1 Yoni 3:2 - Loina Tabu Auwauna NT

² Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.

1 Yoni 3:2 Σταυροειδείς Αναφορές

Madiu 5:8

'Omi to'ate'esasa wada gwausowala, manuna ma'etamo Yaubada wa'ita.

Luke 17:30

“Yage nidi siapwesa 'ediya, 'iabe wate nadigega tomota 'ediya sida apwesa'esa, 'abo tuta nina 'abo'agu Tomota Natuna yaila limanama.

Luke 20:36

Manuna 'iabe taudi nadigega aniloseyao, be geya'abo wate simwawamwawasa limana, ta esi Yaubada 'ida 'awanatunedi manuna mwawasega sitoolo limana.

Yoni 1:12

Ta esi tomota pu'epu'edimo 'ina ona siemisena 'aene tauna To'etoseyana nina, ga 'ediya 'itagwala be taudi Yaubada natunao.

Yoni 11:52

ta nigeya 'aene me Yudia dimo manudi, ta esi sena yauyaudi 'ediya Yaubada 'ina tomotaiyao 'ida egogonedima be sieboda 'ebweu.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Loma 8:16

Be wate yaluyaluwanana 'enega yaluyaluwada mwalatoi 'i'ebwa'edi, be 'enega tamwalamwalatoni 'aene 'abo'ada Yaubada natunao.

Loma 8:18

Ta 'elouyao gete tuga talobalobadi yanuwena 'aene nigeya yage sinabwana, manuna miya bobo'ana nidi ma'etamo talobadi, bobo'ana wawasae,

Loma 8:19

manuna Yaubada 'ina mwelumweluluwao maibo'adi siyamwayamwa be nuwanuwadi sinabwana be 'aene natunao nida 'ida gieapweseda be sida 'itada.

Loma 8:29

'Enega yaisigedi 'abo'ada 'ibwauyeda ni'atu 'iona upaupaeda be 'aene natunao, 'abo'ada tuga nadigega Natunana, 'enega tauna 'ada tomatuwa, ta 'abo'ada 'ana pwedeuyao.

1 Kolinita 13:12

Gete tugai 'ida mwalatoi nigeya sinabwana, 'atuwa ma'ama'ayau nadigega, nai kunuwadawada nadigega, ta esi ma'etamo be 'enega 'ana 'ai'aila 'ida apwesa 'edaya. Ta 'abo'agu sinasinapu tupwana namo yamwalamwalatoni, ta ma'etamo esiya maibo'ana yamwalatoni, nadigega gete tuga Yaubada 'imwalatoi 'ai'ailigu.

1 Kolinita 2:9

Ta esi 'ida gwausowala nina manuna Buki Tabu 'ina simana 'igwae, “Geya'abo tagwaegwae Yaubada 'ana toobobomao 'adi lema bobo'ana manudi 'igibubuna, manuna gete tuga nigeya 'ebweu wate tomota 'i'ita'ita, nai 'inonono, be 'ida nuwa sabwalena lema nina bobo'ana wawasae.”

2 Kolinita 3:18

'enega nigeya 'ebweu talabodaboda maninidaya 'imiyami, ta 'Inapwana 'ina esaesa maemaedanina 'ena tadunedune, ta tupwana be tupwana 'isa'usa'u gelaseda tauna 'ana 'ita maemaedanina nadigega. Guinuwa gete 'Inapwana 'enega, tauna yaluyaluwa tuga.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

Galetia 3:26

ta esi 'ida emisega Yaubada maibo'ada 'i'awa natuneda, Yesu Keliso ma'edai.

Galetia 4:6

'Enega wate Yaubada Natuna yaluyaluwana 'atedaya 'isa'una, ga Yaubada nina 'i'awa tamanena, 'igwae, “Aba! Tamagu!”

Pilipai 3:21

Be tuta nina 'iilama ooda 'ida sa'ugelasedi; batuwa nenetadi, ta 'ida sa'ugelasedi 'atuwa tauna oona waiwaina ta 'esasena nadigega, ta 'ina guinuwa gete tauna 'ina waiwaiyega, manuna tauna sawesawenaya be yage maibo'adi 'ediya 'ietoloina.

Kolose 3:4

Manuna yawasida bobo'ana Keliso nina 'enega ta'ewena, 'enega tuta nina 'abo Keliso 'iapwesama, 'omi wate Keliso ma'emiya waapwesa 'ina esaesa tuyatuyayalina 'enaya.

Ibeliu 9:28

Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

2 Pita 1:4

Ta wate 'ina onaupaupa bobo'adi ta waiwaidi 'ediyega bubuna bale'u 'ana yalakwaiyao to'umalidi waebesinedi, ga Yaubada 'ina bubuna bobo'ana walobena.

1 Yoni 2:28

'Enega natugwao, 'ilobwenemi be Keliso 'ena wamiya ataya, 'enega 'abo tuta nina 'iapwesama, geya'abo ma imi matauta, nai ma imi omayamaya, ta esi wada gwausowala 'ina mai manuna.

1 Yoni 2:7

Gosegwao, geya'abo loina auwauna ya'eto'etoladinawa, ta esi loina kadekadelina nina wagimi nononaya, ga ni'atu wamwalatonina, gete yalolimenawa.

1 Yoni 3:1

'Abo'ada 'eguma Yaubada 'enega tatubuwa, tauna 'ida 'awanatuneda. Gete 'ina oboboma sinabwa wawasae manuda. Ona'ai'aila, me bale'u Yaubada nigeya simwalamwalatoni, 'enega me bale'u geya'abo si'ina'inaneda 'aene 'abo'ada Yaubada natunao.

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.

1 Yoni 3:21

Gosegwao, 'eguma nigeya 'ida 'ebe 'atesa'alamo, kapekapeyana be ta'atepatu Yaubada matanaya,

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.

E'ita'ita 2:28

Ta wate 'ubwana yada 'ebwa'emi.

E'ita'ita 22:4

Be wate maninina sida 'ita, ta tauna 'ana esana debadiya.