2 Kolinita 8:9 - Loina Tabu Auwauna NT

⁹ 'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

2 Kolinita 8:9 Σταυροειδείς Αναφορές

Madiu 17:27

Ta geya'abo taloogwautoyasa, 'abona nai 'edaya sinuwamwau. 'Enega gete tuga bani 'u'ewa be 'udolo le'awaya be 'abo gimiiyana 'ulisi, 'awana 'ugigege be solanega mani 'u'ewenama be 'u'ebwa'edi, nate 'oyo be 'abo'agu 'ida takisi, sawesawedaya.”

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Madiu 8:20

Ta Yesu tai nina 'ieonena, 'igwae, “Kedewa mitawa ma idi gaula, ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

Maki 6:3

Ta wate sigwae, “Tai gete to'abi'abi tuga aga? Ta sinana Meli, be tasinao Yemesa be Yosese be Yudasa be Saimoni be wate nuunao ma'edao tamiyami, aga?” 'Enega tomota Yesu siguitoyasena.

Luke 16:11

'Enega 'omi wate 'abo nigeya bale'u esaesanao manudi waguiguinuwa 'ai'aila, 'iabe Yaubada geya'abo wate esaesa 'ai'aila 'i'ebwa'ebwa'emi.

Luke 2:7

'enega gwama nina 'oama 'ediyega 'iwaduna ga yobai 'idi 'ebe 'e'ai 'enaya 'isa'una. Manuna anuwa 'owaga ni'atu 'imaa, 'enega nigeya 'ebweu wate mwatui manudi be 'ena silulugu.

Luke 8:3

ta wate Yoana, tauna Kusa mwanena, Kusa nina Elodi 'ina toguinuwa, ta wate Susana be wate 'aidi iine ma'ediyao. Iine nidi taudi 'idi gwegweyega Yesu magosenao si'ita'i'isidi.

Luke 9:58

'Enega Yesu tai nina 'ieonena, 'igwae, “Kedewa bomitawa ma idi gaula ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

Yoni 1:10

Tauna ni'atu 'imai bale'uya ga bale'uya 'imiyami, ta tauna tuga bale'u 'ana tomweluluwa, ta tomiya bale'u nigeya simwalamwalatoni yaita tauna.

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:17

Mosese 'ina 'ebwaya bobo'ana, nate loina nidi Buki Tabu 'ena, ta esi Yesu Keliso 'ina 'ebwaya bobo'ana wawasae, manuna oboboma be bubuna bobo'ana 'i'ebwa'eda.

Yoni 12:30

Ta muliyega Yesu 'ediya 'igwae, “'Enana nina wanononaya nigeya 'abo'agu manugu ta esi 'omi manumi.

Yoni 16:15

Ta wate to'ase nadigega Tamagu 'ina yage, maibo'ana 'abo'agu tuga 'igu yage. Nate 'enega yagwae, ‘'Igu sinasinapuyega 'emiya 'ida e'ita.’ ”

Yoni 17:19

'Igu tomotai nidi manudi yatagwalegu 'emuya be 'enega tuta 'imeema 'enaya taudi wate sida tagwala 'ai'ailedi 'emuya.

Loma 11:12

Ta 'omi nigeya me Yudia 'etoseyana bobo'ana walobena manuna taudi me Yudia ni'atu sibe'u, ta esi 'eguma sitoolo limana nate 'ebe gwausowala sinabwana maibo'ada 'edaya.

Loma 15:3

Manuna Keliso wate nadigega nigeya taunamo manuna 'inuwanuwa, ta esi 'ana mwau nidi ni'atu Buki Tabu 'ena 'isimanena, 'igwae, “Tomotai nidi taudi si'awa'awa to'umaliyemuya, 'abo'agu wate 'eguya ona nidi si'inanedi.”

Loma 5:8

ta 'abo'ada 'etamo toto'umalida ga Yaubada 'ina oboboma 'ie'itaena 'edaya, nate Keliso manuda 'imwawasa,

Loma 8:32

Manuna Yaubada natu 'ai'ailina nigeya 'iegagale, ta esi maibo'ada manuda 'itagwalena ga 'i'ebwa'eda, 'enega yage maibo'ana wate 'iabe 'edaya 'ida 'ebwaya daisida.

1 Kolinita 1:4

Ona'ai'aila, Yaubada 'i'atenuwa 'ole'oleyemi ga yage yauna bobo'adi 'i'ebwa'emi, nadigega 'imi ona bobo'adi be 'imi mwalatoi bobo'adi Yesu Keliso 'enega. 'Enega tuta yauyauna manumi yalokagutoki Yaubada 'enaya.

1 Kolinita 15:47

Manuna gimitai Yaubada 'imweluluina bale'u 'enega, ta tai 'eluwena galewega 'imwa'utama.

2 Kolinita 13:14

'Inapwana Yesu Keliso maibo'ami 'ida 'atenuwa 'ole'oleyemi, ta Yaubada 'ida obobomemi, be Yaluyaluwa Tabuna wate ma'emiya wada egosigosiyana 'ai'aila. 'Abo'agu Paulo.

2 Kolinita 6:10

'Abo'ama ma ima nuwamwau ta esi 'atemaya 'agwaugwausowala. 'Abo'ama 'atuwa gomabeso ta esi esaesa 'aegueguyai tomota yaudi 'ediya. Nigeya wate 'ima gwegwemo, ta esiya yage maibo'ana 'emaya simiyami.

Epeso 2:7

Gete 'iguinuwena be 'aene tuta simeemai 'ediya 'ina oboboma sinabwa wawasaena 'ida e'itae, nate 'ina 'atenuwa'ole'ole be 'ina 'etoseyana Yesu Keliso 'enega.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

Ibeliu 1:2

Ta 'ebe losalowa 'abo'ada 'ida tutaya, 'ina onao 'isimanedi 'edaya, natuna 'enega. Yaubada natunana 'iesinuwena, be yage maibo'adi 'ediya 'ietoloina, ta lowaenei natunana ma'iyana yage maibo'ana simweluluidi.

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.

E'ita'ita 2:9

“Ni'atu yamwalatonina 'imi 'elouyao, nate 'omi gomagomabesomi, ta esi wada nuwa'i'isi 'aene 'omi ma imi esaesa, ta wate ni'atu yamwalamwalatoni 'aene 'aidi Seitani 'ina bodao si'awa'awa to'umaliyemi, ta wate sigwae, ‘'Abo'ama me Yudia,’ ta nigeya. Taudi esiya tuga Seitani 'ina bodao.

E'ita'ita 21:7

Ta 'abo yaita 'iewaiwai Seitani 'ena, 'ebe gwausowala yada tagwala 'enaya be 'ida 'awatamanegu, be tauna yada 'awanatune.

E'ita'ita 3:18

'Enega yaemataluwemi be 'eguyega goula 'ai'aila wada gimwane be 'enega wada eesaesa, ta wate 'oama wakewakekedi wada gimwanedi be wada 'otedi ta geya'abo mabubugewami watautauya, ta wate mulamula wada gimwane be matamiya wada sa'udi be 'enega matami sida 'esasa.