2 Tesalonaika 2:13 - Loina Tabu Auwauna NT

¹³ Gosemao, ona'ai'aila 'ida 'Inapwana 'iobobomemi, manuna gimituta 'enaya 'iesinuwemi be 'aene Yaluyaluwa Tabuna 'enega 'ida gie'esasemi, be tetela 'ai'aila wada emise 'ami 'etoseyana manuna, 'enega 'ilobwenema be tuta maibo'ana manumi 'ada lokagutoki Yaubada 'ena.

2 Tesalonaika 2:13 Σταυροειδείς Αναφορές

Luke 1:75

ta wate 'aene ma ida bubuna 'esasena ta palupaluna 'asiyata 'ebweuna 'ebweuna.

Yoni 1:1

Tuta 'ana 'ebe e'ale 'unuya Ona 'imiyami. Ta Ona nina tauna Keliso, Yaubada ma'iyana, ta tauna Yaubada nina.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Guinuwa 13:48

'Enega taudi nigeya me Yudia Paulo be Banaba 'idi ona gete sinonona, ga sigwausowala sinabwana, ga Yaubada tetelina si'awa bobo'anena, ga taudi yaisigedi Yaubada 'iesinuwedi be yawasi miyamiya atayana sida loba, taudi ona nina siemisena.

Guinuwa 15:9

ta nigeya 'ebweu wate weyala 'igieapwesena, be 'aene taudi dumadumadi be 'abo'ada dumadumada, ta taudi siemisena nadigega 'abo'ada taemisena, ga 'enega maibo'ada 'ateda 'igie'esasedi.

Loma 6:17

Ta ona'ai'aila, 'omi lowa bubuna to'umalina 'ana toguinuwao, ta esi tetela bobo'ana wanononaya ga 'atemi watagwaledi 'enaya, ga 'enega 'imi to'umalina 'igumwala. Ta Yesu 'ili'amimi be 'aene 'omi bubuna palupaluna 'ana toguinuwao, 'enega tada lokagutoki sinabwana Yaubada 'enaya, yage gete manudi.

Loma 8:33

'Enega nigeya sawesawenaya be 'ebweu yaita 'ie'ewada, manuna Yaubada nina ni'atu 'iesinuweda ga 'i'awa palupaluyeda.

Loma 9:11

ta muliyega be Libeka 'ienatuna, Yaubada 'ieonena, 'igwae, “'Abo natumwao 'uenatunedi, megwamana 'ida etoloina tomatuwa 'ena.” Taudi Yekobe be Iso. Gete 'enega tamwalatoi 'ai'ailina 'aene gogama nidi nigeya 'idi guinuwa bobo'ana nai to'umalina 'ediyega 'iesiesinuwedi, ta esi tauna 'ina onaupaupa 'enega, manuna Yaubada nigeya tomota 'idi guinuwega 'ida esinuwedi, ta esi taunamo 'ina nuwenuwega.

1 Kolinita 1:21

Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

Galetia 3:1

'Omi me Galetia uwauwami! Yaita sana 'ilonabwasuwemi ga 'igiekwanimi? Lowa 'ae'itemi ga nuwami 'isabwalena 'ai'aila Yesu Keliso manuna, 'aene keloseya 'imwawasa ta sa'i wanuwa pupulena! 'Enega wanuwena 'aene Mosese 'ina loina 'ana ematamatanega 'etoseyana walobai?

Epeso 2:8

Ona'ai'aila, 'ina obobomega ni'atu 'i'etoseyemi, 'imi emisa manuna, ta nigeya taumi 'imi guinuwa 'ediyega, ta esi Yaubada 'ina oboboma 'enega.

Kolose 1:5

manuna wanuwanuwayaina 'aene 'imi 'ebe gwausowala ma'etamo galewaya waloba, nadigega lowa tetela bobo'ai'ailina wanonona.

Kolose 3:12

Ta 'omi Yaubada 'ina obobomega 'iesinuwemi tauna manuna, 'enega 'ilobwenemi be wa'atenuwa 'ole'ole, be waeobooboboma, be wanuwamwa'uta ma imi 'atetagwala ta ma imi e'alama'i'ita,

1 Tesalonaika 1:4

Ona'ai'aila gosemao, Yaubada ni'atu 'iobobomemi ga 'iesinuwemi,

1 Tesalonaika 2:12

ta wate 'aloguguyemi be 'agiepa'alimi, ta wate 'aeonemi be 'aene wada bubuna bobo'ana, manuna Yaubada ni'atu 'iesinuwemi tauna 'ina 'ebeloina 'esasena manuna.

1 Tesalonaika 4:7

Manuna Yaubada 'iesinuweda nigeya bubuna baibailidi manudi, ta 'esasedi esi manudi.

1 Tesalonaika 5:9

Manuna Yaubada nigeya 'iloiloina be bwa'omatana 'ana sena 'ena taapwesa, ta esi nuwanuwana 'ida 'Inapwana Yesu Keliso 'ina guinuwega 'i'etoseyeda.

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

2 Tesalonaika 2:10

Ta taudi tetela 'ai'aila 'ana tologuitoyasao 'idi sena 'asa gabugabu, Yaubada 'ida tagwaledi be Seitani 'ina kaboyao maibo'ana sida emisedi, ta taudi bwa'omatana sida loba, manuna e'ita 'ai'aila siguitoyasena,

2 Tesalonaika 2:12

ta bubuna geyogeyoi 'ana guinuwa nuwadi 'i'ewena. 'Eguma lowa tetela 'ai'aila sida emisenaya, Yaubada 'ida 'etoseyedi, ta sa'i nigeya.

2 Tesalonaika 2:16

Tamada Yaubada 'ioboboma 'ai'ailida, 'enega tuta yauna 'igiegwausowalida, manuna tanuwayaina yage nidi ma'etamo manuda 'ida guinuwedi.

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

2 Timoti 2:15

'Enega wate 'uetapewa waiwai be tetela bobo'ana 'ana e'ita 'ai'aila manuna 'ugwaunuwa be 'aene 'oyo Yaubada 'ina toguinuwa be ma'etamo matanaya 'uapwesa be 'ida 'awabobo'aneyo.

2 Timoti 3:15

Ta 'oyo tauyo wate 'imu tuta gwamega ga batuwa Buki Tabu 'ina onao 'ana tosawa, ga 'ie'itemu 'aene 'ida emisa Yesu Keliso 'enaya 'ada 'ebe 'etoseyana.

Ibeliu 1:10

Ta 'ebweu wate 'ina ona natunana 'ena 'igwae, “'Inapwana ye, tuta nugana 'ena bale'u 'umweluluina ta nimamuyega galewa 'uguinuwena.

Yemesa 1:18

Ga 'ina nuwanuwa tauna 'enega, ta wate 'ina ona'ai'aila 'enega, 'igimi mweluluida be 'aene 'abo'ada 'ina mwelumweluluwao maibo'adi tada loetana sinedi.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

1 Yoni 4:19

Ta 'ida oboboma nina 'alena gete manuna Yaubada 'igimi obobomeda.