2 Kolinita 10:8 - Loina Tabu Auwauna NT

⁸ ga loina Yaubada 'i'ebwa'ema sabi lememi ta esi nigeya sabi gieto'umaliyemi, be 'abo yaonalaga wawasae 'igu loina nina manuna geya'abo wate 'ebe omayamaya yalobaloba.

2 Kolinita 10:8 Σταυροειδείς Αναφορές

2 Kolinita 1:24

Nigeya 'aene 'aetoloina pa'alina 'emiya 'imi emisa be 'imi tapwalolo manudi, manuna ni'atu 'imi emisega watoolopa'ala, ta esi sabi lememi 'imi gwausowala manuna.

2 Kolinita 10:4

Wate 'ida gwegwe nigeya me bale'u 'idi gwegwe saiya nadigega, ta esi 'ida gwegwe dumadumana be 'ediyega Seitani 'ina 'ebeloinao taewaiwai sinedi, Yaubada 'ina waiwaiyega.

2 Kolinita 10:9

Geya'abo leta waiwaidi 'ediyega yagiegie matautemi,

2 Kolinita 12:19

Gosegwao geya'abo wanuwanuwa 'aene 'igu ona getedi 'ediyega ya'awa bobo'anegu matamiya. Nigeya, ta esi maibo'ana Yaubada matanaya Keliso 'ina ona yaonaonaenawa sabi giewaiwaiyemi.

2 Kolinita 12:6

Ta 'eguma to tuta yada onagagasa, nate ona 'ai'aila, ta nigeya ona uwauwa. Ta tuwa geya'abo yaonaona gagasa, manuna nuwanuwagu be to'ase 'igu guinuwa wa'itediya nai 'igu ona wanonodiya, gete namo manudi be geya'abo to'ase wate manugu wada nuwanuwa.

2 Kolinita 13:10

'Imi leta gete 'edasolega ya'etoladinawa be 'abo tuta nina yawawai geya'abo yaloiloina pa'ala 'emiya, manuna loina nina 'Inapwana 'i'ebwa'eguya nigeya sabi gieto'umaliyemi, ta esi sabi giewaiwaiyemi.

2 Kolinita 13:8

Manuna 'abo'ama nigeya sawesawemaya bubuna palupaludi 'a'etobodedi, ta esi yage palupaludi manudi 'aguiguinuwa.

2 Kolinita 7:14

Lowa Taito 'imiyami ta yatuputupumi, ga Taito matanega ni'atu 'i'itena, 'enega nigeya wate 'ebe omayamaya 'eguya. Ta esi 'igu ona maibo'ana 'omi manumi 'ana 'ai'aila ni'atu 'iapwesa.

2 Kolinita 7:4

Ni'atu manumi yagwaugwausowala ta yatupumi, ga 'igu nuwanuwa ni'atu 'ibobo'ana manumi. Gete tuga 'amiya mwau, ta tuwa tuga manumi yagwausowala sinabwana.

Galetia 1:1

'Abo'agu Yesu Keliso 'ina tosimana 'ebweu, ta 'igu etosimana nigeya tomota 'idi esinuwega, ta Yesu 'ina esinuwega, be Tamada Yaubada wate. Tauna Yesu mwawasega 'igietoolo limena.

2 Timoti 1:12

Gete manuna 'igu miyamwau yalobena, ta geya'abo manuna yaomayamaya, manuna 'Inapwana nina yaemisena tauna yamwalamwalatoni, ta wate yamwalatonina 'aene guinuwa 'i'ebwa'eguya 'ida 'ita'i'isi be 'ana laba 'asiyata nina sinabwana 'imeemai 'ena.