1 Yoni 3:23 - Loina Tabu Auwauna NT

²³ Ta 'ina loina 'eluwa nidi 'aene Natuna Yesu Keliso taemise, be gosedao taobobomedi, nadigega Keliso nina 'ada loina 'i'ebwa'eda.

1 Yoni 3:23 Σταυροειδείς Αναφορές

Madiu 22:39

Ta 'ebweu wate loina sinabwana gete nadigega 'igwae, ‘Gosemwao 'uda obobomedi, nadigega tauyo 'amu oboboma.’

Maki 9:7

'Enega pwana wate 'imwa'uta ga 'itala ekabobodi, ta pwana 'enega 'ebweu 'enana sinonona, 'igwae, “Gete natugu bobo'ai'ailina, 'ina onao wada nonodi.”

Yoni 1:12

Ta esi tomota pu'epu'edimo 'ina ona siemisena 'aene tauna To'etoseyana nina, ga 'ediya 'itagwala be taudi Yaubada natunao.

Yoni 13:34

“'Enega 'omi wate gete tuga loina auwauna ya'ebwa'emi, be 'atemiyega wada eobooboboma 'ebweuna 'ebweuna 'enaya, nadigega 'abo'agu yaoboboma'esemi,

Yoni 14:1

'Enega Yesu wate 'ieonedi ga 'ediya 'igwae, “Geya'abo waenuenuwanaluwa, ta esi Yaubada wada emise, ta wate 'abo'agu wada emisegu.

Yoni 15:12

“Ta gete 'igu loina 'emiya 'aene wada eoboobobomemi nadigega 'abo'agu yaobobomemi.

Yoni 17:3

Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.

Yoni 2:23

Tuta nina Yesu Ataona Sagalina solanaya 'imiyami ga tomota yaudi Yesu 'ina guinuwa waiwaina si'itena, 'enega siemisena 'aene tauna To'etoseyana.

Yoni 3:18

“'Eguma yaita Yaubada Natuna 'iemisei, geya'abo bwa'omatana 'ilobaloba, ta 'eguma yaita nigeya 'iemiemisa, tauna ni'atu loina 'ena 'ilugu, manuna nigeya Yaubada natu'ai'ailina 'ena 'iemiemisa.

Yoni 6:29

Ga Yesu 'ieonedi, 'igwae, “Yaubada 'ina guinuwa gete, 'aene wada emisegu 'abo'agu tai nigu 'ietuneguma.”

Guinuwa 16:31

Ta Paulo be Sailasa sigwae, “'Eguma 'Inapwana Yesu 'ena 'uemisa, 'iabe 'oyo be 'imu susuyao wate 'etoseyana waloba.”

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

1 Tesalonaika 4:9

Ta gosedao 'adi oboboma manuna geya'abo 'a'eto'etoladiwa, manuna Yaubada tauna ni'atu 'ie'itemi be taumimo wada eoboobobomemi.

1 Timoti 1:15

Ona gete ona 'ai'aila, ta 'ilobwenena be taemise, manuna Yesu Keliso ni'atu bale'uya 'imai toto'umalidi sabi 'etoseyedi, ta toto'umalidi maibo'adi 'ediyega 'abo'agu toto'umali wawasae.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Pita 4:8

'Enega wada eobooboboma 'ai'aila 'ebweuna 'ebweuna 'emiya, manuna oboboma yage maibo'adi 'isinabwa sinedi. Ta wate oboboma sawesawenaya be to'umalina yaudi 'ikweudi.

1 Yoni 2:7

Gosegwao, geya'abo loina auwauna ya'eto'etoladinawa, ta esi loina kadekadelina nina wagimi nononaya, ga ni'atu wamwalatonina, gete yalolimenawa.

1 Yoni 3:11

Emataluwa sinabwana gete 'agimi eonemi 'aene gosedao maibo'adi tada obobomedi.

1 Yoni 4:15

'Enega 'eguma yaita 'oyo 'u'awa'ai'aila 'aene Yesu tauna Yaubada Natuna, Yaubada 'emuya 'imiyami ta yawasiyo tauna 'enaya.

1 Yoni 4:21

Ta 'ada loina Yaubada 'enega be 'aene tauna taobobome, ta wate tasidao taobobomedi.

1 Yoni 5:13

'Imi leta gete ni'atu ya'etoladinawa be wamwalamwalatoni 'aene 'eguma Yaubada Natuna 'ana esanega waemiemisa, yawasimi ataya waloba,