2 Kolinita 3:5 - Loina Tabu Auwauna NT

⁵ Nigeya 'aene tauma manuma 'aonaona laga, be 'ada gwae, “Tauma 'ima bobo'ana 'enega guinuwa 'aguinuwedi,” ta esiya Yaubada namo 'igiewaiwaiyema,

2 Kolinita 3:5 Σταυροειδείς Αναφορές

Luke 21:15

manuna 'abo'agu 'etamo ona palupaludi ta mwalatoi ya'ebwa'emi, be 'enega 'ami talauwalao geya'abo si'awa'awa kabokaboemi.

Luke 24:49

Ta esi 'abo'agu 'iabe Tamagu 'ina onaupaupa nina nate yaluyaluwana yada etunenama 'emiya be 'ida giewaiwaiyemi, 'enega Yelusalema 'ena wada yamwayamwa manuna.”

Yoni 15:5

“Ta 'abo'agu kaiwe nigu ta 'omi naligwao, 'enega 'eguma yaita 'eguya 'imiyami be 'abo'agu 'ena yamiyami, 'ida uwa bobo'ana. Manuna 'eguma 'abo'agu nigeya, geya'abo to'ase 'ebweu bobo'ana waguiguinuwe.

Loma 15:18

'Enega 'abo'agu namo 'igu paisewa manudi gete tuga yasimasimanedi 'emiya, ta nigeya wate mali tomota 'idi paisewa manudi. Ta yasimana palupalu 'emiya 'igu loguguyao sena apwesaya 'ediya sinonodi, ga simuliyedi, manuna Yesu Keliso 'ina waiwai 'eguya 'imiyami,

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

1 Kolinita 3:10

Manuna Yaubada nina 'i'atenuwa 'ole'oleyegu, ga 'iesinuwegu 'aene 'ina to'abi anuwa, 'enega 'ola yasa'u 'ai'ailidi be 'enega 'aidi wate topaisewao 'ola nidi 'ediya sida 'abi, ta 'ilobwenedi be sida 'abi 'ai'aila.

1 Kolinita 3:6

'Abo'agu 'igu paisewa toasowa tuga, ta Apolosa to'ita'i'ita, ta Yaubada sa'i tauna 'ina waiwaiyega masula 'isusaila.

2 Kolinita 12:9

ta 'igu sida nina 'ie'isena, 'igwae, “Geya'abo, ta esi 'igu oboboma namo sawesawemuya, be 'imu neneta 'ena 'igu waiwai 'uda lotoona 'aene sawesawenaya.” 'Enega 'igu nenetao manudi yagwaugwausowala be yada onagagasa, manuna 'igu tuta neneta 'ediya Keliso 'ina waiwai 'eguya 'imiyami.

2 Kolinita 2:16

Taudi toesilae 'ediya maina nina 'ana lotoona 'atuwa tomwawasa mwauluna, ta sa'i taudi Yaubada 'i'etoseyedi maina nina 'ana lotoona 'atuwa yawasi bobo'ana maina nadigega. 'Eisa tomota sawesawediya guinuwa gete? Nigeya yauna.

2 Kolinita 4:7

'Ima esaesa galewega bwalama nenetadi 'ediya 'imiyami, 'atuwa gwegwe esaesa 'ule kadekadelina solanaya, 'enega tomota simwalatonima 'aene 'ima waiwai sinabwana nigeya tauma 'emega, ta esi Yaubada 'enega.

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

Pilipai 4:13

sawesaweguya miya maibo'adi 'ediya yada gwausowala tuga, manuna tauna ma'iyagu 'amiyami ni'atu 'igiewaiwaiyegu.

2 Timoti 2:2

be tetelina 'u'ita'i'isi. Tetela nina 'eguyega 'unononaya tomota yaudi matadiya, 'enega taudi ma 'adi emisa 'ediya 'u'ebwayae, be taudi wate mali tomota sie'itadi.

Yemesa 1:17

Ta wada nuwa'i'isi 'aene 'ebwayadaita bobo'adi be wate oboboma bobo'adi maibo'adi galewega simai Yaubada 'enega, tauna tuga maedanao 'adi tomweluluwa, ta wate nigeya sa'i 'ida esa'ugelasa, nadigega yauyaukwa sisa'usa'u gelasa.