1 Yoni 3:21 - Loina Tabu Auwauna NT

²¹ Gosegwao, 'eguma nigeya 'ida 'ebe 'atesa'alamo, kapekapeyana be ta'atepatu Yaubada matanaya,

1 Yoni 3:21 Σταυροειδείς Αναφορές

Loma 14:22

Ni'atu 'imi guinuwao waemisedi 'aene bobo'adi Yaubada matanaya, ta esi 'abo geya'abo gosemiyao wagiegie be'uyedi nate 'ebe gwausowala sinabwana 'emiya.

1 Kolinita 4:4

Ta wate 'abo'agu 'igu nuwena 'aene 'igu paisewa nina bobo'ana, ta esi nigeya yamwalamwalatoni 'ai'aili, nai bobo'ana nai to'umalina. Yaubada namo 'imwalamwalatoni.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

Epeso 3:12

be 'abo Keliso nina taemise ta'atepatu, be sawesawenaya talulugu Yaubada tauna matanaya, be tasidasida 'enaya.

1 Timoti 2:8

'Enega nuwanuwagu be 'oloto sena maibo'adi 'ediya, ma idi bubuna palupaluna, nimadi sigilagasidi be sisisida Yaubada 'ena, ta geya'abo ma idi gamwasowala, be ma idi egewagewana.

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 4:16

'Enega ma ida 'atepatu talalaga be tasidasida 'ada Toloina nina 'ena, be 'enega 'ida miyamwau 'ediya 'ida 'atenuwa 'ole'oleyeda, be wate 'ilemeda.

1 Yoni 2:28

'Enega natugwao, 'ilobwenemi be Keliso 'ena wamiya ataya, 'enega 'abo tuta nina 'iapwesama, geya'abo ma imi matauta, nai ma imi omayamaya, ta esi wada gwausowala 'ina mai manuna.

1 Yoni 2:7

Gosegwao, geya'abo loina auwauna ya'eto'etoladinawa, ta esi loina kadekadelina nina wagimi nononaya, ga ni'atu wamwalatonina, gete yalolimenawa.

1 Yoni 3:2

Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.

1 Yoni 3:20

Ta 'eguma ma ida 'atesa'ala 'aene 'abo'ada toto'umalida, Yaubada 'atesa'ala nidi 'ida kweudi, manuna yage yauna sawesawenaya, ta wate mwalatoi maibo'ana 'isinapudi.

1 Yoni 4:17

Gete 'enega taeobooboboma 'ai'aila be bwa'omatana 'ana 'asiyata 'enaya geya'abo tamatamatauta, ta esi tada 'atepatu, manuna tuta gete bale'uya tamiyami 'abo'ada Keliso nadigega.

1 Yoni 5:14

be wate matanaya 'ada lotoona 'aene 'ida sidasida 'inonodi, be 'i'ebwa'eda to'ase be to'ase tasidasida manudi, 'abo tauna 'ina nuwena wate nadigega.