2 Kolinita 5:1 - Loina Tabu Auwauna NT

¹ Bwalada 'atuwa 'ida anuwa bale'uya, ta tamwalatonina 'abo 'ieligei, 'ida anuwa auwauna galewaya tada loba, nigeya tomota nimadiyega siguinuwena, ta esi miyamiya atayana tauna Yaubada 'enega.

2 Kolinita 5:1 Σταυροειδείς Αναφορές

Maki 14:58

“Yesu 'ina ona 'ebweu 'anononaya, 'igwae, ‘Anuwa Tabu gete tomota si'abinaya ma'etamo yalige yaulei be 'asiyata 'etoi 'ediya yada 'abilima, ta nigeya tomota nimadiyega.’ ”

Guinuwa 7:48

Ta esi wanuwa'i'isi 'aene Yaubada Toloetana sana geya'abo anuwa nina tomota nimadiyega si'abi'abi 'ena 'imiyami, manuna palopita 'ebweuna Yaubada 'ina ona ni'atu lowa 'isimanena 'igwae,

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

2 Kolinita 4:7

'Ima esaesa galewega bwalama nenetadi 'ediya 'imiyami, 'atuwa gwegwe esaesa 'ule kadekadelina solanaya, 'enega tomota simwalatonima 'aene 'ima waiwai sinabwana nigeya tauma 'emega, ta esi Yaubada 'enega.

2 Kolinita 5:4

Ona'ai'aila, ma'etamo anuwa bale'u 'ena tamiyami ma ida 'elouyao be ma ida nuwanuwa yauna tuga, ta nigeya 'aene 'ada 'oamao taalolodi ta esi 'aene 'ada 'oama auwauna ta'ote, be 'enega bwalada sawasawalidi sida sa'ugelasa yawasida auwauna 'enaya.

Kolose 2:11

Ta wate Keliso 'enega 'ami we'iwe'iyaya walobena, 'atuwa nadigega lodaba, nigeya lodaba oomi 'enaya, ta esi bubuna bale'u 'atemiyega 'idaba yaulena.

2 Timoti 1:12

Gete manuna 'igu miyamwau yalobena, ta geya'abo manuna yaomayamaya, manuna 'Inapwana nina yaemisena tauna yamwalamwalatoni, ta wate yamwalatonina 'aene guinuwa 'i'ebwa'eguya 'ida 'ita'i'isi be 'ana laba 'asiyata nina sinabwana 'imeemai 'ena.

Ibeliu 11:10

Ta esi Ebelaamo 'inuwayaina 'aene 'asa nina 'ana 'autui pa'alina 'ena 'ilulugu, nate Yaubada 'imweluluina, nai 'i'abina.

Ibeliu 9:11

Manuna Keliso 'ina taliya 'enega miya bobo'ana wawasae 'i'ebwa'eda, ga mali Anuwa Tabu 'ena 'ilugu, ta anuwa nina sinabwana ta bobo'ana. Manuna tomota nigeya si'abi'abi sena gete bale'u 'enaya.

Ibeliu 9:24

Ta Keliso nigeya 'ilugulugu Anuwa Tabu 'abi'abina 'enaya, nate Anuwa 'ai'aila 'ana ma'ama'ayau tuga, ta esi galewaya 'ilugu ga Yaubada matanaya 'imiyami be 'ilemalema manuda.

1 Pita 1:4

Gote 'ena oboboma nidi 'isa'u 'ai'ailidi manumi, be geya'abo sidaudaula, nai sito'uto'umali, nai sisawasawala.

2 Pita 3:11

Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

1 Yoni 3:14

Ta tamwalamwalatoni 'aene mwawasa 'ina sena ni'atu taebesinena, manuna 'atedega gosedao taoboobobomedi, ga yawasida ataya ni'atu talobena. Ta 'eguma yaisigedi taudi nigeya oboboma 'atediya, taudi tuga ma'etamo mwawasa 'ina sena 'ena simiyami.

1 Yoni 3:19

'Eguma 'ida guinuwega taeobooboboma, gete 'ena tamwalamwalatoni 'aene e'ita 'ai'aila 'ena tamiyami, be geya'abo tamatamatauta Yaubada matanaya.

1 Yoni 3:2

Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.