2 Kolinita 2:14 - Loina Tabu Auwauna NT

¹⁴ 'Enega Yaubada 'ena yalokagutoki, manuna Keliso 'ina waiwaiyega tuta yauna 'igiegie waiwaiyema be 'ima guinuwao 'ediya Keliso 'ana mwalatoi sena maibo'ana 'ediya 'i'elelewana 'atuwa senina maina bobo'ana wawasae 'i'elelewana be tomota simuimui,

2 Kolinita 2:14 Σταυροειδείς Αναφορές

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Loma 1:8

Nugana yalokagutoki Yaubada 'enaya Yesu Keliso 'ana esanega, manuna 'imi emisa tetelina 'i'elelewana sena maibo'ana 'ediya.

Loma 15:19

ta wate 'igu guinuwao waiwaidi ta 'ebe nuwaowana si'itedi, manuna Yaluyaluwa Tabuna 'ina waiwaiyega Keliso tetelina yaguguya sakowasiyena Yelusalemega ga 'ana laba yamai Ililikami 'enaya.

Loma 6:17

Ta ona'ai'aila, 'omi lowa bubuna to'umalina 'ana toguinuwao, ta esi tetela bobo'ana wanononaya ga 'atemi watagwaledi 'enaya, ga 'enega 'imi to'umalina 'igumwala. Ta Yesu 'ili'amimi be 'aene 'omi bubuna palupaluna 'ana toguinuwao, 'enega tada lokagutoki sinabwana Yaubada 'enaya, yage gete manudi.

Loma 8:37

Ta esi yage maibo'adi getedi 'ediyega taewaiwai, manuna Yesu 'ina oboboma be 'ina lema 'edaya sinabwa wawasae.

1 Kolinita 12:8

ta esi dumadumadi, manuna tomota 'ebweuna 'ana egueguyai mwalatoi, be 'ebweuna sinasinapu,

1 Kolinita 15:37

Wamwalatonina 'aene 'eguma pesapesa nai 'ebweu atuna taasoi, bwala nina 'enega 'itatabwa, nigeya gimi atuna 'ana 'ita nadigega, ta esi dumadumana,

1 Kolinita 15:57

ta 'ida 'Inapwana Yesu Keliso 'i'etoseyeda be to'umalina 'enega taewaiwai, 'enega Yaubada 'ena talokagutoki sinabwana.

2 Kolinita 1:11

'Omi wate 'imi sidesidega wada lemema be 'enega e'isa bobo'ana Yaubada 'enega 'ada loba, yauyauda 'ida sidasida 'ediyega, 'enega maibo'ada tada lokagutoki 'etoseyana nina 'alobena manuna.

2 Kolinita 8:16

Yaubada 'ena yalokalokagutoki, manuna Taito 'ina nuwanuwa sinabwana ni'atu 'i'ebwa'ena, be tauna 'ida lememi, nadigega 'abo'ama wate 'ima nuwanuwa.

2 Kolinita 9:15

Ona'ai'aila, Yaubada 'ena tada lokagutoki 'ina oboboma sinabwa wawasae manuna.

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

Epeso 5:20

be tuta maibo'ana wada lokagutoki yage maibo'adi manudi, 'ida 'Inapwana Yesu Keliso 'ana esanega, Tamada Yaubada 'enaya.

Pilipai 4:18

Ta 'imi 'ebwayadaita nina Epapilodito 'ime'ena, maibo'ana yalobena 'imaa tasitasiwa, 'atuwa nadigega 'imi taliya bobo'ana Yaubada 'enaya, ni'atu wagabuna ga maina bobo'ana Yaubada 'imuina ga manuna 'igwausowala.

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

Kolose 1:6

Tetela nina wanononaya sena yauyaudi 'ediya, gete tuga 'isinasinabwa ta 'iuwauwa, nadigega 'omi tuta nina Yaubada 'ina oboboma wagimi nononaya Epapila 'enega, ga wa'awa 'ai'ailena.

Kolose 2:15

Ta wate welabanao be yaluyaluwa bi'iyao maibo'adi 'igie mwa'utedi, ga 'ana keloseyega 'adi omayamaya 'isa'una, ta 'iewaiwai sinedi.

1 Tesalonaika 1:8

Ona'ai'aila, 'ida 'Inapwana tetelina ni'atu 'emiyega 'ilelewana me Masidonia be me Akaya 'ediya, ta wate 'omi 'imi emisa Yaubada 'enaya tetelina ni'atu 'i'elelewana sena maibo'ana 'ediya. 'Enega 'abo to sena 'ena 'atatauya, nigeya sawesawemaya manumi 'aemwaemwasala,

1 Tesalonaika 3:9

'Enega 'ima lokagutoki Yaubada 'ena nigeya sawesawenaya 'alosa'u, manuna Yaubada 'ena 'ima gwausowala manumi sinabwa wawasae.

1 Timoti 2:8

'Enega nuwanuwagu be 'oloto sena maibo'adi 'ediya, ma idi bubuna palupaluna, nimadi sigilagasidi be sisisida Yaubada 'ena, ta geya'abo ma idi gamwasowala, be ma idi egewagewana.

2 Timoti 2:2

be tetelina 'u'ita'i'isi. Tetela nina 'eguyega 'unononaya tomota yaudi matadiya, 'enega taudi ma 'adi emisa 'ediya 'u'ebwayae, be taudi wate mali tomota sie'itadi.

E'ita'ita 7:12

sigwaegwae, “Ona'ai'aila, 'ida Yaubada nina 'ena tada lotuputupu, be 'awa esaesa be mwalatoi be lokagutoki be 'amayaba be waiwai sida miyaataya 'enaya.”