2 Kolinita 8:21 - Loina Tabu Auwauna NT

²¹ ta esi nuwanuwama be tuta yauyauna 'ediya 'ada guinuwa palupalu Yaubada matanaya, ta wate tomota matadiya.

2 Kolinita 8:21 Σταυροειδείς Αναφορές

Madiu 23:5

“'Idi guinuwa maibo'ana siguiguinuwedi be 'aene tomota si'itadi be situpudi, nate onao Buki Tabu 'enega 'eto'etoladidi debadiya be nimadiya sigiepa'iyedi, ta 'adi 'oamao duduladi si'ote'otedi,

Madiu 5:16

'Omi wate nadigega, 'ilobwenemi be 'imi maedana wada giesae tomota 'ediya, be 'enega 'imi guinuwa bobo'ana sida 'ita, ta Tamami galewaya sida tupui.

Madiu 6:1

Yesu wate 'igwae: 'Abo tuta nina nuwanuwami be wa'ebwayadaita taudi gomagomabesodi 'ediya, geya'abo tomota matadiya waguiguinuwe. 'Eguma nadigega waguiguinuwa'esa, geya'abo tupu nai e'isa walobaloba Tamami galewaya 'enega.

Madiu 6:4

be 'enega geya'abo tomota si'ita'ita, ta Tamami namo 'imi 'ebwayadaita kwaiya 'i'ita be muliyega e'isa bobo'ana 'i'ebwa'emi.

Loma 12:17

Ta 'abo yaisigedi sietalauwalemi, geya'abo bubuna to'umalina 'enega wae'ie'isa 'ediya, ta esi wada e'isadi bubuna nidi tomota maibo'adi si'awa bobo'anedi 'ediyega.

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

2 Kolinita 8:20

Geya nuwama be 'ebweu yaita 'ida lomugiyema 'ima 'ewa 'ebwayadaita gete sinabwana manuna,

2 Kolinita 8:22

Tasida wate 'ebweu ma'edi 'aetunenawa, tauna 'amwalatonina 'aene toemisa 'ai'aila 'ina guinuwa yauna 'ediyega, ta gete tuga 'omi 'imi bubuna bobo'ana ni'atu 'inonona ga 'iemisena, 'enega nuwanuwana sinabwana 'iayausimi sabi lememi wate.

Pilipai 4:8

Gosegwao, gete 'ebweu wate loguguya 'aene wada nuwanuwa yage 'ai'ailidi ma 'adi 'amayaba manudi, be yage palupaludi manudi, be yage 'esasedi manudi, be yage 'adi 'ita kausala nidi manudi, be yage oboobobomidi manudi, be 'eguma to'ase bobo'ana 'ediya nai 'ebe tupu 'ediya manudi.

1 Tesalonaika 5:22

ta 'abo to'umalina, maibo'ana waguitoyase.

1 Timoti 3:7

Toanuganao nidi 'ilobwenedi be ma 'adi 'awabobo'ana taudi nigeya totapwalolo matadiya, manuna 'eguma tomota toanuganao si'awa to'umaliyedi 'idi bubuna manuna, nate 'atuwa Seitani 'ina sikwa 'ena si'ona'ona.

1 Timoti 5:14

'Enega yanuwena kwabulao taudi ma'etamo nigeya sieilemwaya 'ilobwenedi be siai limana, be sienatuna, be taudi natudiyao si'ita'i'isidi, be 'enega geya'abo 'ada talauwalao si'awa'awa to'umaliyeda, kwabulao nidi 'idi bubuna manuna.

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.