1 Yoni 3:19 - Loina Tabu Auwauna NT

¹⁹ 'Eguma 'ida guinuwega taeobooboboma, gete 'ena tamwalamwalatoni 'aene e'ita 'ai'aila 'ena tamiyami, be geya'abo tamatamatauta Yaubada matanaya.

1 Yoni 3:19 Σταυροειδείς Αναφορές

Yoni 13:35

be 'imi eobooboboma 'enega tomota yaudi sida mwalatonimi 'aene 'omi 'agu tomuliyao.”

Yoni 18:37

'Enega Pailato 'ienaidena, 'igwae, “'Aene 'oyo 'ebweu kini, aga?” Ta Yesu 'igwae, “'Oyo 'uona 'aene 'abo'agu 'ebweu kini, aga? Ta 'abo'agu tuga yatubuwa ga yamai bale'uya be 'aene yada etosimana ona palupaluna manuna, ta 'abo yaisigedi taudi ona palupaluna 'ina sena 'ena simiyami, taudi nate 'enagu 'ana tononoyao.”

Loma 4:21

Manuna ni'atu 'iemisa 'ai'aila 'aene Yaubada 'ina onaupaupa nina sawesawenaya be 'iguinuwe.

Loma 8:38

Ni'atu yamwalatoi 'ai'ailina 'aene nigeya 'ebweu to yage sawesawenaya be Yaubada 'ina oboboma 'edega 'i'ewa yauledi, 'abo mayawasida nai mwawamwawasida, ta wate aniloseyao nai Taumudumudulele magosenao 'idi guinuwao 'ediyega, tuta gete 'enaya nai tuta 'imeemai 'ediya,

2 Timoti 1:12

Gete manuna 'igu miyamwau yalobena, ta geya'abo manuna yaomayamaya, manuna 'Inapwana nina yaemisena tauna yamwalamwalatoni, ta wate yamwalatonina 'aene guinuwa 'i'ebwa'eguya 'ida 'ita'i'isi be 'ana laba 'asiyata nina sinabwana 'imeemai 'ena.

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 11:13

Gimi tomotai nidi ma idi emisa ta esi simwawasa ga onaupaupa nidi uwadi geya'abo silobaloba, ta tuwa tuga 'edasolega si'itena ga silokagutoki manuna, ta wate taudimo si'awa 'owagaedi 'atuwa toesugalagalao sena gete bale'u 'enaya.

1 Yoni 1:8

Ona'ai'aila, maibo'ada toto'umalida tuga, ta geya'abo takabokaboeda, be tagwae, “'Abo'agu bobo'agu, ta nigeya 'igu to'umalinamo.”

1 Yoni 2:21

ta nigeya 'aene ma imi emwagemwage 'imi leta gete wasawasawai, manuna e'ita palupaluna ni'atu wamwalatonina, ta wate wasinapuna 'aene nigeya wate 'ebweu kabo 'iapweapwesama bubuna palupaluna 'enega.

1 Yoni 3:14

Ta tamwalamwalatoni 'aene mwawasa 'ina sena ni'atu taebesinena, manuna 'atedega gosedao taoboobobomedi, ga yawasida ataya ni'atu talobena. Ta 'eguma yaisigedi taudi nigeya oboboma 'atediya, taudi tuga ma'etamo mwawasa 'ina sena 'ena simiyami.

1 Yoni 3:20

Ta 'eguma ma ida 'atesa'ala 'aene 'abo'ada toto'umalida, Yaubada 'atesa'ala nidi 'ida kweudi, manuna yage yauna sawesawenaya, ta wate mwalatoi maibo'ana 'isinapudi.

1 Yoni 3:21

Gosegwao, 'eguma nigeya 'ida 'ebe 'atesa'alamo, kapekapeyana be ta'atepatu Yaubada matanaya,