2 Pita 1:6 - Loina Tabu Auwauna NT

⁶ 'etonina 'alama'i'ita, eatana toolopa'ala, enimana bubuna 'esasena,

2 Pita 1:6 Σταυροειδείς Αναφορές

Luke 21:19

ta 'omi wada toolopa'ala be 'enega yawasimi ataya wada loba.

Luke 8:15

Ta atu nidi bwa'a bobo'ana 'ena sibe'uya, taudi nate ma idi 'atetagwala ona nina sinonona, 'enega sie'alama'i'itana, ga Yaubada 'ina ona 'ediya 'iuwa 'ai'aila.”

Guinuwa 24:25

Ta Pilikesa 'atena 'isa'ala, tuta nina Paulo 'ina guguya 'inonona, bubuna palupaluna, be 'atepa'ala, be bwa'omatana 'imeemai manudi, ga Pilikesa 'igwae, “Tuwa! Ta 'uila, be 'abo to tuta kapekapeyana 'eguya 'enega yada bwauyeyo wate.”

Loma 15:4

Ta wate 'aina 'ebe'itao yaudi Buki Tabu 'ena simiyami Yaubada 'ina lemao manudi, ta 'abo 'ebe'ita nidi taemisedi, tada e'alama'i'itana ma ida nuwayaina be 'aene ma'etamo 'etoseyana tada loba.

Loma 2:7

Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.

Loma 8:25

Ta 'abo 'ida emisa uwana nigeya talobaloba, tuwa tuga ma ida 'alama'i'ita tada yamwayamwa 'ana laba talobai.

1 Kolinita 9:25

Ta yaisigedi taudi bale'uya sitoo waiwai, ta sie'alama'i'itana 'idi toona 'enega, be 'aene pali sawasawalina sida loba, ta esi 'abo'ada tatoo waiwai be pali miyamiya atayana galewega tada loba.

2 Kolinita 6:4

ta esi 'ima guinuwao maibo'ana bobo'ana Yaubada manuna, be 'ediyega wada 'awabobo'anema. 'Ima guinuwa getedi: 'alama'i'ita sinabwana, 'elouya, miyamwau, esilae,

Galetia 5:23

bubuna nuwana, 'alama'i'ita. Ta nigeya 'ebweu wate loina 'imiyami be yage getedi 'ida 'etobodedi.

Kolose 1:11

Ta wate tauna 'ina waiwai sinabwana 'enega 'ida giewaiwaiyemi, be 'imi guinuwa yauyaudi 'ediya wae'alama'i'ita, be wada toolopa'ala, be wate ma imi gwausowala

1 Tesalonaika 1:3

manuna 'imi emisa be 'imi guinuwa bobo'adi 'anuwa'i'isidi, ta wate 'imi guinuwao oboboma 'enega, be 'imi e'alama'i'ita ma imi emisa be 'aene 'ida 'Inapwana Yesu Keliso 'ida 'etoseyemi.

2 Tesalonaika 1:4

'Enega toekalesiyao sena yaudi matadiya 'atuputupumi, 'agwae, “Taudi me Tesalonaika e'alama'i'ita 'aledi. 'Anabwa'ayoi 'adi talauwalao mwau sinabwana si'ebwa'edi, ta tuwa tuga ma idi 'alama'i'ita be ma idi emisa Yaubada 'enaya.”

2 Tesalonaika 3:5

ta wate 'ida gienuwa sabwalenimi, tauna 'ina oboboma manuna, ta wate 'imi toolopa'ala Keliso 'ena manuna.

1 Timoti 2:2

Ta kiniyao be toloinao manudi wate wasidasida, be 'aene 'idi loina palupaluna 'enega tada miya bobo'ana, ma ida bubuna bobo'ana, ta ma ida 'amayaba.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

1 Timoti 6:11

Timoti ye, 'oyo Yaubada 'ina toguinuwa, 'enega gete bubuna nina 'enega 'u'ita'i'isiyo, ta bubuna palupaluna 'umuliye, yage nidi nadigega 'eda'eda bobo'ana be emisa be oboboma be 'alama'i'ita be bubuna oo nuwana,

1 Timoti 6:3

Ta 'eguma yaita 'ina e'ita dumadumana, nai 'ida 'Inapwana Yesu Keliso 'ina ona palupaludi nigeya 'ida muliyedi, ta e'ita nidi bubuna bobo'ana manuna 'iguitoyasedi,

1 Timoti 6:6

Ta 'abo'ada 'ida esaesa dumadumana. Yaubada 'ana 'amayaba 'enega sawesawenaya 'iloineda, ta esi esaesa bale'u 'ana loba geya'abo manuna tanuwanuwa.

2 Timoti 3:5

Tomota nidi sitapwatapwalolo, ta Yaubada 'ina waiwai nigeya sida emisena, 'enega 'idi tapwalolo nina yage besobeso. 'Enega tomota nidi 'adi boda 'ena geya'abo 'ulugulugu.

Taito 1:1

Natugu Taito, 'imu leta gete 'eguyega. 'Abo'agu Yaubada 'ina toguinuwa ta Yesu Keliso 'ana tosimana, 'igu guinuwa nina 'i'ebwa'egu be taudi Yaubada 'ana esiesinuwao yagiepa'alidi, be siemisa 'ai'aila, ta nuwadi 'isabwalena, be 'enega mwalatoi 'ai'ailega sida bubuna palupalu.

Taito 1:8

Ta esi 'ilobwenedi be 'owagao si'ita'i'isidi, ta adelidi tobubuna bobo'ana, ta 'idi nuwanuwao 'ediya sida etai. Ta wate adelidi palupaludi be 'esasedi, ta 'alama'i'ita 'aledi.

Taito 2:2

be 'inapwanao 'ueonadi geya'abo sinumanuma kabaleya bwasi waiwaina 'enega, ta geya'abo siegwausowala besobeso, ta esi Yaubada sida emisa 'ai'aili, ta oboboma be 'alama'i'ita 'ediyega sida maa.

Ibeliu 10:36

Ta 'ilobwenemi be watoolo pa'ala be Yaubada 'ina nuwanuwa wada guinuwe, be to'ase 'iona upaupaena wada 'ewa.

Ibeliu 12:1

Ga 'enega toemisao yaudi galewega siduneduneyeda, be 'ilobweneda yage mwaudi 'edega tada gisinedi, be 'enega tada pili waiwai epili nina 'ana 'eda 'enega, ta wate bubuna to'umalina nidi sigiyagiyaida tada gisinedi.

Ibeliu 6:12

Geya'abo waloogwautoyasa, ta esi 'abo'ama waetotowanema, manuna ma ima 'alama'i'ita 'aemiemisa be 'enega yage nidi Yaubada 'iona upaupaediya ta'ewadi.

Ibeliu 6:15

Ta Ebelaamo nina 'i'alama'i'ita tuta dudulana, ga onaupaupa uwana 'ilobena.

2 Pita 1:3

Yaubada nina 'ina waiwaiyega 'ilemeda ga 'iobobomeda, ta yage yauna yawasida be 'ida bubuna 'esasena manudi 'i'ebwa'eda. Manuna tauna tamwalatonina 'aene 'iesinuweda be 'ina esaesa ta 'ina bubuna palupaluna 'i'ebwa'eda.

2 Pita 3:11

Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.

E'ita'ita 13:10

manuna “'Abo yaita sigiyai, sida giyai tuga, ta wate yaita 'abo sisisaiya 'enega siloemwawasi, sida loemwawasa tuga.” Ona gete 'enega Yaubada 'ina tomotaiyao sida toolopa'ala be sida etapewa waiwai.

E'ita'ita 14:12

Ona gete 'enega Yaubada 'ina tomotaiyao sida 'alama'i'ita, taudi 'ina loina 'ana toematamatanao ta Yesu 'ana toemisao.

E'ita'ita 2:2

“Ni'atu yamwalatonimi, 'aene 'imi paisewa sinabwana 'enega, be 'imi e'alama'i'itana 'ediyega, waewaiwai, ta toto'umalidi geya nuwami, 'enega 'agu tosimana kabokaboyao watoodi ga 'idi kabo wagieapwesena.