2 Kolinita 3:12 - Loina Tabu Auwauna NT

¹² Tanuwayaina 'aene loina auwauna 'enega tada bobo'ana ataya, ga manuna ta'atepatu,

2 Kolinita 3:12 Σταυροειδείς Αναφορές

Yoni 10:24

Ga gote 'ena me Yudia nidi Yesu siasakowasiyena ga sieonena, sigwae, “'Oyo tuta yauna 'ugiegie nuwanaluwema, ta to tuta 'ena be 'enega 'emaya 'uda simana 'ai'aila 'aene 'oyo To'etoseyana nina?”

Yoni 16:25

Ta Yesu wate 'ediya 'igwae, “Ni'atu ona semalimaliyega yage getedi yasimanedi 'emiya. Ta ma'etamo tuta 'ida mai be geya'abo wate ona semalimaliyega yaeonami, ta esi Tamagu manuna yada onaapwesa 'ai'aila 'emiya.

Yoni 16:29

'Enega 'ina tononoyao sinonona ga sieonena, sigwae, “'Inapwana, gete tuga ni'atu 'uona apwesa 'ai'aila 'emaya, ta nigeya ona semalimaliyega.

Guinuwa 14:3

Ta tuwa tuga, tuta dudulana Paulo be Banaba simiyana sena nina 'ena, ta ma idi 'atepatu siloguloguguya 'Inapwana manuna. Ga 'Inapwana nina 'ina waiwaiyega guinuwa 'ebe nuwaowana be edeedede siguinuwedi, ga 'ediyega 'Inapwana nina 'ina oboboma tetelina 'ana 'ai'aila tauna 'ie'itaena tomota 'ediya.

Guinuwa 4:13

Ga toloinao nidi si'itena Pita be Yoni 'idi 'atepatu, ta simwalatonina 'aene taudi tuga tomiya 'asa, ta 'ebe sikulu sinabwana 'ediya nigeya silugulugu, 'enega sinuwaowana ta sinuwa'i'isina 'aene lowa Yesu ma'ediya simiyami.

Guinuwa 9:27

Ta Banaba namo Saulo 'ilemena, ga 'i'au'ewena Yesu 'ana tosimanao 'ediya, ga 'iemwasala 'aene Saulo 'edaya 'Inapwana 'ilobena ga 'enana 'inonona, 'enega Damasiko 'ena ma ina 'atepatu Yesu manuna 'iloguguya.

Guinuwa 9:29

Ta me Yudia taudi to'ena Gilisi Saulo ma'ediya sionaona ta siegewagewana, 'enega siloiloina be mwa'adega sida loemwawasa'ese.

1 Kolinita 14:19

ta esi tapwalolo 'enaya, nuwanuwagu be ona nina yamwalatonina 'enega yada simana kukupana tuga, be tomota yada e'itadi. Ta geya nuwagu be mali 'enanao 'ediyega tapwalolo 'enaya yaonaona wawasae, manuna ona nidi tomota nigeya simwalamwalatoni.

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

2 Kolinita 3:11

Loina kadekadelina nigeya 'ida miyaataya, ta esi maemaedanina, 'enega tamwalamwalatoni 'aene loina auwauna tauna miyamiya atayana ta maedana wawasae.

2 Kolinita 4:13

Lowa 'ebweuna tai 'i'etoladina, 'igwae, “'Abo'agu yaemisena, 'enega yaona apwesena.” 'Abo'ama wate 'ima emisa tauna nadigega, ga 'enega 'ima emisega 'asimasimana,

2 Kolinita 7:4

Ni'atu manumi yagwaugwausowala ta yatupumi, ga 'igu nuwanuwa ni'atu 'ibobo'ana manumi. Gete tuga 'amiya mwau, ta tuwa tuga manumi yagwausowala sinabwana.

Pilipai 1:14

Ta wate tasidao yaudi 'igu miya deliya si'itena, 'enega sietaetapewa 'Inapwana 'ina guinuwa 'ena, ta Yaubada 'ina ona sisimasimane ma idi 'atepatu.

Pilipai 1:20

Wate 'abo'agu ma igu emisa ta ma igu nuwayaina 'aene geya'abo yaomayamaya, ta esi yanuwayaina 'aene ma igu 'atepatu gete tuga ta tuta yauna Keliso 'ana esana yada giesinabwa, nai 'igu miya bale'u mayawasigu 'enega, nai 'igu mwawasa 'enega.

Kolose 4:4

'Enega wada sidasida manugu, be tetela nina 'ana mwalatoi yada gieapwese be 'ida maedana, 'igu paisewa 'ana lobwene nadigega.

1 Tesalonaika 2:2

Wanuwa'i'isi wate 'aene me Pilipai lowa sibubuna geyogeyoiyema ga sigie omayamayaema, ta tuwa tuga Yaubada 'igie 'atepatuma ga tetelina bobo'ana 'asimanena 'emiya 'anabwa'ayoi tomota sietalauwalema, ta 'aloguguya 'emiya,

1 Timoti 3:13

Dikoni nidi 'eguma sigwaunuwa, 'enega tomota si'awa bobo'anedi, ta wate Yesu 'ana emisa manuna sida toolopa'ala.

Pilimoni 1:8

'Enega nuwanuwagu be obobomega 'ebweu yage 'uda guinuwa. 'Abo'agu Paulo 'imu 'ena'i ta deliya yamiyami Yesu Keliso manuna, 'enega sawesaweguya be Keliso 'ana esanega yaloineyo be yage nina 'uguinuwe, ta tuwa tuga, obobomega yaeonayo.