2 Kolinita 11:18 - Loina Tabu Auwauna NT

¹⁸ Manuna tomota yaudi sionaona gagasa yage bale'u manudi, 'enega 'abo'agu wate yada onagagasa taudi nadigega.

2 Kolinita 11:18 Σταυροειδείς Αναφορές

1 Kolinita 4:10

ta 'ama 'ita 'atuwa uwauwama Keliso manuna, ta sa'i 'omi 'ami 'ita 'atuwa taudi Keliso 'ana tosinasinapuyao, manuna 'abo'ama nenetama ta 'omi waiwaimi, be ma 'ami 'amayaba, ta 'abo'ama sa'i ma ima omayamaya.

2 Kolinita 1:17

Geya'abo wanuwena 'aene 'igu ona nina lowa manuna yaenuwanaluwa. Nigeya. Geya'abo yatagwatagwala kabokabo 'atuwa taudi bubuna bale'u 'ana tomuliyao nadigega.

2 Kolinita 11:12

Wate 'igu guinuwa manumi ma'etamo tuga yada guiguinuwa, be 'enega yada gielosa'udi taudi toona gagasa sigwae 'aene 'idi guinuwa 'emiya nadigega 'abo'agu 'igu guinuwa.

2 Kolinita 12:1

Sawesaweguya be yaonagagasa, ta onagagasa nigeya wate 'ina lemamo, ta tuwa tuga yada onagagasa 'igu 'enomata'ita'ita 'Inapwana 'enega manuna.

2 Kolinita 12:11

Ona'ai'aila, 'omi 'imi bubuna manuna ni'atu yaonaona 'atuwa uwauwagu, ta esi 'ilobwenemi be wa'awa bobo'anegu, manuna 'imi tologuguya auwaudi wa'awa bobo'anedi, ta 'abo'agu wa'awa yage besobesoegu, ta taudi nigeya sida bobo'ana sinegu.

2 Kolinita 12:9

ta 'igu sida nina 'ie'isena, 'igwae, “Geya'abo, ta esi 'igu oboboma namo sawesawemuya, be 'imu neneta 'ena 'igu waiwai 'uda lotoona 'aene sawesawenaya.” 'Enega 'igu nenetao manudi yagwaugwausowala be yada onagagasa, manuna 'igu tuta neneta 'ediya Keliso 'ina waiwai 'eguya 'imiyami.

2 Kolinita 5:16

Lowa, 'igu nuwanuwa 'aene Keliso tauna tai to'umalina ta esi ni'atu yanuwa'ebuni, 'enega geya'abo taesiesinuwa tomota 'ediya 'aene bobo'adi nai to'umalidi, nate me bale'u 'idi nuwanuwa nadigega,

1 Pita 1:24

Nadigega tuga Buki Tabu 'ina simana 'igwae, “Tomota maibo'adi 'atuwa pwatula, ta 'idi esaesao 'atuwa pwatula nidi senidiyao. Manuna pwatula nidi 'iabe simwamwawasa, 'enega senidiyao wate si'oapelu.