1 Yoni 5:14 - Loina Tabu Auwauna NT

¹⁴ be wate matanaya 'ada lotoona 'aene 'ida sidasida 'inonodi, be 'i'ebwa'eda to'ase be to'ase tasidasida manudi, 'abo tauna 'ina nuwena wate nadigega.

1 Yoni 5:14 Σταυροειδείς Αναφορές

Madiu 21:22

Be 'abo ma imi emisa Yaubada 'ena wasisida, ma'etamo waloloba.”

Yoni 11:42

Ni'atu yamwalatonimu 'aene tuta yauna 'igu sida 'unonodi, ta gete tugai yasidasidawa tomota getedi manudi, 'enega 'imu waiwai sida 'ita be sida emisa 'ai'aila 'aene 'oyo 'uetuneguma.”

Yoni 14:13

Be to'ase nadigega nuwanuwami, be 'agu esanega wasisida, ya'ebwa'emi tuga, be gote 'enega Tamagu 'ana tupu 'ida loba 'igu guinuwa 'enega.

Yoni 15:7

Ta 'abo 'eguya wamiyami ta wate 'abo 'igu ona 'emiya 'imiyami, 'enega 'abo to'ase nuwanuwami wada sida manudi be walobadi.

Yoni 16:24

Ta lowaenei ga batuwa nigeya wate 'ebweu to'ase manuna 'agu esanega wasidasida. 'Enega gete tuga wasisida be 'ida 'ebwa'emi, 'enega wada gwausowala 'ai'aila.”

Yoni 9:31

Ni'atu tamwalatonina 'aene Yaubada nigeya toto'umalidi 'enadi 'ida muliyedi, ta esi 'eguma 'ebweu yaita Yaubada 'ida 'amayabe be 'ina nuwena 'ida guinuwei, Yaubada tai nina 'enana 'ida muliye.

Epeso 3:12

be 'abo Keliso nina taemise ta'atepatu, be sawesawenaya talulugu Yaubada tauna matanaya, be tasidasida 'enaya.

Ibeliu 10:35

'Enega 'imi emisa nina wagiepa'ali be geya'abo waguiguitoyase, manuna ma'etamo 'imi emisa nina 'ana pali bobo'ana wawasae waloba.

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

Yemesa 4:3

Ta 'abo wasidasida manudi, ta nigeya 'adi e'isa wada lobedi, 'alena gete 'imi sidasida nina nigeya bobo'ana, ta 'aene yage nidi manudi wasidasida nate taumimo 'imi gwausowala manuna.

Yemesa 5:16

'Enega 'ebweuna 'ebweuna 'emiya 'imi to'umalinao wada simanedi, be manudi wada sidasida, be 'enega 'imi bobo'ana wada loba. Ona'ai'aila, topalupaludi 'idi sidasida waiwai wawasae.

1 Yoni 2:28

'Enega natugwao, 'ilobwenemi be Keliso 'ena wamiya ataya, 'enega 'abo tuta nina 'iapwesama, geya'abo ma imi matauta, nai ma imi omayamaya, ta esi wada gwausowala 'ina mai manuna.