2 Pita 2:2 - Loina Tabu Auwauna NT

² Ta tomota yaudi 'idi guinuwa to'umalina nadigega loelata sida etotowanedi, nate Yesu 'ina 'eda 'ai'aila 'ana 'ebe 'awato'umali.

2 Pita 2:2 Σταυροειδείς Αναφορές

Madiu 22:16

'Enega loina silobena, ta 'adi tomuliyayao be Elodi 'ina bodao ma'ediyao sietunedi Yesu 'ena ga sigwae, “'Inapwana ni'atu 'amwalatonimu 'aene 'oyo toe'ita 'ai'aila be Yaubada 'ina nuwanuwa 'ue'ita 'ai'aila, ta wate tomota 'idi waiwai manuna nigeya 'umatamatauta, ta tuga ona 'ai'aila 'usimana leleleya tomota maibo'adi 'ediya.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 7:14

Ta yawasi bobo'ana 'ana 'eda 'ana tauya mwauna ta 'ana 'awa gidalina tuga, 'enega tomota pu'epu'edimo silugu.

Maki 12:14

'Enega Yesu 'ena simai ga sieonena, sigwae, “'Inapwana, ni'atu 'amwalatonimu 'aene 'oyo toe'ita 'ai'aila, ta tomota 'idi waiwai manuna nigeya 'umatamatauta, ta tuga ona 'ai'aila 'usimana leleleya tomota maibo'adi 'ediya, nate Yaubada 'ina 'eda 'ue'ita 'ai'aila. 'Enega mwa'adega? Sawesawenaya be Kini Sisa manuna takisi tasa'u, nai nigeya?

Maki 13:22

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi, be 'ediyega 'abo sawesawediya Yaubada 'ina bodao esiesinuwadi sikwakwani.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Guinuwa 13:10

ta 'igwae, “'Oyo Seitani 'ina boda ta kabo 'aleyo, 'enega guinuwa palupaluna 'uetalauwalena, ta 'Inapwana 'ina 'eda palupaluna tuta maibo'ana 'utootoo be 'aene 'ugiebokoboko.

Guinuwa 14:2

Ta sa'i 'aidi me Yudia e'ita nina nigeya siemisena, ta sisinalina ga si'awa to'umaliyena, ga sitauya taudi nigeya me Yudia 'ediya ga silomugi Paulo be Banaba manudi, 'enega taudi wate Paulo be Banaba sietalauwaledi.

Guinuwa 16:17

'Enega waine nina 'imulimuliyema, ta 'ibwaubwau, “Gete tomota nidi Yaubada Toloetana sana 'ina toguinuwao, ta 'etoseyana 'ana 'eda 'ana tosimanao.”

Guinuwa 18:26

'Enega tuta nina Epeso 'ena 'iapwesama 'ilugu me Yudia 'idi anuwa tapwalolo 'ena, ga ma ina waiwai 'iloguguya. Ta Akuila be Pilisila 'ina loguguya sinonona 'aene 'ina mwalatoi tupwana namo tuga, 'enega si'au'ewena, ga Yaubada 'ina 'eda maibo'ana sie'itena.

Guinuwa 19:9

Ta sa'i 'aidi deba pa'apa'alidi ga nigeya siemiemisa, ta Yesu 'ina 'eda nina si'awa to'umaliyena toegogona nidi matadiya. 'Enega Paulo 'itoolo ga 'ana tomuliyao ma'enao siapwesa, ga silugu Tilano 'ina anuwa 'ebe sikulu 'enaya, ga nada 'asiyata 'ebweuna 'ebweuna 'ediya Paulo 'iloguloguguya.

Guinuwa 22:4

Ta emisa auwauna gete 'ana tomuliyao yaetalauwaledi, ga me'olotodi be mewainedi deliya yasa'u luguyedi, ta 'aidi yaloemwawasidi.

Guinuwa 24:14

“Ta 'idi ona 'ebweuna namo ya'awa 'ai'ailena, nate 'Eda nina sieesena Weyala 'enega yalotapwalolo, tubumao 'idi Yaubada 'ena, ta wate Mosese 'ina loinao be palopitao 'idi 'etoladiyao maibo'adi yaemisedi,

Loma 2:24

Nadigega Buki Tabu 'ina simana 'igwae, “'Omi me Yudia, 'imi bubuna manuna, taudi nigeya me Yudia Yaubada si'awa to'umaliyena.”

1 Timoti 5:14

'Enega yanuwena kwabulao taudi ma'etamo nigeya sieilemwaya 'ilobwenedi be siai limana, be sienatuna, be taudi natudiyao si'ita'i'isidi, be 'enega geya'abo 'ada talauwalao si'awa'awa to'umaliyeda, kwabulao nidi 'idi bubuna manuna.

Taito 2:5

Ta ma idi 'amayaba ta bubuna 'esasena 'ediyega 'idi anuwao sida 'ita'i'isidi. Wate sida oboboma ta mwanediyao 'enadi sida ematamatanedi, be 'enega Yaubada 'ina ona tomota sida 'amayabe, ta geya'abo si'awa'awa to'umaliye.

Taito 2:8

be 'enega 'imu e'itao geya'abo tomota si'awa'awa kabokaboedi, ta 'imu onao 'adi nono bobo'ana 'enega 'amu talauwalao 'ugie omayamayadi 'idi lo'aegila besobeso 'ediyega.

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.

2 Pita 2:12

Ona'ai'aila toto'umalina nidi 'atuwa yobai. Yobai 'adi lotoona namo simulimuliyedi, ta nigeya sida nuwanuwa palupalu, 'enega tomota yobai nidi sigiyaidi be siunudi. Toto'umalidi wate mwalatoi 'ai'aila nigeya sida mwalatonina ta esi si'awa'awa to'umaliye, 'enega taudi wate sida esilae, yobai nadigega,

2 Pita 2:15

'Eda palupaluna ni'atu siebesinena ga sitauya gesi, 'enega Bioli natuna 'ana esana Balami 'ina bubuna to'umalina lowaenei taudi gete tuga simuliyena, manuna tauna nuwanuwana be 'ina guinuwa to'umalina 'enega 'ida eesaesa,

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

2 Pita 2:21

Taudi nigeya bubuna palupaluna 'ana 'eda simwalamwalatoni, ta e'ita kabokabo simulimuliyedi, ta ma'etamo to'umalina siloba. Ta esi taudi ni'atu bubuna palupaluna 'ina 'eda be Yaubada 'ina loina 'esasena 'ana tomwalatoiyao, 'eguma sipilisinei sito'umali 'ai'aila.

2 Pita 2:7

Ta Loti tebweuna 'asa nidi 'ediyega 'ina bubuna palupaluna, 'enega Yaubada 'i'etoseyena. Ona'ai'aila, Loti nina toto'umalidi 'idi bubuna sogala manuna 'inuwamwau.

Yude 1:10

Ta toto'umalina nidi, 'eguma to'ase nigeya simwalamwalatoni, ta tuwa tuga si'awa to'umaliye, manuna taudi 'atuwa bomitawa nadigega, ga 'adi lotoona siloiloinedi, ga 'enega taudimo sigieto'umaliyedi.

Yude 1:15

be 'aene tomota maibo'adi 'iloinedi be 'ibwa'omatadi 'idi bubuna yaudi ta to'umalidi manudi, ta wate 'idi 'awa to'umali maibo'ana 'enaya manuna.”

Yude 1:4

Mwau nina ni'atu 'emiya 'iapwesa, nate 'aina toto'umalidi sikaboemi ga 'ami boda 'ena silugu, 'enega Yaubada 'ina oboboma 'edaya taudi 'idi e'itega sisa'u gelasena ga loelata 'ana guinuwa 'enaya, ta wate 'ida Yaubada be 'Inapwana Yesu Keliso siguitoyasedi. Taudi 'idi to'umalinao manudi 'adi loina mwauna lowaenei Yaubada 'isa'una.

Yude 1:7

Taudi 'idi bubuna nadigega 'aidi 'asa lowaenei, nate Sodoma be Gomola be 'aidi 'asa selabediya, manuna loelata 'ana nuwa'ewa sinabwana 'enega siguiguinuwa besobeso ta wate tai be tai ma'ediyao siloeloelata, 'enega Yaubada 'igabudi 'awe'ala'alata ataya 'enaya; ta e'ita nina gete maibo'ada manuda.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 13:14

Ta ni'atu tagwala 'ilobena be 'enega yobai nina olega matanaya edeedede nidi 'iguinuwedi, ga gote 'ena me bale'u maibo'adi 'ikaboedi. Ta 'ina kabo nidi 'ediya 'igwae, “Tokwalui 'ebweuna wabubu, be 'ana 'ita 'atuwa yobai nina sisisaiyega 'iesilae, ga 'ibobo'ana limana.”

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.