2 Tesalonaika 2:7 - Loina Tabu Auwauna NT

⁷ Ona'ai'aila, gete tuga tai to'umalina nina 'ina guinuwao ni'atu siapweapwesa kwaiya bale'uya, ta mali tai sa'i guinuwa to'umalidi nidi 'i'eto'etobodedi be 'ana laba to'etoboda nina 'itoolosi'i,

2 Tesalonaika 2:7 Σταυροειδείς Αναφορές

Guinuwa 20:29

“Yamwalamwalatoni wate 'iabe 'igu tauya mulinaya toe'ita to'umalidi, 'atuwa kedewa bosasa, simamai be 'imi sipiyao sida gieto'umaliyedi.

2 Tesalonaika 2:6

Ta 'omi tai nina to'umalina 'ina mai so'iso'i 'alena, ni'atu wamwalamwalatoni 'aene 'eguma 'ina mai 'ana tuta 'ilobai 'enega 'iapwesama.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

1 Yoni 2:18

Natugwao, tuta 'ana 'ebe losalowa ni'atu 'imai saba, ta lowa wanonona 'aene Keliso 'ana talauwala nina 'iabe 'iapwesama, 'enega wada nuwa'i'isi Keliso 'ana talauwalao yaudi bale'uya simiyami, 'enega tamwalamwalatoni tuta 'ana 'ebe losalowa gete,

1 Yoni 4:3

Ta esi yaluyaluwa nidi 'abo Yesu sieyaseyaseyena, taudi nigeya Yaubada 'enega, ta esi Keliso 'ana talauwala yaluyaluwana 'enega, ta talauwala nina 'ina mai 'alena lowa wanonona, ta ona'ai'aila, gete tuga bada bale'uya 'imiyami.

E'ita'ita 17:5

Ta debanaya 'ana esana si'etoladina, 'ana kunuwadawada, 'igwae, “Babiloni sinabwana, nate tosogalao be toloelata gadiluluyao sinadiya.”

E'ita'ita 17:7

Ta 'enega anilose 'ieonegu, 'igwae, “Geya'abo nuwayo 'iowaowana. Yada li'ami 'emuya to'ase waine nina ta yobai nina 'igelunaya, tauna bulubuluna sebeni be kunanao sanau, 'adi mwalatoi.