2 Kolinita 11:15 - Loina Tabu Auwauna NT

¹⁵ 'Enega geya'abo nuwami 'iowaowana 'eguma Seitani 'ina 'ali'eiyao wate 'adi 'ita sisa'ugelasa be toguinuwa palupaludi nadigega. Ta sa'i tuta 'ebe losalowa 'enaya 'idi bubuna to'umalina manudi taudi sida to'umali 'ai'aila.

2 Kolinita 11:15 Σταυροειδείς Αναφορές

Guinuwa 13:10

ta 'igwae, “'Oyo Seitani 'ina boda ta kabo 'aleyo, 'enega guinuwa palupaluna 'uetalauwalena, ta 'Inapwana 'ina 'eda palupaluna tuta maibo'ana 'utootoo be 'aene 'ugiebokoboko.

Loma 2:6

manuna tomota 'ebweuna 'ebweuna 'edaya 'ida e'isa tuga to'ase 'ida guinuwa nadigega.

1 Kolinita 9:11

'Abo'ama wate nadigega yaluyaluwami 'adi masula ni'atu 'adaunina 'emiya, 'enega 'ilobwenemi be bwalama 'adi masula wa'ebwa'ema.

2 Kolinita 11:13

Manuna tokabo nidi 'adi 'ita 'atuwa Keliso 'ana tosimanao ta esi to'umalina siguiguinuwe.

2 Kolinita 11:23

'Abo taudi Keliso 'ina 'ali'eiyao bobo'adi, 'abo'agu 'ina 'ali'ei bobo'ana wawasae. 'Igu ona gete 'atuwa uwauwagu. 'Igu gwaunuwa 'enega yanugana sinedi, 'igu lugu deliya yau wawasae, 'agu sapiyao wate yauna, ga tuta yauna 'ediyega 'aene tuga 'iabe yada mwawasa.

2 Kolinita 3:9

Loina kadekadelina 'enega tomota bwa'omatana siloba, ta esi loina nina ma ina esaesa maemaedanina. Loina auwauna bubuna palupaluna 'i'ebwa'eda ta 'ina esaesa maedana wawasae.

Epeso 6:12

Manuna 'ida losaiya nigeya tomota ma'edao, ta esi toloina to'umalidi ma'edao, taudi guguyoi gete tuga bale'uya 'ana toloinao, be galewaya 'ana yaluyaluwao to'umalidi.

Pilipai 3:19

Taudi 'idi 'ebe losalowa sida esilae, manuna 'idi 'ebe emisa gamwapawa manuna, be yage 'ebe omayamayao situputupudi, manuna yage bale'u namo nuwanuwadi.

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.

Yude 1:4

Mwau nina ni'atu 'emiya 'iapwesa, nate 'aina toto'umalidi sikaboemi ga 'ami boda 'ena silugu, 'enega Yaubada 'ina oboboma 'edaya taudi 'idi e'itega sisa'u gelasena ga loelata 'ana guinuwa 'enaya, ta wate 'ida Yaubada be 'Inapwana Yesu Keliso siguitoyasedi. Taudi 'idi to'umalinao manudi 'adi loina mwauna lowaenei Yaubada 'isa'una.

E'ita'ita 13:14

Ta ni'atu tagwala 'ilobena be 'enega yobai nina olega matanaya edeedede nidi 'iguinuwedi, ga gote 'ena me bale'u maibo'adi 'ikaboedi. Ta 'ina kabo nidi 'ediya 'igwae, “Tokwalui 'ebweuna wabubu, be 'ana 'ita 'atuwa yobai nina sisisaiyega 'iesilae, ga 'ibobo'ana limana.”

E'ita'ita 13:2

Ta yobai nina ya'itena 'ana 'ita 'atuwa sipu, ta sinabwana, ta 'aenao 'adi 'ita 'atuwa beya 'aedi, ta 'awana 'atuwa laiyoni 'awadi. Ta gimi yobai nina bweyabweyalina 'ina waiwai yobai nina olega 'i'ebwa'ena, ta wate 'ina 'ebemi esaesa be 'ina loina sinabwana 'i'ebwa'ena.

E'ita'ita 9:11

Ta wate ma idi toloina, tauna anilose nina gaula nina 'ana to'ita'i'ita, 'ana esana Ibeliu 'enadiyega sigwae, “Abadoni,” ta 'ena Gilisi sigwae “Apoloni,” ta 'adi gibui nate “Toepe'u.”