2 Kolinita 8:12 - Loina Tabu Auwauna NT

¹² Geya'abo waonaona be wagwae, “Nigeya 'ebweu yage 'emaya be 'enega 'ada 'ebwayadaita.” Tuwa tuga wada etapewa be to'ase 'emiya 'imiyami 'ediyega wada 'ebwayadaita, be Yaubada wada giegwausowali.

2 Kolinita 8:12 Σταυροειδείς Αναφορές

Madiu 25:17

Tai 'eluwena wate nadigega 'ina tu analedi kina nidi 'iepaisewaedi ga 'ediyega 'ina 'inapwana 'ina mani 'ana loeposeyana tu analedi wate 'ilobena.

Madiu 25:22

“Muliyega tai 'eluwena ma ina tu analedi kina 'iapwesama ga 'ana loeposeyana tu analedi kina wate 'ime'edi ta 'igwae, ‘'Inapwana, tu analedi kina 'u'ebwa'eguya ga 'ana loeposeyana tu analedi kina wate yalobena, ga gete.’

Luke 16:10

“Manuna 'eguma yaita yage gidalina 'ena 'iematamatana wate yage sinabwadi 'ediya 'iematamatana. Ta 'abo gidalidi 'ediya 'ikabo wate yage sinabwadi 'ediya 'ikabo.

2 Kolinita 8:11

Lowa waetapewa ga wae'alena, 'enega batuwa wate 'imi 'atetagwalega to'ase 'emiya simiyami 'ediyega 'ebwayadaita nina wada losaloni.

2 Kolinita 8:13

Gete nigeya 'aene 'omi 'imi 'ebwayadaita 'ana mwau sinabwana ta mali 'asa 'idi 'ebwayadaita 'ana mwau gidalina,

2 Kolinita 8:19

ta wate toekalesiyao 'ina paisewa si'ebwa'ena, be tauna ma'emai 'asakosakowasi 'ebwayadaita manuna sabi lememi, be 'enega tomota Yaubada sida tupui.

2 Kolinita 9:7

'Enega 'omi 'ebweuna 'ebweuna tauna 'ina nuwena 'enega 'i'ebwaya daita, nigeya 'aene lo'ae etuetuneyega nai 'i'imega, ta esi 'atetagwalega, be gete manuna Yaubada 'ida gwausowala sinabwana.

1 Pita 4:10

Ta ni'atu 'ebweuna 'ebweuna Yaubada egueguyai dumadumadi be dumadumadi 'i'ebwa'emi, 'enega egueguyai nidi 'ediyega wada guinuwa be gosemiyao wada lemedi, be 'enega 'omi Yaubada 'ina toguinuwao bobo'ami.