2 Kolinita 12:21 - Loina Tabu Auwauna NT

²¹ 'Igu 'atesa'ala nina 'aene 'abo yawai limana 'emiya be 'ebe omayamaya Yaubada 'i'ebwa'egu matamiya, be taudi lowa siloegesi, ta 'idi bubuna baibailidi be loelata be sogala 'ediyega nigeya sinuwanuwa 'ebuni, taudi sida gienuwa mwaugu be manudi yada dedoi.

2 Kolinita 12:21 Σταυροειδείς Αναφορές

Loma 13:13

'Enega tada 'ita'i'isida be geya'abo bwasi waiwaidi tanumanumadi be taekaekabaleya, be geya'abo taloeloelata, ta wate geya'abo taegewagewana be talosalosaiya.

1 Kolinita 5:1

'Imi to'umalina yanonona manuna 'ebweu tai 'emiyega tamana mwanena ma'iyana siloegesi. Loegesi nate to'umali wawasae. Taudi tomiya apwesa sena yauyauna 'ediya nigeya nadigega sida bubuna'esa.

2 Kolinita 10:6

'Enega 'abo tuta nina waematamatana 'ai'aila, taudi tologwautoyasa 'adi loina 'edega sida loba.

2 Kolinita 12:7

Ta Yaubada geya nuwana be yanuwanuwa tu'e 'igu 'enomata'ita'ita bobo'adi manudi, 'enega yage mwauna Seitani 'enega 'i'ebwa'eguya, ga solagu 'ana lotoona 'atuwa ma gitana, ta manuna yanuwanuwa mwau, ga nigeya sawesaweguya yanuwatu'e.

2 Kolinita 13:2

Lowa 'igu ayausa 'eluwena 'enaya 'imi toloegesi nidi be yaumi yaloguguyemi, nadigega gete tuga 'edasolaya yamiyami ta yaemataluwemi 'aene 'eguma yawawai limana 'emiya, loina mwauna yada 'ebwa'edi toloegesi nidi.

2 Kolinita 8:24

'Enega 'ilobwenemi be tasidao nidi waoboboma 'ai'ailidi, be 'ima tuputupu 'imi oboboma manuna sida emise, be wate boda ekalesiya yaudi sida 'awabobo'anemi.

Galetia 5:19

Ooda 'ina guinuwao tamwalamwalatonidi, nate loelata, loyawe, gagasa,

Kolose 3:5

'Enega bale'u bubuninao 'emiya wada loemwawasidi, nate loelata be guinuwa baibailidi be yalakwaiyao be eesaesa, nate mali 'ebe emisa 'adi bwagobwago.

Ibeliu 13:4

Maibo'ami ai 'ana loina wada 'amayabe be geya'abo waloeloelata, manuna toloelatao be toloyaweyao 'etamo Yaubada 'iliunedi.

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

Yude 1:23

'Aidi wate 'asa gabugabu selabenaya simiyami, watoo be wa'etoseyedi. 'Aidi wate toto'umalidi wa'atenuwa 'ole'oleyedi be wada lemedi, ta 'idi bubuna wada mataute, be bubuna bale'u 'ana gwegweyao waguitoyasedi.

Yude 1:7

Taudi 'idi bubuna nadigega 'aidi 'asa lowaenei, nate Sodoma be Gomola be 'aidi 'asa selabediya, manuna loelata 'ana nuwa'ewa sinabwana 'enega siguiguinuwa besobeso ta wate tai be tai ma'ediyao siloeloelata, 'enega Yaubada 'igabudi 'awe'ala'alata ataya 'enaya; ta e'ita nina gete maibo'ada manuda.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

E'ita'ita 22:15

Ta 'asa nina 'atamaninaya 'adi tomiyanao, nate kedewao, be Taumudumudulele magosenao, be toloelatao, be toloemwawasao, be gulewa 'adi toemisao, be wate toekabokaboyao.

E'ita'ita 22:20

Ona gete 'ana tosimana 'igwae, “Tamo! Gete be yawawa.” “Nadigega 'inapwana, 'uda ma, 'oyo Yesu.”