2 Tesalonaika 3:16 - Loina Tabu Auwauna NT

¹⁶ 'Ida 'inapwana tauna nuwasiwalowa 'alena be 'ida gienuwa siwalowemi, be 'ida giegwausowalimi tuta maibo'ana, ta ma'emi wada miyaataya.

2 Tesalonaika 3:16 Σταυροειδείς Αναφορές

Madiu 1:23

“Gomagweine nuwenuwebolana 'ida 'euwana be natuna me'olotona 'ienatune, ta 'ana esana sida eese Imanueli.” (Ta esana nina 'ana gibui “Yaubada ma'edai.”)

Madiu 28:20

Ta loina maibo'ana ni'atu ya'ebwa'emi wae'itadi be taudi wate sida muliyedi. Ona'ai'aila, 'abo'agu ma'emiya yada miyami tuta yauyauna, batuwa ga 'ana laba bale'u 'ana 'ebe losalowa 'enaya.”

Luke 2:14

sigwaegwae, “Yaubada galewaya tada tupui, ta bale'uya taudi 'iobobomedi sida miya gwausowala.”

Yoni 14:27

“'Abo'agu ni'atu be yapilisinemi, 'enega taugu tuga 'igu nuwasiwalowa 'enega yada 'ebwa'emi, ta nuwasiwalowa nina nigeya nadigega me bale'u si'ebwa'ebwa'emi. 'Enega geya'abo waenuenuwanaluwa nai wa'ate'ate sa'ala.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Loma 1:7

Ta Yaubada Tamada be 'ida 'Inapwana Yesu Keliso 'idi obobomega wada miya siwalowa.

Loma 15:33

Yaubada ma'emi, tauna nuwasiwalowa 'alena. Eimeni.

Loma 16:20

Ona'ai'aila, Yaubada tauna nuwasiwalowa 'alena, be sawesawenaya Seitani 'ida 'ausepale maniniye 'emiyega. 'Enega 'ida 'Inapwana Yesu Keliso 'ina oboboma 'emiya 'ida miyami.

1 Kolinita 14:33

manuna Yaubada 'iloiloina palupaluyeda ta nigeya 'ikwanikwaniyeda, 'enega ma ida gwausowala tada lotapwalolo.

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

Epeso 6:23

Oboboma be emisa be gwausowala Tamada Yaubada be 'Inapwana Yesu Keliso 'ediyega 'omi gosi 'ai'ailigwao 'emiya.

1 Tesalonaika 3:11

'Enega 'igu nuwanuwa 'eluwa getedi: Nugana 'aene Tamada Yaubada be 'ida 'Inapwana Yesu 'ima 'eda sida loine be 'enega 'ada wa 'emiya.

1 Tesalonaika 5:23

Yaubada tauna gwausowala 'alena 'enega yaluyaluwami be nuwami ta oomi 'ida gie'esasa 'ai'ailidi be sida maedana, be 'enega ma imi bubuna bobo'ana wada miyami be 'ana laba Yesu Keliso 'iila limanama.

2 Tesalonaika 3:18

Ta 'ida 'Inapwana Yesu Keliso 'ina oboboma maibo'ami 'emiya. 'Abo'agu Paulo.

2 Timoti 4:22

'Inapwana ma'iyayo be yaluyaluwayo 'igiewaiwaiye, ta 'oyo be 'imu bodao 'ida lememi. 'Abo'agu Paulo.

Pilimoni 1:25

'Ida 'Inapwana Yesu Keliso yaluyaluwayo 'ida obobome be 'umiya bobo'ana. 'Abo'agu Paulo.

Ibeliu 13:20

Yaubada miya siwalowa 'ana to'ebwaya, ta tauna wate 'ida 'Inapwana Yesu mwawasega 'igietoolo limena, ta Yesu nina 'ina toekalesiyao 'abo'ada 'ada to'ita'i'ita 'ai'aila, ta tauna lalanega 'ada loina bobo'ana ta miyamiya atayana 'i'ebwa'eda.

Ibeliu 7:2

'Enega Ebelaamo 'ina gwegweyao 'iweyalidi egueguyai sanau 'adi yau, ga egueguyai 'ebweuna Melikisedeki 'i'ebwa'ena, ta Ebelaamo tauna naini 'i'ewedi. Ta Melikisedeki 'ana esana 'ana gibui “Toloina palupaluna,” ta 'ina sena 'ana esana Salema, 'ana gibui “Siwalowa,” 'enega tamwalamwalatoni 'aene Melikisedeki tauna ina loina siwasiwalowina.