1 Timoti 5:18 - Loina Tabu Auwauna NT

¹⁸ Gete manuna Buki Tabu 'ena Yaubada 'iloina, 'igwae, “'Eguma bulumakau 'ipaipaisewa witi atuna 'enaya, sawesawenaya be tupwana witi 'i'a'ani.” Ta wate 'igwae, “Toguinuwa 'adi niyaula 'ilobwenedi be sida 'e'ai.”

1 Timoti 5:18 Σταυροειδείς Αναφορές

Madiu 10:10

Geya'abo wate tana wa'ewa'ewa. Geya'abo watei 'ami 'oama 'eluwena, nai 'ami 'aelawa 'eluwena, nai 'imi 'etoguna 'eluwena wa'ewa'ewadi, manuna topaisewa 'ana masula sawesawenaya be 'iloba.

Luke 10:7

“Ta 'abo anuwa nina gete 'enaya wamiyami, be to'ase 'ami masula nai 'ami bwasi matamiya sisa'u, wada 'ani, manuna topaisewao 'ilobwenedi be 'adi niyaula siloba. Ta geya'abo watautauya mali anuwa 'ediya, ta esi anuwa nina 'ena wagimilugu 'ena tuga wada miyami.

Loma 10:11

nadigega Buki Tabu 'isimana, 'igwae, “'Abo yaisigedi siemisa, geya'abo omayamaya silobaloba,”

Loma 11:2

'Enega yamwalatonina 'aene 'abo'ama Yaubada 'ina tomotaiyao nima 'igimi esinuwema be 'ina bodao, 'enega geya'abo 'ie'idi'idiyema. Lowaenei Ilaitiya me Isileli 'ilomugiyedi Yaubada 'ena, ta 'ina ona nina Buki Tabu 'ena 'igwae,

Loma 4:3

Nadigega Buki Tabu 'igwae, “Ebelaamo Yaubada 'iemisena, ga 'ina emisa manuna 'awapalupalu 'ilobena Yaubada 'enega.”

Loma 9:17

Ta gete wate 'ebweu 'ebe'ita Pelo 'enega, manuna lowa Yaubada 'ina ona Pelo nina manuna, 'igwae, “Ni'atu 'ebeloina ya'ebwa'emu be 'aene 'uda losaiyegu be 'enega 'igu waiwai 'uda 'ita, be gote 'enega 'agu esana 'ida sinabwa bale'u maibo'ana 'ena.”

1 Kolinita 9:14

Yaubada 'ina loina gete nadigega be 'aene Yesu Keliso tetelina 'ana tosimanao 'adi masula sida lobadi 'idi paisewao 'ediyega.

Galetia 3:8

Lowaenei Yaubada Ebelaamo 'ieonena, 'igwae, “'Oyo 'emuyega ma'etamo taudi nigeya me Yudia 'idi 'ebe gwausowala sida loba.” Ta Yaubada 'ina ona gete Buki Tabu solanaya 'igimi simanena, sena yaudi 'adi giepalupalu Yaubada 'ana emisa 'enega manuna.

Yemesa 4:5

'Enega geya'abo Buki Tabu 'ina simana wa'awa'awa gidale tuta nina 'igwae, “Yaluyaluwa nina Yaubada 'isa'una 'edaya nuwanuwana sinabwana 'abo'ada.”