1 Timoti 6:10 - Loina Tabu Auwauna NT

¹⁰ Manuna esaesa 'ana yala to'umalina maibo'ana 'aledi, ta wate esaesa 'ana 'ebesa waiwai 'enega 'aina gosedao tapwalolo 'ai'aila sipilisinena, ta 'ebe nuwamwau yaudi silobedi.

1 Timoti 6:10 Σταυροειδείς Αναφορές

Madiu 13:22

“Ta atu nidi kwakwakwala 'ediya sibe'uya taudi tetela bobo'ana sinonona, ta 'idi nuwanuwa bale'u be esaesa 'ana nuwanuwao 'ediyega tetela bobo'ana siloemwawasina, 'enega nigeya sawesawenaya be siuuwa.

Madiu 23:13

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega tomota wa'etobodedi be 'enega Yaubada 'ina 'ebeloina 'ena geya'abo silugulugu. 'Omi geya'abo walugulugu, ta tomota wate yaisigedi nuwanuwadi be silulugu waegagaledi.

Madiu 6:19

Geya'abo 'imi esaesa bale'uya waegoegogonedi, manuna manumanuwa be mwaulu esaesa bale'uya sigie to'umaliyedi ta wate to'ipwala silugulugu 'imi anuwa 'ediya sabi 'ipwalidi,

Maki 4:19

ta esaesa be bale'u 'ina yageyao 'adi nuwanuwa 'ediyega Yaubada 'ina ona sinuwa pupulena, 'enega nigeya sawesawenaya be siuuwa.

Kolose 3:5

'Enega bale'u bubuninao 'emiya wada loemwawasidi, nate loelata be guinuwa baibailidi be yalakwaiyao be eesaesa, nate mali 'ebe emisa 'adi bwagobwago.

1 Timoti 3:3

ta geya'abo bwasi waiwai 'inumanuma kabaleya, be wate geya'abo 'igamwagamwasowala, ta esi 'ina bubuna ma'anuwaena, ta nigeya 'ida egewagewana, ta geya'abo esaesa 'ena 'ina yala 'isa'usa'u.

1 Timoti 6:21

Manuna taudi yage nidi getedi 'adi tomuliyao 'idi emisa Yesu 'ena 'ineneta. Yaubada 'ina oboboma 'emuya. 'Abo'agu Paulo.

1 Timoti 6:9

Taudi esaesa 'ana toyalao ma'etamo Seitani 'ina sikwa 'enega 'i'onadi, ta taudimo 'idi nuwanuwagesi 'ediyega sigie to'umaliyedi, be ma'etamo taudi esilae 'ai'aila siloba.

2 Timoti 3:2

Manuna tuta nina 'enaya tomota taudimo manudi sinuwanuwa, be esaesa 'ana yala 'iloemaedi, ta sinuwatu'e be gagasa 'aledi be wate eliya 'aledi. Wate sinadiyao be tamadiyao 'enadi geya'abo siematamatanedi, ta mali tomota 'idi guinuwa bobo'adi manudi nigeya sida lokagutoki.

2 Timoti 4:10

Dimasa ni'atu 'iebesinegu, manuna bubuna bale'u nuwana 'i'ewena ga ni'atu 'itauya Tesalonaika. Kelesenisi wate ni'atu 'itauya Galetia, ta Taito ni'atu 'itauya Dalimetia. Taudi 'agu tolemao nidi maibo'adi ni'atu sipilisinegu.

Taito 1:11

'Enega 'idi ona kabokabo manuna 'u'etobodedi, manuna mali susu be mali susu sigiegie kwanidi, ta 'idi e'ita kabokabo nidi 'enega nuwanuwadi mani siloba.

Yemesa 5:19

Ta tasigwao, 'abo 'ebweu 'emiyega 'eda bobo'ana 'ipilisine be 'ebweu yaita 'oyo gosemina 'u'au'ewa limenama 'eda bobo'ana 'enaya,

Yude 1:11

Nuwa'ole'oledi, manuna Keni 'ina 'eda to'umalina 'enega sitautauya, ta 'enega 'idi esaesa manuna sibubuna to'umalina, nadigega wate Balami lowa 'ina bubuna. 'Enega sida esilae, manuna loina bobo'ana siguitoyasena, nadigega Kola lowa loina 'iguitoyasena.

E'ita'ita 18:13

be 'ane, be mwadi, be gala'u, be bunama, be gweda bobo'adi, be oine, be bunama olibe, be witi, be bulumakau, be sipi, be osi, be wagalisilisi, ta wate tomota mayawasidi be mayaluyaluwadi sida egimwaneyedi be 'aene 'idi topaisewao.