2 Kolinita 13:4 - Loina Tabu Auwauna NT

⁴ Ona'ai'aila sigie kelosena 'atuwa tai nenetana, ta sa'i Yaubada 'ina waiwaiyega mayawasina 'imiyami. 'Abo'ama wate ooma nenetadi tauna oona nadigega, ta Keliso yawasina 'enega sawesawemaya 'ada loinemi, Yaubada 'ina waiwaiyega.

2 Kolinita 13:4 Σταυροειδείς Αναφορές

Yoni 10:18

Nigeya 'ebweu yaita 'iloiloinegu be yamwamwawasa. Taugu tuga yatagwalegu be yamwamwawasa, ta sawesaweguya be yawasigu ya'ewa limai. Manuna gete nadigega Tamagu 'ina nuwena, ta wate 'ina loina 'eguya.”

Guinuwa 2:36

“Gete manuna me Isileli maibo'ami wada mwalatoni 'ai'aili 'aene Yaubada Yesu ni'atu 'i'awa 'Inapwanaena be tauna To'etoseyana, tauna Yesu nina ni'atu wagiekelosena.”

Guinuwa 3:16

'Enega Yesu 'ana esanega tai gete ni'atu 'ibobo'ana limana. Tai gete wa'itena ta wamwalatoninaya, ta Yesu 'ana esana 'iemisena, 'enega ni'atu matamiya 'ibobo'ana 'ai'aila, ta 'iewaiwai.

Loma 1:4

ta muliyega Yaluyaluwa Tabuna 'ina waiwaiyega Yaubada 'ida 'Inapwana nina mwawasega 'igietoolo limena, ga 'ie'ita apwesena 'aene Yesu Yaubada Natuna.

Loma 14:9

Gete 'alena 'enega Keliso 'imwawasa ga 'itoolo limana, be 'enega 'aene tomwawasao be 'abo'ada mayawasida maibo'ada 'edaya 'ida etoloina.

Loma 6:4

manuna 'ina bapitaiso 'enega, 'atuwa nadigega 'abo'ada be Yesu Keliso 'ida mwawasa, be 'ida sa'u'ali'ali, ta 'ida toololimana wate nadigega leleleya. Manuna Keliso nina Tamana 'ina waiwaiyega 'itoolo limana, 'abo'ada nadigega 'igietoolo limeda ga yawasida auwauna talobena.

1 Kolinita 1:25

Manuna to'ase Yaubada 'ina guinuwa nenetana nai gidalina, tomota 'abo'ada 'ida waiwai sinabwadi 'iewaiwai sinedi.

1 Kolinita 15:43

Ona'ai'aila, bwalada 'ebe omayamaya ta nenetadi sisa'usa'u 'ali'aliyedi ta bwalada galewega tatoolo limana, ta bwala nidi ma 'adi tupu ta ma idi waiwai,

1 Kolinita 2:3

'Enega 'igu apwesa 'emiya 'atuwa toneneta, ta ma igu dedela be ma igu 'atesa'ala,

1 Kolinita 6:14

be wate tauna 'ina waiwaiyega mwawasega 'ida gietoolo limada, nadigega 'ida 'Inapwana Yesu mwawasega 'igietoolo limena.

2 Kolinita 10:10

nadigega 'aina tomota sigwae, “Paulo 'ina leta 'ediyega 'i'ena pa'alida ta esi 'eguma matadaya 'ionaona 'ana 'ita nenetana tuga, ta 'ina ona nigeya bobo'ana.”

2 Kolinita 12:10

'Enega Keliso manuna yatagwatagwala mwau yaudi 'ediya, nadigega neneta, 'awa to'umalina, tuta mwau, etalauwala, esilae. Manuna 'abo yaneneta gete 'igu 'ebe ewaiwai!

2 Kolinita 13:9

'Enega 'ima nenetao 'ediya 'agwaugwausowala 'eguma 'omi waewaiwai, ta wate 'asidasida Yaubada 'ena be wada toolopa'ala 'ai'aila.

Pilipai 3:10

Nuwanuwagu wate Keliso yada mwalatoni be 'ina toololimana 'ana waiwai yada lotoo, be 'ina 'elouya wate tauna nadigega yada lotoodi, nai 'ina mwawasa yada etotowane,

Ibeliu 5:7

Lowa Yesu bale'uya 'imiyami, ma ina dedoi 'isidasida Tamana 'ena, be nuwanuwana mwawasega 'i'etoseye, 'enega 'i'etoseyenaya manuna Yesu Tamana 'i'amayabena.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

1 Pita 3:22

tauna ni'atu 'itu'e galewaya ga gete tuga Yaubada 'atainaya 'imiyami, ga aniloseyao be galewa 'adi toloinao maibo'adi 'iloiloinedi.