2 Tesalonaika 2:12 - Loina Tabu Auwauna NT

¹² ta bubuna geyogeyoi 'ana guinuwa nuwadi 'i'ewena. 'Eguma lowa tetela 'ai'aila sida emisenaya, Yaubada 'ida 'etoseyedi, ta sa'i nigeya.

2 Tesalonaika 2:12 Σταυροειδείς Αναφορές

Maki 14:11

Ga Yudasa 'ina ona sinonona ga sigwausowala ga 'ena siona upaupa be 'aene 'ana maisa si'ebwa'e. 'Enega Yudasa tuta bobo'ana 'iyamwena be 'aene Yesu 'ediya 'ida telesipupuye be sigiyai.

Maki 16:16

'Enega yaisigedi siemisegu wada giebapitaiseodi, be 'etoseyana sida loba, ta 'abo yaisigedi nigeya siemiemisa ma'etamo loina to'umalina siloba.

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Loma 1:32

Ta tomota getedi nadigega, taudi ni'atu Yaubada 'ina loina simwalamwalatoni 'aene 'abo yaisigedi nadigega sibubuna'esa mwawasa namo tuga 'ilobwenedi, ta sa'i tuwa tuga to'umalina nina siguiguinuwe, ta 'abo gosediyao wate sietotowanedi, 'idi guinuwa nidi si'awa bobo'anedi.

Loma 12:9

Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

1 Kolinita 13:6

'Enega geya'abo bubuna to'umalina manuna tagwaugwausowala, ta esi bubuna palupaluna manuna tada gwausowala.

1 Tesalonaika 5:9

Manuna Yaubada nigeya 'iloiloina be bwa'omatana 'ana sena 'ena taapwesa, ta esi nuwanuwana 'ida 'Inapwana Yesu Keliso 'ina guinuwega 'i'etoseyeda.

2 Tesalonaika 2:10

Ta taudi tetela 'ai'aila 'ana tologuitoyasao 'idi sena 'asa gabugabu, Yaubada 'ida tagwaledi be Seitani 'ina kaboyao maibo'ana sida emisedi, ta taudi bwa'omatana sida loba, manuna e'ita 'ai'aila siguitoyasena,

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.