2 Pita 1:11 - Loina Tabu Auwauna NT

¹¹ be 'enega muliyega ma imi gwausowala walulugu 'ida 'Inapwana ta 'ada To'etoseyana Yesu Keliso 'ina 'ebeloina 'enaya, be nada wamiya ataya.

2 Pita 1:11 Σταυροειδείς Αναφορές

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Yoni 10:10

Ta to'ipwala taudi tuga 'idi guinuwa nate simamai be si'i'ipwala ta siloemwawasa ta wate sigieto'umali, ta 'abo'agu yamai be 'enega tomota yawasidi bobo'ana ta maamaana 'eguyega sida loba.”

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

1 Kolinita 15:24

be muliyega Keliso nina toloinao maibo'adi 'iewaiwai sinedi be welabanao be yaluyaluwa to'umalidi maibo'adi 'iewaiwai sinedi, be tuta 'ana 'ebe losalowa 'enaya Keliso 'ina loina 'ida 'ebwaya Tamana 'enaya.

2 Kolinita 5:1

Bwalada 'atuwa 'ida anuwa bale'uya, ta tamwalatonina 'abo 'ieligei, 'ida anuwa auwauna galewaya tada loba, nigeya tomota nimadiyega siguinuwena, ta esi miyamiya atayana tauna Yaubada 'enega.

Epeso 3:20

Ona'ai'aila, 'ina waiwai soladaya 'ietaetapewa, be 'eguma to'ase manuna tasidasida ma ida emisa, tauna sawesawenaya be 'ida guinuwe, ma 'ana loeposeyana sinabwana manuda.

1 Timoti 6:17

Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

2 Timoti 4:18

Be mwau maibo'adi 'ediyega 'Inapwana nina 'ida 'etoseyegu be 'ina 'ebeloina galewaya 'ena yalulugu. 'Enega tada tupu atae. Eimeni.

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

Ibeliu 6:17

Yaubada nadigega nuwanuwana sinabwana be 'ina ona 'ai'aila 'abo'ada 'ie'itada 'aene to'ase ni'atu 'iona upaupaena 'edaya ma'etamo taloba, 'enega tauna 'ana esanega 'isawa tamatamana.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

2 Pita 1:5

'Enega watoo waiwai be 'imi emisa waloeposeyanedi gete yage nidi 'ediyega: nugana bubuna bobo'ana, 'eluwena mwalatoi,

2 Pita 2:20

Taudi lowa 'ida 'Inapwana ta 'ada To'etoseyana Yesu Keliso tetelina siemisena ga bubuna bale'u sipilisinena, ta 'eguma siila limana bubuna kadekadelidi 'ediya ma'etamo sineeneta, ta 'enega taudi sito'umali 'ai'aila.

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.

E'ita'ita 5:10

Manuna 'oyo 'uesinuwedi be 'aene 'imu 'ebeloina solanaya sida etotaliya Yaubada manuna, be wate bale'uya sida etoloina.”