1 Yoni 3:10 - Loina Tabu Auwauna NT

¹⁰ 'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.

1 Yoni 3:10 Σταυροειδείς Αναφορές

Madiu 13:38

ta bagula nate bale'u maibo'ana, ta witi nate taudi Yaubada 'ina loina 'ana tomuliyao, ta pwatula nate taudi to'umalina 'ana toguinuwao,

Luke 6:35

Ta 'omi esi 'ilobwenemi be 'ami talauwalao wada yaledi be wada obobomedi be wada 'ebwaya 'ediya, ta geya'abo e'isa manuna wayamwayamwa. Ta ma'etamo 'ami e'isa sinabwana wada loba, be 'enega 'omi Toloetana sana natunao. Manuna tauna toto'umalidi ta wate tooopa'alao 'iobobomedi.

Yoni 1:12

Ta esi tomota pu'epu'edimo 'ina ona siemisena 'aene tauna To'etoseyana nina, ga 'ediya 'itagwala be taudi Yaubada natunao.

Yoni 11:52

ta nigeya 'aene me Yudia dimo manudi, ta esi sena yauyaudi 'ediya Yaubada 'ina tomotaiyao 'ida egogonedima be sieboda 'ebweu.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Yoni 8:47

Manuna 'eguma yaita tauna Yaubada 'enega 'imai, tauna Yaubada 'ina onao 'inonodi. Ta 'omi nai nigeya Yaubada 'enega wameema, nate 'alena 'enega nigeya Yaubada 'ina ona wada nonona.”

Guinuwa 13:10

ta 'igwae, “'Oyo Seitani 'ina boda ta kabo 'aleyo, 'enega guinuwa palupaluna 'uetalauwalena, ta 'Inapwana 'ina 'eda palupaluna tuta maibo'ana 'utootoo be 'aene 'ugiebokoboko.

Loma 13:8

'Ami lowagao wada yotuli egumwalidi, ta 'ami lowaga eobooboboma nigeya sawesawenaya be wayotuli egumwali, manuna 'abo gosedao taobobomedi, loinao maibo'adi ni'atu taguiguinuwedi,

Epeso 5:1

Yaubada 'ina obobomega ni'atu 'i'awa natunemi, 'enega tauna 'ina bubuna wada etotowanei,

Kolose 3:14

Ta sa'i 'ilobwenemi be adelimi wada eobooboboma, manuna oboboma 'enega guinuwa maibo'adi sipalupalu.

1 Timoti 1:5

Gete 'igu loina be 'enega 'atemi 'esasedi 'ediyega taumimo waeobooboboma 'ai'aila, be wanuwanuwa bobo'ana, be waemisa 'ai'aila Keliso 'ena.

1 Yoni 2:29

Ta Yaubada wate wada mwalatoni 'aene tauna Topalupaluna, 'enega 'abo yaisigedi taudi siguinuwa palupaluna, taudi Yaubada 'enega situbuwama.

1 Yoni 3:1

'Abo'ada 'eguma Yaubada 'enega tatubuwa, tauna 'ida 'awanatuneda. Gete 'ina oboboma sinabwa wawasae manuda. Ona'ai'aila, me bale'u Yaubada nigeya simwalamwalatoni, 'enega me bale'u geya'abo si'ina'inaneda 'aene 'abo'ada Yaubada natunao.

1 Yoni 3:2

Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.

1 Yoni 4:21

Ta 'ada loina Yaubada 'enega be 'aene tauna taobobome, ta wate tasidao taobobomedi.

1 Yoni 4:6

Ta 'abo'ada esi Yaubada 'enega tatubuwama, 'enega 'abo yaisigedi taudi Yaubada 'ana tomwalatoiyao 'enada sinonona, ta taudi nigeya Yaubada simwalamwalatoni 'enada geya'abo sinonona. 'Enega tamwalatonina 'aene yaluyaluwa kabokabona 'ediya 'imiyami, manuna 'eguma yaluyaluwa 'ai'aila 'ediya 'imiyami 'enada sida nono.

1 Yoni 4:8

Ta esi taudi nigeya tooboboma, taudi nigeya Yaubada 'ana tomwalatoiyao, manuna Yaubada oboboma 'alena,

1 Yoni 5:19

Ta wate 'abo'ada tamwalamwalatoni 'aene Yaubada 'ienatuneda, ta sa'i bale'u bubunina 'ana tomuliyao yauyaudi toto'umalina nina 'ina bodao.

1 Yoni 5:2

'Enega 'eguma Yaubada taobobome, ta 'eguma 'ina loinao taematamatanedi, tamwalamwalatoni 'aene Yaubada natunao wate taobobomedi.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.