1 Timoti 6:19 - Loina Tabu Auwauna NT

¹⁹ Gete 'enega 'adi e'isa bobo'ana tuta 'imeemai 'ena siloba, nate yawasidi ataya.

1 Timoti 6:19 Σταυροειδείς Αναφορές

Madiu 19:21

Ta Yesu 'igwae, “'Eguma nuwanuwayo be adeliyo maibo'ana bobo'ana, 'uila 'imu 'asaya be 'imu gwegwe maibo'adi 'uegimwaneyedi be 'adi maisa 'ueguyaiyedi togomabeso 'ediya, ta 'enega 'umama be 'umuliyegu, be 'enega ma'etamo esaesa galewaya 'uloba.”

Luke 12:33

“'Enega 'imi gwegweyao wada egimwaneyedi be mani nidi wada eguyaiyedi togomabeso 'ediya, be 'enega galewaya 'imi esaesa 'ida miyaataya. Esaesa nina galewaya 'imiyami nigeya wate 'ina 'ebe gumwalamo, manuna nigeya 'ebweu wate to'ipwala sena nina 'ena, ta wate nigeya manumanuwa.

Luke 16:25

“Ta Ebelaamo 'ieonena, 'igwae, ‘Natugu, 'uda mwalatoni 'aene lowa yawasiyo maibo'ana gwausowala daisinamo, ta esi Lasalo nigeya 'ebweu 'ebe gwausowala 'ilobaloba. 'Enega gete tuga tauna ma ina gwausowala, ta 'oyo 'u'elo'elouya.

Luke 16:9

'Enega Yesu wate 'ieonedi, “Bale'u esaesanao to'umalidi, ta 'abo esaesa nidi 'ediyega gosemiyao waobobomedi ma'etamo taudi siaesotami 'ebemiya ataya 'enaya, tuta nina esaesa nidi sigugumwala.

Luke 18:2

Gete nadigega 'igwae, “'Ebweu 'asa 'enaya toloina 'ebweu sinabwana 'imiyami, tauna Yaubada nigeya 'ida matautena ta wate tomota nigeya 'ida 'amayabedi.

Luke 18:22

'Ina ona gete nadigega Yesu 'inonona, 'enega 'igwae, “'Ebweuna yage namo 'ilogegesemu, nate 'aene 'imu gwegweyao maibo'ana 'uda egimwaneyedi be 'adi maisa togomabeso 'ediya 'ueguyaiyedi, ta 'enega 'umamai be 'umuliyegu be 'enega ma'etamo 'imu esaesa galewaya 'uda loba.”

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Epeso 3:17

be wate 'imi emisega Keliso 'ida miyami 'atemiya, be adelimi maibo'ana oboboma tuga,

Pilipai 3:12

Nigeya 'aene ni'atu toololimana yalobena, nai 'igu bubuna ni'atu maibo'ana sibobo'ana, ta esi gete 'igu 'ebe masi be 'aene yada giyai, manuna yage gete manuna Yesu Keliso ni'atu 'igiyaigu.

Pilipai 3:14

nate 'ebe masi nina, nai Yaubada 'ina pali galewaya, Yesu Keliso 'enega.

1 Timoti 6:12

ta wate tapwalolo 'ana guinuwa bobo'adi 'ediya 'utoo be 'uewaiwai, ta yawasiyo ataya wate 'ugiyai'i'isi, manuna lowa Yaubada 'iesinuwemuya, tuta nina 'imu emisa Yaubada 'enaya 'usimana apwesena tomota yaudi matadiya.

2 Timoti 1:1

Kagutoki natu'ai'ailigu 'oyo Timoti, 'imu leta gete 'eguyega. 'Abo'agu Yesu Keliso 'ana tosimana, nadigega Yaubada 'ina nuwanuwa ga yaetosimana yawasi bobo'ana Yesu Keliso 'enega manuna. Tamada Yaubada be 'ida 'Inapwana Yesu Keliso ma idi oboboma sida 'atenuwa 'ole'oleyeyo be 'enega 'uda miya gwausowala.

2 Timoti 2:19

Ta esi Yaubada 'ina ona 'ana 'autui pa'alina 'enaya lowa si'etoladina 'igwae: “'Inapwana 'ina tomotaiyao 'imwalatonidi,” ta wate 'igwae, “Taudi 'Inapwana 'ena ni'atu sitagwalediya, 'ilobwenedi be 'idi bubuna to'umalidi siguitoyasedi.”

1 Pita 1:4

Gote 'ena oboboma nidi 'isa'u 'ai'ailidi manumi, be geya'abo sidaudaula, nai sito'uto'umali, nai sisawasawala.