1 Yoni 3:9 - Loina Tabu Auwauna NT

⁹ 'Enega wate 'eguma Yaubada 'enega tatubuwama geya'abo taguiguinuwa to'umalina, manuna bubuna auwauna 'atedaya ni'atu 'isa'una, 'enega 'abo'ada Yaubada natunao nigeya sawesawenaya be to'umalina wate taguinuwe.

1 Yoni 3:9 Σταυροειδείς Αναφορές

Madiu 7:18

Ona'ai'aila, kaiwe bobo'adi nigeya sawesawediya be uwadi to'umalina siuwaedi. Kaiwe to'umalidi wate nadigega nigeya sawesawediya be uwadi bobo'ana siuwaedi.

Yoni 1:13

'Enega tomota getedi tada eesedi 'aene taudi ni'atu situbuwa limana, ta tubuwa limana nina nigeya nadigega tomota laladi nai 'idi nuwanuwa 'enega, ta esi tubuwa limana nina Yaubada 'enega.

Yoni 3:3

Ta Yesu 'ilolagata ga 'ieonena, “Yaona 'ai'aila 'emuya, 'eguma nigeya 'utubutubuwa limana, geya'abo Yaubada 'ina 'ebeloina 'u'ita'ita.”

Guinuwa 4:20

Ta 'abo'ama sa'i nigeya sawesawemaya be 'ima ona 'ilosa'u yage nidi 'a'itedi ta 'anonodi manudi.”

Loma 6:2

Nigeya sa'i! Manuna bubuna to'umalina ni'atu 'edega 'igumwala, 'enega nigeya sawesawenaya be 'edaya wate 'ida miyami.

Galetia 5:17

Manuna yalakwaiyao Yaluyaluwa Tabuna sietalauwalena, ta sa'i Yaluyaluwa Tabuna 'ida yalakwaiyao 'ietalauwaledi. 'Enega soladaya silosalosaiya, ta to'ase bobo'ana nuwanuwada be taguinuwei nigeya sawesawedaya be taguinuwei.

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

1 Pita 1:23

'Enega 'omi ni'atu watubuwa limana, nigeya tamamiyao mwawamwawasidi 'ediyega, ta esi Tamami mayawasina ta miyamiya atayana 'ina ona 'enega.

1 Yoni 2:29

Ta Yaubada wate wada mwalatoni 'aene tauna Topalupaluna, 'enega 'abo yaisigedi taudi siguinuwa palupaluna, taudi Yaubada 'enega situbuwama.

1 Yoni 3:6

'Enega 'eguma 'abo'ada Keliso ma'edai tamiyami geya'abo wate tabuubuna to'umalina, ta esi taudi toto'umalidi nigeya Keliso si'ita'ita, ta wate nigeya simwalamwalatoni.

1 Yoni 4:7

Gosegwao, maibo'ada tada eoboobobomeda, manuna Yaubada oboboma 'alena, 'enega toobobomao taudi ni'atu Yaubada 'ienatunedi, ta taudi Yaubada 'ana tomwalatoiyao.

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.

1 Yoni 5:18

Ta esi tamwalamwalatoni 'aene 'abo Yaubada 'ienatuneda geya'abo taloeloegesi, manuna tauna Yaubada 'igimi enatunenaya 'i'ita'i'isida, be geya'abo tauna toto'umalina nina 'igitogitooda.

1 Yoni 5:4

'Enega 'eguma Yaubada 'ienatuneda, bubuna bale'u taewaiwai sine, ta 'ida 'ebe ewaiwai nina 'ana esana emisa.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.