2 Kolinita 10:13 - Loina Tabu Auwauna NT

¹³ Ta 'abo'agu geya'abo yaonaona laga yage yauna manudi, nate namo 'igu paisewa nina Yaubada 'i'ebwa'eguya manuna yada onalaga, ta 'igu paisewa nina 'aina 'asa 'ediya be 'omi wate 'emiya.

2 Kolinita 10:13 Σταυροειδείς Αναφορές

Madiu 25:15

Ga 'ebweu 'ina mani 'ina toguinuwa 'i'ebwa'ena 'ana yau paibi analedi kina, ta tai 'eluwena tu analedi kina, ta tai 'etonina analedi kina, manuna 'ina 'ebwaya 'ediya taudi 'ebweuna 'ebweuna 'idi waiwai nadigega, ga muliyega 'inapwana nina 'ipilisinedi ga 'itauya.

Loma 10:18

Ga mwa'adega me Yudia nidi ni'atu 'ina ona sinononaya, nai nigeya? Na, ni'atu sinonona, manuna ni'atu Buki Tabu 'ena 'isimana, 'igwae, “'Idi loguguya ni'atu sena maibo'adi sinonona manuna bale'u maibo'ana 'enaya ona nina 'i'elelewana.”

Loma 12:3

'Abo'agu Yaubada 'enega 'atenuwa'ole'ole yalobena, 'enega 'ilobwenegu wate yada loguguya 'emiya be 'aene geya'abo wanuwanuwatu'e, ta esi ma imi mwalatoi wada nuwanuwa 'ai'aila, manuna 'ida emisa maibo'ana talobena Yaubada 'ina eguyai 'enega.

Loma 12:6

'Ebweuna 'ebweuna 'abo'ada 'ida mwalatoi be 'ida waiwai Yaubada 'i'ebwa'eda, ta wate 'aidi 'adi egueguyai dumadumana 'i'ebwa'edi. Manuna 'abo yaita 'emiyega ma ina emisa be wate ma ina mwalatoi guguya manuna, ni'atu 'ana lobwene 'ai'aila be nadigega 'ida guinuwa.

Loma 15:20

Manuna nuwanuwagu be sena auwaudi namo 'ediya yada gimi loguguya, taudi sena nidi nigeya Keliso tetelina sinoono, manuna geya nuwagu be mali tologuguyao 'idi guinuwa yaloeposeyane.

1 Kolinita 12:11

Egueguyai getedi yaluyaluwa Tabuna tauna 'iesinuwa, ga 'ieguyai 'ebweuna 'ebweuna 'edaya, ta 'i'ebwa'eda be nadigega tada guinuwa'esa.

Epeso 4:7

Ta Keliso 'ina esaesa 'enega 'ada egueguyai 'i'ebwa'eda.

1 Pita 4:10

Ta ni'atu 'ebweuna 'ebweuna Yaubada egueguyai dumadumadi be dumadumadi 'i'ebwa'emi, 'enega egueguyai nidi 'ediyega wada guinuwa be gosemiyao wada lemedi, be 'enega 'omi Yaubada 'ina toguinuwao bobo'ami.