. 'Enega Yesoni 'ina anuwa simwelena, 'idi nuwanuwa 'aene Paulo be Sailasa anuwaya simiyami, be 'aene sida giyaidi,

Guinuwa 25:27

Manuna nigeya 'ana 'ita bobo'ana 'abo tomiya yoniyonina 'ebweu taetune, ta nigeya 'ebweu to'ase e'ewa manuna tae'itae.”

Guinuwa 28:24

'Enega 'aidi siemisena ta 'aidi sipa'ala.

Loma 10:16

Ta esi tomota maibo'adi nigeya siemiemisedi, manuna ni'atu Aisea 'isimana manudi, 'igwae, “'Inapwana ye, 'imu ona gete manuna nigeya siemiemisegu.”

Loma 15:31

taudi Yesu 'ana toguitoyasao Yudia 'enaya manudi, be 'enega geya'abo sigiegie to'umaliyegu, be wate toekalesiyao nidi gomagomabesodi Yelusalema 'enaya manudi, be 'aene 'ebwayadaita getei yatautauye manuna sida gwausowala, ta geya'abo sida guiguitoyase,

1 Kolinita 15:32

Ta wate lowa Epeso 'enaya tomota gamwagamwasowalidi bomitawa 'atuwa silosaiyegu, ta esi losaiya nina nigeya 'ana bobo'anamo 'eguya 'abo nigeya mwawasega yatootoolo limana. 'Enega 'aina tomota sigwae 'aene 'ilobweneda be tuta gete bale'uya tada egwausowala 'ida 'e'ai be 'ida numa 'ediyega, manuna 'iabe mwawasa 'ana tutaya geya'abo 'ebweu wate to'ase talobaloba.

1 Tesalonaika 2:18

Ona'ai'aila, 'abo'agu Paulo yatootoo waiwai be 'aene 'awawa be 'aayausa limami, ta yatooyogena, manuna Seitani 'ima 'eda 'igibodena.

2 Timoti 4:17

Ta 'igu etala nina 'enaya Yaubada 'ilemegu ga waiwai 'i'ebwa'egu, ga tetelina maibo'ana yasimanena taudi nigeya me Yudia 'ediya, ta Yaubada 'ina lemega nigeya laiyoni 'ediya si'ebwa'ebwayaegu.