1 Yoni 2:22 - Loina Tabu Auwauna NT

²² Ta taudi tokabo nidi Yesu sieyaseyaseye, ta sigwae, “Yesu tauna nigeya To'etoseyana.” 'Abo yaisigedi sionaona nadigega, taudi Keliso 'ana talauwalao, manuna Keliso maTamana siguitoyasedi.

1 Yoni 2:22 Σταυροειδείς Αναφορές

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 24:5

Manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina’, be tomota yaudi sida muliyedi.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

1 Yoni 1:6

'Enega 'abo sena guguyoi 'enaya tamiyami, geya'abo takabokabo be tagwae 'aene, “Yaubada ma'edai taegosiyana.” Nate nigeya bubuna palupaluna.

1 Yoni 2:18

Natugwao, tuta 'ana 'ebe losalowa ni'atu 'imai saba, ta lowa wanonona 'aene Keliso 'ana talauwala nina 'iabe 'iapwesama, 'enega wada nuwa'i'isi Keliso 'ana talauwalao yaudi bale'uya simiyami, 'enega tamwalamwalatoni tuta 'ana 'ebe losalowa gete,

1 Yoni 2:23

'Enega 'eguma yaita 'oyo Yaubada Natuna 'uguitoyasena, nigeya Yaubada ma'iyayo wamiyami. Ta esi 'eguma 'utagwaleyo Natuna 'enaya, tauna be Tamana ma'emwao wamiyami.

1 Yoni 2:4

'Enega 'eguma yaita 'ionaona be 'igwae, “'Abo'agu Yaubada gosiyagu,” ta Yaubada 'ina loinao nigeya 'ida ematamatanedi, nate 'ikabokabo, manuna 'eda palupaluna 'ipilisinena.

1 Yoni 4:20

'Eguma yaita 'igwae, “Yaubada yaobobomena,” ta 'abo tai nina tasina 'ietalauwale, tauna tokabo, manuna tasidai ta'ita'ita, 'enega 'abo tasidai nigeya taoboobobome, nigeya sawesawedaya be Yaubada taobobome, tauna nigeya tada 'itena.

1 Yoni 4:3

Ta esi yaluyaluwa nidi 'abo Yesu sieyaseyaseyena, taudi nigeya Yaubada 'enega, ta esi Keliso 'ana talauwala yaluyaluwana 'enega, ta talauwala nina 'ina mai 'alena lowa wanonona, ta ona'ai'aila, gete tuga bada bale'uya 'imiyami.

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.

2 Yoni 1:7

Ta tokabo yaudi ni'atu siapwesa bale'uya ga sieyaseyase, sigwae, “Yesu Keliso nigeya 'ieetomota.” 'Eguma yaita nadigega 'ikabo'esa, tauna Keliso 'ana talauwala.

Yude 1:4

Mwau nina ni'atu 'emiya 'iapwesa, nate 'aina toto'umalidi sikaboemi ga 'ami boda 'ena silugu, 'enega Yaubada 'ina oboboma 'edaya taudi 'idi e'itega sisa'u gelasena ga loelata 'ana guinuwa 'enaya, ta wate 'ida Yaubada be 'Inapwana Yesu Keliso siguitoyasedi. Taudi 'idi to'umalinao manudi 'adi loina mwauna lowaenei Yaubada 'isa'una.

E'ita'ita 3:9

“Ta wada enono 'ai'aila taudi Seitani 'ina bodao manudi, manuna sikabo ga sigwae 'aene taudi me Yudia, ta nigeya sa'i. 'Enega 'etamo yaloinedi be simamai matamiya be 'emiya sida bwagobwago, be 'enega maibo'adi sida mwalatoni 'aene 'omi yaobobomemi.